Aposol 27:18 - Pijin Bible

¹⁸ Bikfala win ya hemi go-gohed nomoa, an long neks de olketa torowem go haf long kago insaet long solwata nao.

Pijin Deuterocanon

¹⁸ Bikfala win ya hemi go-gohed nomoa, an long neks de olketa torowem go haf long kago insaet long solwata nao.

Aposol 27:18 Iomraidhean Croise

Sams 107:27

Olketa fo-foldaon olobaot an wakabaot krangge nomoa olsem man wea hemi drang. Nomata olketa i nambawan man long solwata, olketa i nating save nao wanem fo duim.

Jona 1:5

Olketa kru long sip ya i barava fraet fogud, an evriwan i kraeaot go long olketa god blong olketa fo helpem olketa. Olketa torowem olketa kago godaon long si bikos sip ya hemi kolsap singdaon nao. Oraet. Bifoa win ya hemi stat fo blou kam, Profet Jona bin godaon insaet long sip fo leidaon, an hemi barava dip slip nao.

Matiu 16:26

?Nomata sapos eniwan hemi winim evrisamting long disfala wol, bat sapos hemi lusim tru laef blong hem from diswan ya, waswe, bae olketa samting ya save helpem hem? Nomoa ya. ?An wanem nao bae hemi givim, mekem hemi save tekembaek moa laef blong hem?

Gudnius abaotem Jisas Kraes wea Luk hemi raetem 12:23

Bikos laef nao hemi bikfala samting moa winim kaikai, an bodi nao hemi bikfala samting moa winim kaleko yu werem.

Gudnius abaotem Jisas Kraes wea Luk hemi raetem 16:8

“Nao bihaen nomoa, bikman blong disfala bos hu hemi bin raverave ya, hemi preisim hem nao bikos hemi kleva tumas fo duim olketa samting ya. Bikos olketa pipol blong disfala wol ya olketa barava save tumas hao fo lukaftarem bisnis blong olketa, winim olketa pipol blong laet.”

Aposol 27:19

Long mektri de moa, olketa torowem go long solwata plande samting olketa save yusim long sip ya.

Aposol 27:38

Taem olketa kaikai finis nomoa, olketa torowem go evri baeg flaoa long solwata nao, mekem sip ya hemi no hevi tumas.

Hibrus 12:1

Nao disfala bikfala seksin long olketa olo blong yumi long bifoa, olketa stap raonem yumi fo somaot gudfala wei fo biliv. Dastawe yumi mas lusim evrisamting wea i stopem yumi fo no gohed fo biliv long God, an yumi mas lusim tu wei blong sin wea i save holetaet tumas long yumi. An yumi mas gohed strong olowe fo ran long disfala resis wea God hemi makem fo yumi ran long hem.