Aposol 4:3 - Pijin Bible

³ Hemi ivining finis, so olketa kasholem tufala an olketa putum tufala fo stap insaet long prisin, go-go kasem neks moning.

Pijin Deuterocanon

³ Hemi ivining finis, so olketa kasholem tufala an olketa putum tufala fo stap insaet long prisin, go-go kasem neks moning.

Aposol 4:3 Iomraidhean Croise

Matiu 4:12

Nao taem Jisas hemi herem dat olketa putum Jon Baptaes insaet long prisin nomoa, hemi gobaek long provins long Galili nao.

Gudnius abaotem Jisas Kraes wea Luk hemi raetem 22:52

Nao Jisas hemi tok olsem long olketa hedprist, an olketa bikman blong seksin fo gadem Tambuhaos, an long olketa nara bikman moa, “?Waswe, yufala tingse mi man fo mekem trabol ya, mekem yufala kam wetem olketa naef an stik fo faet?

Gudnius abaotem Jisas Kraes wea Luk hemi raetem 22:54

So olketa kasholem Jisas nao, an olketa lidim hem go insaet long haos blong Haeprist. Pita hemi go bihaen long olketa, bat hemi no wakabaot kolsap long olketa.

Gudnius abaotem Jisas Kraes wea Jon hemi raetem 18:12

Long taem ya, disfala seksin long olketa soldia wetem bos blong olketa an olketa Jiu wea olketa save sekiuriti long Tambuhaos, olketa kasholem Jisas an olketa taemapem han blong hem nao.

Aposol 5:18

So olketa kasholem olketa aposol an putum olketa insaet long prisin nao.

Aposol 6:12

An long wei ya, olketa mekem olketa pipol wetem olketa bikman blong Jiu an olketa tisa blong Lo, fo olketa kros tumas long Stivin nao. An olketa go kasholem Stivin, an olketa tekem hem go long miting blong disfala Kansol.

Aposol 8:3

Bat Sol, hemi traehad fo finisim sios nao. Hemi go-goraon long olketa haos fo kasholem olketa man an olketa woman hu i biliv. An hemi putum olketa go insaet long prisin nao.

Aposol 9:2

an hemi askem hem fo raetem samfala leta fo hemi tekem go wetem hem long olketa preahaos blong olketa Jiu long Damaskas Olketa leta ya olketa givim paoa long Sol ya, an sapos hemi faendem samfala man an samfala woman wea olketa falom disfala wei blong biliv long Masta, bae hemi save kasholem olketa an tekem olketa go moa long Jerusalem.