Aposol 22:24 - Pijin Bible

²⁴ So disfala kapten long ami ya hemi talem olketa soldia fo tekem Pol go insaet long eria blong ami nao. Hemi talem olketa fo wipim Pol, an kuestinim hem fo faendemaot waswe nao olketa pipol ya olketa singaot bikfala agensim hem olsem.

Pijin Deuterocanon

²⁴ So disfala kapten long ami ya hemi talem olketa soldia fo tekem Pol go insaet long eria blong ami nao. Hemi talem olketa fo wipim Pol, an kuestinim hem fo faendemaot waswe nao olketa pipol ya olketa singaot bikfala agensim hem olsem.

Aposol 22:24 Iomraidhean Croise

Gudnius abaotem Jisas Kraes wea Jon hemi raetem 19:1

Nao Paelat hemi talem go long olketa soldia fo tekem Jisas fo wipim hem nao.

Aposol 16:37

Bat Pol hemi tok olsem long olketa pulis ya, “Mitufala i man blong Rom ya, bat olketa nating jajem kes blong mitufala long kot. Nomoa nao. Olketa bin wipim mitufala nating long ae blong olketa pipol, an olketa bin putum mitufala insaet long prisin nomoa. ?An waswe, distaem olketa wande fo raosim mitufala goaot haed nomoa ya? !Nating nao ya! Olketa seleva nao i mas kam an lidim mitufala goaot from prisin.”

Aposol 21:34

Bat olketa pipol hu i hipap ya olketa singaotem plande deferen samting nao. An kapten hemi no save herem enisamting gudfala bikos olketa singaot olobaot nomoa. So hemi talem olketa soldia fo olketa mas tekem Pol go long strongfala haos blong ami nao.

Aposol 21:37

Taem olketa soldia kolsap tekem Pol go insaet long haos blong ami, Pol hemi askem kapten olsem, “?Waswe, mi save talem wanfala samting fo yu?” An kapten hemi sei, “!Maewat, yu save tok long Grik ya!

Aposol 23:10

Raoa ya hemi gohed bikfala fogud, go-go disfala kapten blong ami hemi fraet, nogud olketa kilim Pol dae. So hemi talem olketa soldia blong hem fo olketa godaon an tekemaot Pol from Kansol ya an tekem hem gobaek long ples blong ami.

Aposol 23:27

Disfala man ya, olketa bikman blong Jiu olketa bin kasholem hem ya, an olketa kolsap kilim hem dae. Bat mi kam wetem olketa soldia blong mi an mi sevem hem from olketa, bikos mi herem dat hemi wanfala man blong Rom ya.

Aposol 28:18

Olketa man blong Rom olketa bin tekem mi long kot, an olketa wande fo letem mi go fri, bikos mi no bin duim enisamting wea hemi fitim fo olketa kilim mi dae long hem.

Hibrus 11:35

An olketa woman i biliv long God, an dastawe olketa long famili blong olketa hu i dae finis, olketa i laefbaek moa. Bat samfala nara pipol hu i biliv long God, olketa enemi blong olketa nao i barava hitim olketa go-go olketa dae. Olketa no laek fo helpem olketa enemi, mekem olketa save letem olketa fo go fri, bikos olketa laek fo kasem laef wea hemi gudfala moa.