Aposol 21:3 - Pijin Bible

³ go-go mifala kam kolsap long aelan long Saepras, an mifala gopas long saot long aelan. An mifala go kasem Siria an go long soa long taon long Taea wea olketa laek fo aotem olketa kago.

Pijin Deuterocanon

³ go-go mifala kam kolsap long aelan long Saepras, an mifala gopas long saot long aelan. An mifala go kasem Siria an go long soa long taon long Taea wea olketa laek fo aotem olketa kago.

Aposol 21:3 Iomraidhean Croise

2 Samuel 8:6

Den Deved hemi putum samfala seksin blong ami blong hem fo stap long Damaskas. So olketa long Aram i kam andanit long paoa blong hem, an olketa gohed fo peim taks long hem. Nao long evri ples wea Deved hemi go faet long hem, Yawe hemi mekem hem win.

Sams 45:12

Olketa pipol blong taon long Taea bae i tekem kam olketa presen fo yu, an olketa risman bae i trae fo mekem yu fo saetem olketa.

Sams 87:4

God hemi tok olsem, “Taem mi kaontem olketa kantri wea olketa pipol long hem i save long mi, bae mi kaontem pipol long Ijip wetem Babilonia, an olketa pipol long Filistia, an olketa blong Taea, an Itiopia. Olketa ya nao bae mi kaontem olketa wetem yufala long Jerusalem, olsem wea yufala i wantok nomoa.”

Aesaea 7:2

Taem King Ehas wetem olketa pipol blong hem i herem dat olketa soldia blong tufala king ya i joen tugeta fo faetem Jiuda, olketa fraet tumas an olketa seksek olsem tri wea bikfala win hemi bloum olobaot.

Matiu 11:21

Nao hemi sei, “!Yufala pipol long Koresin, yufala lukaot! !Yufala pipol long Betsaeda, yufala lukaot! Olketa mirakol wea olketa bin hapen long yufala ya, sapos olketa bin hapen long olketa pipol long Taea an Saedon, ating longtaem nao olketa save sidaon wetem ravis kaleko an putum asis long bodi blong olketa, fo somaot dat olketa lusim ravis wei blong olketa nao.

Matiu 4:24

Nao nius abaotem Jisas hemi go kasem evri ples insaet long provins long Siria ya. So olketa tekem kam plande pipol wea olketa garem enikaen sik long bodi blong olketa. Samfala, bodi blong olketa hemi filsoa tumas, an samfala, olketa devol hemi stap long olketa. Samfala, olketa garem sik wea hemi mekem olketa save foldaon an hafded, an samfala, bodi blong olketa hemi no save muv. An Jisas hemi mekem evriwan long olketa ya fo gudbaek moa.

Gudnius abaotem Jisas Kraes wea Luk hemi raetem 10:13

An Jisas hemi sei moa, “!Yufala pipol long Koresin, yufala lukaot! !Yufala long Betsaeda, yufala lukaot! Olketa mirakol wea olketa hapen long yufala ya, sapos olketa hapen long olketa pipol long Taea an Saedon, ating longtaem nao olketa save sidaon wetem ravis kaleko an putum asis long bodi blong olketa, fo somaot dat olketa lusim ravis wei blong olketa.

Gudnius abaotem Jisas Kraes wea Luk hemi raetem 2:2

Diswan hemi fas sensas olketa mekem ya an hemi gohed taem Kuaerinias hemi Primia long provins long Siria.

Aposol 11:19

Nao olketa Kristin hu i bin ranawe go taem olketa bin kilim dae Stivin, olketa goraon long olketa farawe ples nao olsem provins long Fonisia an aelan long Saepras an biktaon long Antiok. An olketa gohed fo talemaot mesij ya long olketa pipol blong Jiu nomoa.

Aposol 12:20

Nao Herod hemi bin kros tumas wetem olketa pipol blong tufala taon long Taea an Saedon. So olketa bikman blong tufala taon ya i joen tugeta fo go lukim Herod, bikos olketa nao mas peim kaikai blong olketa long kantri wea Herod hemi rulim. Fastaem, olketa go suitim Blastas, hu hemi bos blong haos blong king, mekem hemi helpem olketa. An bihaen, olketa go askem Herod fo hemi mas no kros long olketa moa.

Aposol 13:4

Nao tufala wea Holi Spirit hemi sendem tufala go, tufala godaon long taon long Selusia. An wanfala sip i tekem tufala go kasem aelan long Saepras.

Aposol 15:23

An olketa sendem go wanfala leta long han blong tufala wea hemi sei, “Mifala olketa aposol an olketa lida long sios wea mifala olketa Kristin fren blong yufala, mifala talem halo go long yufala olketa Kristin hu i no Jiu, wea yufala stap long Antiok an Siria an Silisia.

Aposol 15:39

Raoa hemi gohed long midol long tufala abaotem diswan, an bae tufala go deferen nao. So Banabas hemi tekem Jon Mak wetem hem, an tufala go long wanfala sip an sel go kasem aelan long Saepras.

Aposol 15:41

Tufala wakabaot go an tufala goraon long tufala provins long Siria an Silisia, an Pol hemi gohed fo mekem olketa sios fo kamap strong moa.

Aposol 18:18

Nao Pol hemi stap fo lelebet longtaem wetem olketa Kristin long Korin, an bihaen, hemi wakabaot go kasem taon long Senggria. An taem hemi katemsot hea blong hem finis fo makem wanfala promis wea hemi bin mekem, hemi go moa long wanfala sip an hemi stat fo sel gobaek long Siria. An taem ya, Prisila an Akuila tu tufala go wetem hem.

Aposol 21:16

Samfala long olketa Kristin long Sisaria olketa go wetem mifala fo tekem mifala go long haos wea bae mifala stap long hem. Haos ya, hemi haos blong Nason hu hemi wanfala man blong Saepras wea hemi bin stap Kristin longtaem nao.

Aposol 21:2

Nao long ples ya mifala faendem wanfala sip wea hemi redi fo go olowe long provins long Fonisia. So mifala go long sip ya an mifala sel go nao,

Aposol 21:7

Nao sip ya hemi sel goaot from Taea an go-go mifala kam kasem taon long Tolemes nao. So mifala go lukim olketa Kristin, an mifala stap wetem olketa fo wanfala de.

Aposol 27:4

Nao mifala lusim Saedon, an from mifala agensim win tumas, mifala sel go long narasaet long aelan long Saepras wea win hemi no blou strong tumas long hem.

Aposol 4:36

An wanfala man hemi stap kam long aelan long Saepras, hu hemi bon kam long traeb blong Livae. Nem blong hem Josef bat olketa aposol save kolem nem blong hem Banabas, wea hemi minim “Man hu hemi mekem tingting fo filgud moa”.

Jajis 10:6

An bihaen, pipol blong Israel i gohed moa fo duim olketa nogud samting long ae blong Yawe. Olketa lusim hem an wosipim olketa tambu kaving blong Baal an Astarot. Olketa gohed fo wosipim tu olketa god blong Siria, an olketa god blong Saedon, an olketa god blong Moab, an olketa god blong Amon, an olketa god blong Filistia.