Aposol 3:10 - Pijin Bible

¹⁰ olketa luksave dat hem nao disfala man hu hemi save sidaon olowe kolsap long Nambawan Geit ya an askem seleni long olketa. An olketa barava sapraes fogud an olketa no save wanem fo talem nao taem olketa lukim wanem hemi hapen finis long disfala man ya.

Pijin Deuterocanon

¹⁰ olketa luksave dat hem nao disfala man hu hemi save sidaon olowe kolsap long Nambawan Geit ya an askem seleni long olketa. An olketa barava sapraes fogud an olketa no save wanem fo talem nao taem olketa lukim wanem hemi hapen finis long disfala man ya.

Aposol 3:10 Iomraidhean Croise

Matiu 14:35

Nao olketa pipol long ples ya olketa luksave long Jisas, so olketa sendem nius goraon long olketa nara ples long eria ya. So olketa tekem kam long Jisas olketa pipol hu olketa garem enikaen siknis long olketa.

Gudnius abaotem Jisas Kraes wea Luk hemi raetem 4:36

Evri pipol barava sapraes tumas nao an olketa tok olsem long midol long olketa seleva, “?Watkaen toktok nao diswan? Hemi toktok olsem man wea hemi garem paoa tumas wea hemi tokstrong long olketa ravis devol olsem ya. !An olketa save goaot falom toktok blong hem tu!”

Gudnius abaotem Jisas Kraes wea Luk hemi raetem 9:43

An evri pipol ya barava sapraes tumas long bikfala paoa blong God. Taem olketa pipol i gohed fo sapraes yet long evrisamting wea Jisas hemi duim, Jisas hemi tok olsem long olketa disaepol blong hem,

Gudnius abaotem Jisas Kraes wea Jon hemi raetem 5:20

Dadi ya hemi lavem San blong hem an hemi somaot long hem evrisamting wea hemi duim. Bae hemi somaot long hem olketa waka wea hemi bikfala moa winim wanem hemi duim finis, mekem yufala barava sapraes fo lukim.

Gudnius abaotem Jisas Kraes wea Jon hemi raetem 9:3

Nao Jisas hemi ansarem olketa olsem, “Nomoa, sin blong mami an dadi blong hem o sin blong hem seleva hemi no save mekem hem blaen olsem ya. Bat hemi blaen fo mekem olketa pipol save lukim waka wea God bae hemi duim long hem ya.

Gudnius abaotem Jisas Kraes wea Jon hemi raetem 9:8

An olketa pipol hu i stap kolsap long hem, an olketa hu i bin lukim hem taem hemi go-gohed fo askem seleni long pipol, olketa tok olsem, “Maet disfala man nao hemi diswan wea hemi save sidaon long saet long rod fo askem seleni olowe.”

Aposol 2:12

An bikos olketa sapraes fogud an olketa nating save wanem nao hemi hapen, olketa gohed nomoa fo askem olketa seleva olsem, “?Wanem nao diswan hemi minim ya, olketa?”

Aposol 2:7

Olketa barava sapraes tumas an olketa seksek, an olketa talem olsem, “!Maewat, olketa man hu i toktok ya, olketa blong Galili nomoa ya!

Aposol 3:2

Nao wanfala man wea lek blong hem hemi dae stat kam taem hemi bon, hemi sidaon kolsap long disfala geit long Tambuhaos wea olketa save kolem “Nambawan Geit”. Evri de, olketa fren blong hem olketa save karim hem kam, mekem hemi save askem seleni long olketa pipol hu i go long Tambuhaos ya.