Aposol 22:25 - Pijin Bible

²⁵ Bat taem olketa bin taemapem hem fo wipim hem nomoa, Pol hemi askem wanfala bikman blong ami hu hemi stanap kolsap, an hemi sei, “?Waswe, yufala tingse hemi no agensim lo, fo yufala wipim mi man blong Rom wea yufala no kotem mi yet?”

Pijin Deuterocanon

²⁵ Bat taem olketa bin taemapem hem fo wipim hem nomoa, Pol hemi askem wanfala bikman blong ami hu hemi stanap kolsap, an hemi sei, “?Waswe, yufala tingse hemi no agensim lo, fo yufala wipim mi man blong Rom wea yufala no kotem mi yet?”

Aposol 22:25 Iomraidhean Croise

Matiu 10:17

Yufala mas lukaot, bikos samfala man bae olketa tekem yufala go long olketa kot, an bae olketa wipim yufala insaet long olketa preahaos.

Matiu 27:54

Long taem ya, bikman blong ami wetem olketa soldia blong hem, olketa gadem Jisas. An taem olketa lukim disfala etkuek an olketa narasamting wea hemi hapen ya, olketa barava fraet fogud nao an olketa sei, “!Disfala man ya hemi barava San Blong God tru ya!”

Matiu 8:8

Bat disfala bikman ya, hemi sei moa long Jisas, “Oo bikman, mi nating fitim nomoa fo yu kam insaet long haos blong mi. Bat sapos yu talem kam toktok nomoa, bae wakaman blong mi hemi gudbaek moa ya.

Aposol 10:1

Long Sisaria wanfala man hemi stap, nem blong hem Konilias. Hemi bikman long ami long seksin blong olketa soldia wea olketa kolem “Seksin blong Itali”.

Aposol 16:37

Bat Pol hemi tok olsem long olketa pulis ya, “Mitufala i man blong Rom ya, bat olketa nating jajem kes blong mitufala long kot. Nomoa nao. Olketa bin wipim mitufala nating long ae blong olketa pipol, an olketa bin putum mitufala insaet long prisin nomoa. ?An waswe, distaem olketa wande fo raosim mitufala goaot haed nomoa ya? !Nating nao ya! Olketa seleva nao i mas kam an lidim mitufala goaot from prisin.”

Aposol 22:26

Taem disfala bikman hemi herem diswan nomoa, hemi go stret long kapten an sei, “?Wanem nao yu trae fo duim? !Disfala man hemi man blong Rom ya!”

Aposol 23:17

Pol hemi kolem kam wanfala bikman blong ami an hemi sei long hem, “Yu tekem disfala yangman go long kapten. Hemi garem wanfala samting fo talem hem ya.”

Aposol 23:27

Disfala man ya, olketa bikman blong Jiu olketa bin kasholem hem ya, an olketa kolsap kilim hem dae. Bat mi kam wetem olketa soldia blong mi an mi sevem hem from olketa, bikos mi herem dat hemi wanfala man blong Rom ya.

Aposol 25:16

Bat mi talem olketa dat hemi no falom kastom blong mifala blong Rom ya fo letem olketa fo panisim man ya nating. Hemi mas garem sans fastaem fo stanap long frant blong olketa pipol hu i agensim hem, mekem hemi save ansarem olketa toktok olketa talem agensim hem.

Aposol 27:1

Taem olketa talemaot finis wea bae mifala mas go long sip fo go long kantri long Itali, olketa givim Pol wetem samfala man moa long prisin, long han blong wanfala bikman blong ami. Hemi soldia blong bikfala King long Rom an nem blong hem Jiulias.

Aposol 27:3

Long neks de nomoa, mifala kasem taon long Saedon. An Jiulias hemi kaen tumas long Pol, so hemi letem hem fo go lukim olketa fren blong hem long ples ya, mekem olketa save helpem hem long wanem hemi nidim.

Aposol 27:43

Bat disfala bikman blong ami hemi wande fo sevem laef blong Pol so hemi stopem olketa soldia fo no duim diswan. Hemi talem evriwan hu i save suim gudfala fo jam go long si fastaem, mekem olketa save suim go long soa.