Aposol 4:34 - Pijin Bible

³⁴ An no eniwan long seksin blong olketa hemi sot long enisamting. Bikos olketa hu i onam eni pisgraon o eni haos, olketa save salem diswan. An seleni wea olketa tekem ya, olketa save givim go

Pijin Deuterocanon

³⁴ An no eniwan long seksin blong olketa hemi sot long enisamting. Bikos olketa hu i onam eni pisgraon o eni haos, olketa save salem diswan. An seleni wea olketa tekem ya, olketa save givim go

Aposol 4:34 Iomraidhean Croise

Matiu 19:21

Nao Jisas hemi sei long hem, “Sapos yu wande fo kamap barava gudfala tumas, yu mas go an salem evrisamting blong yu, an yu mas givim go seleni long olketa pua pipol ya. From diswan nao bae yu garem olketa risis long heven. An bihaen, yu kam fo falom mi nao.”

Gudnius abaotem Jisas Kraes wea Mak hemi raetem 10:21

Nao Jisas hemi luk go long man ya an hemi lavem hem tumas, so hemi talem hem olsem, “Wanfala samting nomoa yu mas duim. Yu mas go an salem evrisamting blong yu, an givim go seleni long olketa pua pipol. From diswan nao bae yu garem olketa risis moa long heven. An bihaen ya, yu save kam an falom mi.”

Gudnius abaotem Jisas Kraes wea Luk hemi raetem 12:33

So yufala mas salem evrisamting wea yufala garem, an yufala mas givim evri seleni ya fo go long olketa pua pipol. Yufala mas yusim diskaen paos wea hemi no save olo an brek. Long disfala wei ya, yufala hipimap olketa risis blong yufala long heven wea bae olketa no save finis enitaem. An long heven ya, bae no eni man fo stil i save kam an no eni kokoros tu i save spoelem olketa samting.

Gudnius abaotem Jisas Kraes wea Luk hemi raetem 16:9

An Jisas hemi gohed fo tok olsem moa, “So mi talem long yufala, yufala mas yusim olketa risis blong wol ya fo mekem olketa pipol kamap fren wetem yufala, mekem taem yufala no save yusim moa olketa risis blong wol ya, bae olketa save fren wetem yufala moa long ples wea laef hemi no save finis.

Gudnius abaotem Jisas Kraes wea Luk hemi raetem 22:35

An Jisas hemi sei moa, “Lastaem, taem mi sendem yufala fo goaot, mi stopem yufala fo no tekem eni paos an basket an sandol. ?Waswe, yufala sot long enisamting?” Nao olketa sei, “Nomoa ya.”

Aposol 2:45

An olketa gohed tu fo salem olketa samting olketa onam an enikaen samting moa olsem, an olketa givim go olketa seleni ya fo helpem eniwan long olketa wea hemi sot long enisamting.

Aposol 4:37

Hem tu hemi salem wanfala pisgraon wea hemi onam, an hemi tekem olketa seleni ya an hemi givim go long olketa aposol.

2 Korin 8:14

Distaem yufala garem plande samting, so hemi gud sapos yufala helpem olketa hu i no garem enisamting. Long bihaen, sapos yufala sot long olketa samting an olketa garem plande, bae olketa save helpem yufala tu. Long diskaen wei nao evriwan bae wankaen nomoa.

Diutronomi 2:7

“‘Yufala mas no fogetem wei wea Yawe, God blong yufala, hemi blesim yufala long evrisamting wea yufala duim. Olowe long foti yia wea yumi wakabaot long bikfala drae eria, hemi lukaftarem yufala, an yufala nating save sot long enisamting.’

1 Tesalonaeka 4:12

Long wei ya nao olketa pipol hu i no blong sios, bae olketa save tinghae long yufala. An bae yufala no wari fo askem eniwan fo olketa samting yufala nidim.

1 Timoti 6:19

wea olketa save gohed fo hipimap olketa fo mekredi gud fo taem wea bae hemi kam. Long wei ya nao, bae olketa save kasem disfala laef wea hemi barava tru laef nao.

Jemes 1:27

Bat gudfala wei blong Kristin wea hemi barava stret long God Dadi blong yumi, hem nao fo helpem olketa wido woman an olketa pikinini wea mami an dadi blong olketa i dae finis, an fo no letem olketa ravis samting long wol fo spoelem gudfala laef blong yumi.