Aposol 26:25 - Pijin Bible

²⁵ Bat Pol hemi ansa olsem, “Primia Festas, mi nating krangge ya. Mi garem gudfala tingting an mi toktru.

Pijin Deuterocanon

²⁵ Bat Pol hemi ansa olsem, “Primia Festas, mi nating krangge ya. Mi garem gudfala tingting an mi toktru.

Aposol 26:25 Iomraidhean Croise

Jeremaea 29:26

Sefenaea. Yawe hemi siusim yu fo sensim Jehoeada, fo kamap sif prist long Tambuhaos blong Yawe. So sapos eni krangge man hemi talem hemi wanfala profet, yu mas taengem hem long wanfala frem long timba fo mekem hemi safa, an putum tu bikfala aean sen long nek blong hem.

Gudnius abaotem Jisas Kraes wea Luk hemi raetem 1:3

So, Bikman Tiofilas, mi tu mi bin traehad fo luksave gudfala abaotem evrisamting ya from taem olketa samting jes stat. So mi tingse hemi gud sapos mi raetem olketa samting ya long gudfala wei fo yu,

Gudnius abaotem Jisas Kraes wea Jon hemi raetem 8:49

Nao Jisas hemi sei, “Nomoa, no eni devol i stap long mi. Mi haemapem Dadi blong mi, bat yufala tokspoelem mi nomoa.

Aposol 23:26

“Mi Klodias Lisias mi raet go long yu Primia Filiks. Mi sei halo go long yu.

Aposol 24:3

Olketa samting olsem, mifala lukim dat hemi gudfala tumas, an mifala talem bikfala tengkiu long yu.

Taetas 1:9

Hemi mas holemstrong disfala tru tising wea yumi bin tisim hem. Sapos olsem, lida ya bae hemi fit fo tisim olketa pipol abaotem disfala tru tising, mekem tingting blong olketa kamap strong moa. An bae hemi save somaot tu olketa rong blong olketa pipol hu i agensim tru tising.

1 Pita 3:15

Bat hemi gud fo yufala mekem Kraes hemi Masta long laef blong yufala. An evritaem, yufala mas redi fo givim gudfala ansa long olketa pipol hu i ask abaotem disfala wei blong yufala fo trastem Kraes.

1 Pita 3:9

Taem eniwan hemi duim samting nogud long yufala, yufala no sensimbaek moa long hem. An taem eniwan hemi tok nogud long yufala, yufala no tok nogud moa long hem. Nomoa. Yufala mas prea long God, mekem hemi blesim disfala man. Bikos God hemi bin kolem yufala fo blesim pipol, an hemi promis dat bae hemi blesim yufala.