Aposol 28:7 - Pijin Bible

⁷ Kolsap long ples ya, bikman long aelan wea nem blong hem Pablias hemi garem olketa gaden blong hem. An hemi talem mifala fo kam an stap long haos blong hem fastaem. So fo trifala de nao, mifala stap wetem hem an hemi lukaftarem mifala gudfala tumas.

Pijin Deuterocanon

⁷ Kolsap long ples ya, bikman long aelan wea nem blong hem Pablias hemi garem olketa gaden blong hem. An hemi talem mifala fo kam an stap long haos blong hem fastaem. So fo trifala de nao, mifala stap wetem hem an hemi lukaftarem mifala gudfala tumas.

Aposol 28:7 Iomraidhean Croise

Aposol 13:7

Hemi fren blong Primia long aelan ya, nem blong hem Sejias Polas. Primia ya hemi garem gudfala save, an bikos hemi laekem tumas fo herem toktok blong God, hemi sendem go nius long Banabas an Sol fo tufala kam lukim hem nao.

Aposol 18:12

Nao long disfala yia wea Galio hemi kamap Primia long provins long Akaea, olketa bikman blong Jiu olketa hipap tugeta an olketa kasholem Pol an tekem hem go long kot blong Primia.

Aposol 23:24

An yutufala mas mekredi tu samfala hos, mekem Pol hemi save raed go, an yutufala save lukaftarem hem gudfala go-go yufala kasem Primia Filiks.”

Aposol 28:2

An olketa man blong aelan ya olketa barava kaen gudfala tumas long mifala, an olketa lukaftarem mifala gudfala. Nao taem ya, hemi ren an kol tumas tu, so olketa mekem wanfala bikfala faea fo mifala.

Aposol 28:6

Olketa man blong aelan ya olketa weit nomoa fo bodi blong Pol hemi stat boela bikfala o hemi foldaon nomoa long graon an dae. Bat taem olketa lukluk long hem fo lelebet longtaem an no enisamting hemi kasem hem nomoa, olketa tingting deferen moa an olketa sei, “!Hem ya, ating hemi wanfala god ya!”

Aposol 28:8

Taem ya, dadi blong Pablias hemi stap long bed nomoa ya, bikos hemi sik tumas wetem fiva an beleran. So Pol hemi go insaet long rum blong hem an putum han blong hem long man ya, an hemi prea fo hem, mekem hemi gudbaek moa.

1 Timoti 5:10

Hemi mas wanfala woman wea olketa pipol luksave long hem from hemi save duim olketa gudfala waka. Olketa waka olsem fo lukaftarem gud olketa pikinini blong hem, an fo letem olketa pipol stap long haos blong hem, an fo welkamem olketa Kristin pipol long haos blong hem, an fo helpem olketa pipol hu i garem trabol long laef blong olketa. Ya, hemi mas woman wea hemi traehad olowe fo duim enikaen gudfala waka.

Hibrus 13:2

Yufala mas no foget fo lukaftarem gud olketa strensa wea olketa kam kasem ples blong yufala. Bikos samfala pipol long bifoa, olketa tingse olketa welkamem olketa strensa nomoa, bat wea, olketa tekem kam olketa enjel insaet long haos blong olketa nao.