Aposol 21:16 - Pijin Bible

¹⁶ Samfala long olketa Kristin long Sisaria olketa go wetem mifala fo tekem mifala go long haos wea bae mifala stap long hem. Haos ya, hemi haos blong Nason hu hemi wanfala man blong Saepras wea hemi bin stap Kristin longtaem nao.

Pijin Deuterocanon

¹⁶ Samfala long olketa Kristin long Sisaria olketa go wetem mifala fo tekem mifala go long haos wea bae mifala stap long hem. Haos ya, hemi haos blong Nason hu hemi wanfala man blong Saepras wea hemi bin stap Kristin longtaem nao.

Aposol 21:16 Iomraidhean Croise

Sams 92:14

Nomata olketa ya i olo finis, olketa strong olowe nomoa olsem olfala tri wea hemi strong an laef yet an hemi gohed yet fo garem plande frut.

Provebs 16:31

Waetfala hea blong olo, hemi olsem trufala biknem. Yu save kasem hem long stretfala laef.

Aposol 10:24

Long neks de moa bihaen, olketa jes kasem Sisaria nao. An Konilias hemi stap weit fo Pita hemi kam, an hemi bin kolem kam olketa long famili blong hem wetem olketa gudfren blong hem tu fo hipap kam.

Aposol 10:48

So hemi talem olketa pipol wea olketa mas baptaes long nem blong Jisas Kraes. An olketa pipol i askem Pita fo hemi mas stap wetem olketa fo samfala de moa.

Aposol 11:19

Nao olketa Kristin hu i bin ranawe go taem olketa bin kilim dae Stivin, olketa goraon long olketa farawe ples nao olsem provins long Fonisia an aelan long Saepras an biktaon long Antiok. An olketa gohed fo talemaot mesij ya long olketa pipol blong Jiu nomoa.

Aposol 15:39

Raoa hemi gohed long midol long tufala abaotem diswan, an bae tufala go deferen nao. So Banabas hemi tekem Jon Mak wetem hem, an tufala go long wanfala sip an sel go kasem aelan long Saepras.

Aposol 15:7

An taem plande toktok i bin gohed, Pita hemi stanap an hemi tok olsem long olketa, “Olketa Kristin fren, yufala save dat long seksin blong yumi, longtaem i go finis, God hemi bin makem mi fo talemaot disfala Gudnius ya long olketa pipol hu i no Jiu, mekem olketa tu save biliv.

Aposol 21:8

Long neks de moa, mifala lusim taon ya an mifala go long biktaon long Sisaria. Mifala go stap long haos blong Filip hu hemi man fo talemaot Gudnius. Hemi wanfala long olketa sevenfala man wea bifoa olketa bin siusim olketa long Jerusalem.

Aposol 4:36

An wanfala man hemi stap kam long aelan long Saepras, hu hemi bon kam long traeb blong Livae. Nem blong hem Josef bat olketa aposol save kolem nem blong hem Banabas, wea hemi minim “Man hu hemi mekem tingting fo filgud moa”.

Aposol 8:40

Seknomoa, Filip hemi kasem taon long Asotas. So hemi go-goraon long evri taon long eria ya an hemi gohed fo talemaot disfala Gudnius, go-go hemi kasem biktaon long Sisaria.

Leta wea Pol hemi raetem go long sios long Rom 16:7

An yufala sei halo long Andronikas an Jiulia, wea tufala i Jiu olsem mi tu, an tufala bin stap insaet long prisin wetem mi. Olketa aposol i tinghae tumas long tufala, an tufala biliv long Kraes fastaem long mi.

Filimon 1:9

Bat bikos mi barava lavem yu tumas, mi laek fo tok isi nomoa. Mi Pol mi man fo talemaot toktok blong Jisas Kraes, an distaem nao mi stap long prisin bikos mi biliv long hem.