Aposol 28:2 - Pijin Bible

² An olketa man blong aelan ya olketa barava kaen gudfala tumas long mifala, an olketa lukaftarem mifala gudfala. Nao taem ya, hemi ren an kol tumas tu, so olketa mekem wanfala bikfala faea fo mifala.

Pijin Deuterocanon

² An olketa man blong aelan ya olketa barava kaen gudfala tumas long mifala, an olketa lukaftarem mifala gudfala. Nao taem ya, hemi ren an kol tumas tu, so olketa mekem wanfala bikfala faea fo mifala.

Aposol 28:2 Iomraidhean Croise

Esra 10:9

Long trifala de ya, olketa man hu i stap long tufala distrik long Jiuda an Benjamin i gohed fo kam long Jerusalem. Long mektri de, wea hem nao mektuenti de long meknaen mans, evriwan ya i hipap tugeta an sidaon long bikfala open eria ya frant long Tambuhaos blong God. Bikfala ren hemi foldaon kam long olketa, mekem olketa filnogud, an olketa seksek tu from rison olketa bin kolem olketa fo kam long disfala miting.

Levitikas 19:18

An yufala mas no gohed fo heitem eni wantok o sensimbaek eni ravis wei blong hem. Bat, yufala mas barava lavem olketa wantok olsem yufala lavem yufala seleva, bikos mi nao Yawe.

Levitikas 19:34

Yufala mas tingim taem wea yufala stap long Ijip olsem strensa long dea. Dastawe, yufala mas lavem olketa deferen pipol olsem wea yufala lavem yufala seleva, an yufala mas lukaftarem olketa, olsem wea yufala lukaftarem olketa long laen blong yufala seleva, bikos mi nao Yawe, God blong yufala.

Matiu 10:42

Eniwan hu hemi givim nomoa kapwata long wanfala man wea hemi lou tumas bikos hemi luksave dat man ya hemi falom mi, mi talem yufala tru samting nao, God bae hemi barava blesim disfala man ya.”

Gudnius abaotem Jisas Kraes wea Jon hemi raetem 18:18

Hemi taem blong kol tu ya, so olketa wakaman an olketa hu i sekiuriti long ples ya, olketa stanap raonem faea wea olketa wakem fo hotem bodi blong olketa. An Pita hemi stanap wetem olketa tu fo hotem bodi blong hem.

Aposol 27:3

Long neks de nomoa, mifala kasem taon long Saedon. An Jiulias hemi kaen tumas long Pol, so hemi letem hem fo go lukim olketa fren blong hem long ples ya, mekem olketa save helpem hem long wanem hemi nidim.

Aposol 28:3

Pol hemi pikimap wanfala hip long faeawud an hemi putum go long faea. An from faea hemi hot tumas, wanfala poesen snek hemi kamaot long faeawud ya an hemi baetem han blong Pol nao.

Aposol 28:4

Taem olketa man blong aelan ya olketa lukim nomoa snek wea hemi hangdaon long han blong Pol, olketa toktok tugeta long olketa seleva olsem, “Ating man ya hemi bin kilim olketa man dae ya, bikos nomata hemi sev from dae long si bat olketa god i no letem hem fo laef ya.”

Leta wea Pol hemi raetem go long sios long Rom 1:14

Mi mas helpem evri pipol, nomata olketa stap long taon o olketa stap long bus, nomata olketa skul gud o olketa no skul.

Leta wea Pol hemi raetem go long sios long Rom 14:1

Yufala mas mekfren long man hu i no strong long biliv blong hem, an yufala mas no raoa wetem hem abaotem enikaen samting hemi tingim.

Leta wea Pol hemi raetem go long sios long Rom 14:3

Man hu hemi save kaikaim enikaen kaikai, hemi mas no lukdaon long man hu hemi no save kaikaim mit. An man hu hemi no save kaikaim mit, hemi mas no jajem man hu hemi save kaikaim enikaen kaikai, bikos God hemi hapi long hem.

Leta wea Pol hemi raetem go long sios long Rom 2:27

An olketa hu i falom wanem Lo hemi talem, nomata olketa no barava kate long bodi, wei blong olketa nao bae jajem yufala, bikos nomata yufala garem Lo long Buk an nomata yufala kate, yufala gohed nomoa fo brekem Lo.

1 Korin 14:11

Bat sapos samwan hemi toktok long langguis wea mi no save long hem, bae man ya hemi olsem strensa long mi nao an bae hem tu hemi tingim mi olsem strensa ya.

2 Korin 11:27

Mi bin wakahad tumas an mi no garem taem fo slip. Plande taem mi nating garem eni kaikai an dring o mi no garem inaf taem fo kaikai, an plande taem mi kol tumas an sot long kaleko.

Kolosi 3:11

An falom diswan, evri pipol olketa semsem nomoa. Nomata yumi man blong Jiu o nomoa, nomata yumi mekem olketa boe fo kate o nomoa, nomata yumi no skul o yumi blong bus o yumi slev o yumi stap fri man nomoa, Kraes nao hemi nambawan samting long laef blong yumi, an Kraes nao hemi stap insaet long yumi evriwan.

Hibrus 13:2

Yufala mas no foget fo lukaftarem gud olketa strensa wea olketa kam kasem ples blong yufala. Bikos samfala pipol long bifoa, olketa tingse olketa welkamem olketa strensa nomoa, bat wea, olketa tekem kam olketa enjel insaet long haos blong olketa nao.