Aposol 28:11 - Pijin Bible

¹¹ Taem mifala bin stap long trifala mans long aelan ya, mifala lusim ples long wanfala sip wea hemi stap kam long Aleksandria. Nem blong sip ya hemi “Tufala god hu i tuin” an hemi bin stap long aelan ya long taem blong bikfala raf si.

Pijin Deuterocanon

¹¹ Taem mifala bin stap long trifala mans long aelan ya, mifala lusim ples long wanfala sip wea hemi stap kam long Aleksandria. Nem blong sip ya hemi “Tufala god hu i tuin” an hemi bin stap long aelan ya long taem blong bikfala raf si.

Aposol 28:11 Iomraidhean Croise

Aesaea 45:20

Yawe hemi tok olsem, “!Yufala evriwan long olketa narafala kantri hu i laef yet, yufala mas hipap kam mekem yumi kot! Samfala pipol i karim olobaot olketa kaving god blong olketa wea olketa mekem nomoa long stik. An olketa gohed fo prea long olketa god ya, wea hemi nating garem nomoa eni paoa fo sevem olketa. Diskaen pipol ya i nating save nomoa long enisamting.

Jona 1:16

Olketa kru i fraet tumas taem olketa lukim disfala samting. So, olketa tekem wanfala animol an mekem wanfala sakrifaes go long Yawe, an mekem tu olketa strongfala promis long hem.

Jona 1:5

Olketa kru long sip ya i barava fraet fogud, an evriwan i kraeaot go long olketa god blong olketa fo helpem olketa. Olketa torowem olketa kago godaon long si bikos sip ya hemi kolsap singdaon nao. Oraet. Bifoa win ya hemi stat fo blou kam, Profet Jona bin godaon insaet long sip fo leidaon, an hemi barava dip slip nao.

Aposol 13:6

Trifala wakabaot go, go-go olketa kasem biktaon long Pefos wea hemi stap long narasaet long aelan ya. An long ples ya nao olketa mitim wanfala man blong Jiu, nem blong hem Bajisas. Hemi wanfala laea profet wea hemi save mekem majik.

Aposol 27:6

Long ples ya nao, disfala bikman blong ami hemi faendem wanfala sip wea hemi kam long Aleksandria, an hemi redi fo go moa long Itali. So bikman ya hemi mekem mifala evriwan fo go long sip ya nao.

Aposol 28:10

So olketa givim plande samting long mifala, an taem mifala redi fo lusim ples ya, olketa givim mifala evrisamting wea mifala nidim fo gogo blong mifala.

Aposol 28:12

Mifala sel go kasem Sirakius, an mifala stap long taon ya fo trifala de.

Aposol 6:9

Bat samfala man nao olketa stat fo agensim hem, wea olketa i blong disfala preahaos wea olketa kolem “Preahaos blong olketa man hu i fri moa”. An olketa man ya, olketa stap kam long Saerin an Aleksandria an tufala provins long Silisia an long Esia. An olketa gohed fo raoa wetem Stivin,

1 Korin 8:4

Nao long wei fo kaikaim mit wea olketa bin sakrifaesim go long olketa laea god ya, yumi save dat olketa laea god i piksa nating nomoa. Olketa no stap tru, wanfala God nomoa hemi stap.