Aposol 24:10 - Pijin Bible

¹⁰ Nao Filiks hemi mekem saen long Pol fo hemi save toktok, an Pol hemi tok olsem, “Mi save dat long plande yia nao yu bin jajem olketa kes blong mifala blong Israel, so mi hapi tumas fo ansarem olketa toktok blong olketa insaet long disfala kot.

Pijin Deuterocanon

¹⁰ Nao Filiks hemi mekem saen long Pol fo hemi save toktok, an Pol hemi tok olsem, “Mi save dat long plande yia nao yu bin jajem olketa kes blong mifala blong Israel, so mi hapi tumas fo ansarem olketa toktok blong olketa insaet long disfala kot.

Aposol 24:10 Iomraidhean Croise

Gudnius abaotem Jisas Kraes wea Luk hemi raetem 12:11

“Bae olketa tekem yufala go long kot long olketa preahaos, an long frant blong olketa primia an long olketa nara man hu i rulim yufala. Bat long taem ya, yufala no wari abaotem wanem nao fo talem an hao nao fo ansarem toktok blong olketa.

Gudnius abaotem Jisas Kraes wea Luk hemi raetem 12:14

Nao Jisas hemi sei, “!Man! Mi no garem paoa ya fo jajem bisnis blong yutufala an fo searemaot olketa samting long yutufala.”

Gudnius abaotem Jisas Kraes wea Luk hemi raetem 18:2

Nao Jisas hemi tok olsem, “Long wanfala taon wanfala jaj hemi stap hu hemi nating wari fo tinghae long God an hemi nating wari long olketa pipol tu.

Aposol 12:17

So Pita hemi mekem saen long olketa, mekem olketa lisin gudfala, an bihaen, hemi gohed fo stori long olketa abaotem hao God hemi bin tekem hem aot from prisin. Finis, hemi talem olketa fo stori abaotem diswan long Jemes an long olketa nara Kristin moa. An bihaen, hemi lusim olketa an hemi go long wanfala deferen ples moa.

Aposol 13:16

Pol hemi stanap an hemi mekem saen fo olketa mas lisin gudfala, an hemi stat fo toktok olsem nao, “Olketa man blong Israel an yufala olketa nara man hu i kam fo wosipim God, yufala lisin gudfala long mi.

Aposol 18:15

Bat bikos diswan hemi wanfala raoa abaotem olketa toktok an olketa nem an olketa samting long lo blong yufala seleva nomoa, hemi gud fo yufala seleva nao yufala mas stretem. Mi no wiling fo jajem disfala kes fo yufala.”

Aposol 19:33

Nao olketa Jiu olketa pusum wanfala long olketa fo goap long frant blong evri pipol, so samfala long olketa pipol i tingse hem nao hemi mekem disfala raoa fo stat. Man ya, nem blong hem Aleksanda, an hemi mekem saen fo olketa lisin gudfala bikos hemi laek fo ansarem olketa toktok blong olketa.

Aposol 21:40

Kapten hemi letem hem nao. So Pol hemi stanap antap long olketa step long haos ya, an hemi mekem saen fo mekem olketa pipol lisin gudfala. Nao taem olketa stap kuaet nomoa, hemi gohed nao fo toktok long olketa long langguis long Hibru, an hemi sei,

Aposol 23:24

An yutufala mas mekredi tu samfala hos, mekem Pol hemi save raed go, an yutufala save lukaftarem hem gudfala go-go yufala kasem Primia Filiks.”

Aposol 26:1

Nao Agripa hemi sei long Pol, “Mi letem yu nao fo toktok fo saet blong yu seleva.” So Pol hemi mekem saen fo olketa lisin long hem, an hemi toktok olsem,

1 Pita 3:15

Bat hemi gud fo yufala mekem Kraes hemi Masta long laef blong yufala. An evritaem, yufala mas redi fo givim gudfala ansa long olketa pipol hu i ask abaotem disfala wei blong yufala fo trastem Kraes.

1 Samuel 2:25

Sapos man hemi duim nogud samting long narafala man, bae Yawe hemi save helpem hem fo stretem sin blong hem. ?Sapos man hemi duim eni nogud samting agensim Yawe, hu nao save helpem hem?” Nao tufala ya no herem olketa toktok blong dadi blong tufala, bikos Yawe hemi planem finis fo kilim tufala dae.