Aposol 21:18 - Pijin Bible

¹⁸ Long neks de, Pol wetem mifala evriwan mifala go fo lukim Jemes. An evri lida blong sios tu olketa stap.

Pijin Deuterocanon

¹⁸ Long neks de, Pol wetem mifala evriwan mifala go fo lukim Jemes. An evri lida blong sios tu olketa stap.

Aposol 21:18 Iomraidhean Croise

Matiu 10:2

Nem blong tuelfala aposol ya nao hemi olsem, Saemon wea mektu nem blong hem nao Pita, an brata blong hem Andru, an Jemes an Jon tufala san blong Sebedi,

Aposol 11:30

Olketa duim olsem nao, an olketa sendem go Banabas an Sol, fo tufala tekem go koleksin an givim long olketa lida long sios blong olketa.

Aposol 12:17

So Pita hemi mekem saen long olketa, mekem olketa lisin gudfala, an bihaen, hemi gohed fo stori long olketa abaotem hao God hemi bin tekem hem aot from prisin. Finis, hemi talem olketa fo stori abaotem diswan long Jemes an long olketa nara Kristin moa. An bihaen, hemi lusim olketa an hemi go long wanfala deferen ples moa.

Aposol 15:13

An taem tufala toktok finis, Jemes hemi stat fo tok olsem, “Olketa Kristin fren, yufala lisin long mi fastaem.

Aposol 15:2

Pol an Banabas tufala barava nating agri wetem olketa, an tufala gohed fo tokstrong wetem olketa man ya nao. So olketa long sios long Antiok i siusim Pol an Banabas wetem samfala man moa, fo olketa go kasem Jerusalem an askem olketa aposol an olketa nara lida long sios abaotem diswan.

Aposol 15:23

An olketa sendem go wanfala leta long han blong tufala wea hemi sei, “Mifala olketa aposol an olketa lida long sios wea mifala olketa Kristin fren blong yufala, mifala talem halo go long yufala olketa Kristin hu i no Jiu, wea yufala stap long Antiok an Siria an Silisia.

Aposol 15:6

So olketa aposol an olketa nara lida long sios, olketa hipap tugeta fo toktok raonem diswan.

Aposol 20:17

Nao long Maelitas, Pol hemi sendem go nius fo olketa lida long sios long Efesas fo olketa mas kam lukim hem.

Aposol 24:11

Distaem hemi mektuel de nomoa bihaen mi kam kasem Jerusalem fo wosipim God. An olketa bikman olketa save talem yu olsem tu.

Galesia 1:19

Bat mi no lukim olketa narafala aposol. Jemes, brata blong Masta nomoa mi lukim.

Galesia 2:9

An taem olketa luksave dat God hemi givim kam disfala waka fo mi, Jemes an Pita an Jon hu olketa olsem bikfala lida, olketa sekhan wetem mitufala Banabas fo somaot dat olketa hapi fo waka tugeta wetem mitufala. Mifala agri wea waka blong mitufala Banabas hemi fo go long olketa pipol hu i no Jiu, an waka blong olketa hemi fo go long olketa Jiu.

Jemes 1:1

Mi Jemes, wakaman blong God an blong Jisas Kraes Masta blong yumi. Mi sei halo long olketa pipol blong God wea yufala stap long evri ples long wol.