Aposol 21:40 - Pijin Bible

⁴⁰ Kapten hemi letem hem nao. So Pol hemi stanap antap long olketa step long haos ya, an hemi mekem saen fo mekem olketa pipol lisin gudfala. Nao taem olketa stap kuaet nomoa, hemi gohed nao fo toktok long olketa long langguis long Hibru, an hemi sei,

Pijin Deuterocanon

⁴⁰ Kapten hemi letem hem nao. So Pol hemi stanap antap long olketa step long haos ya, an hemi mekem saen fo mekem olketa pipol lisin gudfala. Nao taem olketa stap kuaet nomoa, hemi gohed nao fo toktok long olketa long langguis long Hibru, an hemi sei,

Aposol 21:40 Iomraidhean Croise

2 Kings 9:13

Seknomoa, evriwan i aotem longfala kaleko blong olketa an putum antap long olketa step, mekem hem stanap antap long olketa. Den olketa bloum trampet, an olketa singaot bikfala olsem, “!Jehu hemi king!”

Gudnius abaotem Jisas Kraes wea Luk hemi raetem 23:38

An olketa raetem wanfala notis an putum antap long kros blong Jisas wea hemi sei olsem, “Hem nao King blong olketa Jiu.”

Gudnius abaotem Jisas Kraes wea Jon hemi raetem 19:13

Taem Paelat hemi herem olketa toktok ya nomoa, hemi lidim Jisas go aotsaet nao. An Paelat hemi sidaon long sea fo jajem pipol long kot nao. Disfala ples olketa kolem “Floa blong ston,” an long langguis long Hibru olketa kolem “Gabata.”

Gudnius abaotem Jisas Kraes wea Jon hemi raetem 19:17

Long taem ya, Jisas hemi karim kros blong hem seleva, an hemi go long wanfala ples wea olketa kolem “Bon blong hed blong man,” an long langguis long Hibru olketa kolem “Golgota.”

Gudnius abaotem Jisas Kraes wea Jon hemi raetem 19:20

Plande long olketa Jiu nao i ridim disfala toktok ya, bikos ples wea olketa nilam Jisas antap long kros long hem ya, hemi kolsap nomoa long Jerusalem. An toktok ya olketa raetem long langguis long Hibru an long langguis long Rom an long langguis long Grik.

Gudnius abaotem Jisas Kraes wea Jon hemi raetem 5:2

Nao long Jerusalem, wanfala pul long wata hemi stap kolsap long disfala geit wea olketa kolem “Geit blong Sipsip.” Pul ya, nem blong hem long langguis long Hibru hemi Betsata, an hemi garem faefala longfala varanda long saet long hem.

Aposol 1:19

Olketa pipol long Jerusalem olketa herem nius abaotem diswan, an long langguis blong olketa, olketa kolem disfala ples “Akeldama” wea hemi minim “Ples blong blad”.

Aposol 12:17

So Pita hemi mekem saen long olketa, mekem olketa lisin gudfala, an bihaen, hemi gohed fo stori long olketa abaotem hao God hemi bin tekem hem aot from prisin. Finis, hemi talem olketa fo stori abaotem diswan long Jemes an long olketa nara Kristin moa. An bihaen, hemi lusim olketa an hemi go long wanfala deferen ples moa.

Aposol 13:16

Pol hemi stanap an hemi mekem saen fo olketa mas lisin gudfala, an hemi stat fo toktok olsem nao, “Olketa man blong Israel an yufala olketa nara man hu i kam fo wosipim God, yufala lisin gudfala long mi.

Aposol 19:33

Nao olketa Jiu olketa pusum wanfala long olketa fo goap long frant blong evri pipol, so samfala long olketa pipol i tingse hem nao hemi mekem disfala raoa fo stat. Man ya, nem blong hem Aleksanda, an hemi mekem saen fo olketa lisin gudfala bikos hemi laek fo ansarem olketa toktok blong olketa.

Aposol 21:35

Olketa lidim Pol go kasem olketa step fo go insaet long eria blong ami, bat olketa pipol ya olketa go-gohed fo faet tumas nao, so olketa soldia olketa mas karim Pol go antap nomoa.

Aposol 22:2

Taem olketa herem dat hemi toktok long langguis long Hibru, evriwan barava stap kuaet fogud nao. An Pol hemi tok olsem,

Aposol 26:14

Mifala evriwan i foldaon long graon an mi herem wanfala toktok hemi tok kam long langguis long Hibru, wea hemi sei, ‘?Sol, Sol, waswe nao yu gohed fo meksave long mi? Yu spoelem yu seleva nomoa ya taem yu traehad fo go agensim tingting blong mi olsem.’

Aposol 6:1

Long disfala taem ya, olketa disaepol olketa go-gohed fo kamap plande moa. Nao olketa hu i save toktok long Grik olketa stat fo komplen long olketa nara disaepol hu i stap kam long Jerusalem nomoa. An olketa sei olsem, “Long evri de yufala save helpem olketa hu i sot long kaikai, bat yufala no save helpem gud olketa wido woman blong mifala ya.”

Revelesin 16:16

Den trifala ravis devol ya olketa mekem olketa king fo hipap long wanfala ples, wea long langguis long Hibru olketa kolem Amagedon.

Revelesin 9:11

Olketa garem tu wanfala king hu hemi rul ovarem olketa, wea hemi wanfala enjel hu hemi bos long disfala hol wea hemi barava dip tumas. An long langguis long Hibru, nem blong enjel ya “Abadon”, an long langguis long Grik, hemi “Apolion” wea hemi minim “Man fo spoelem evrisamting.”