Aposol 20:6 - Pijin Bible

⁶ Bat mifala stapbaek long Filipae go-go olketa Bikde blong Bred wea hemi No Garem Eni Yist long hem, olketa finis. Mifala go long sip an long mekfaev de nao mifala kasem olketa man ya long Troas. An mifala stap long ples ya fo wanfala wik moa.

Pijin Deuterocanon

⁶ Bat mifala stapbaek long Filipae go-go olketa Bikde blong Bred wea hemi No Garem Eni Yist long hem, olketa finis. Mifala go long sip an long mekfaev de nao mifala kasem olketa man ya long Troas. An mifala stap long ples ya fo wanfala wik moa.

Aposol 20:6 Iomraidhean Croise

Eksodas 23:15

“Long mans long Abib, yufala mas mekem Bikde blong Bred wea hemi No Garem Yist, bikos long disfala mans nao mi bin tekem yufala fo kamaot from Ijip. An bae yufala mas falom wanem mi bin talem long yufala. An long taem blong bikde ya, oltaem yufala no mas kaikaim bred wea hemi garem yist long hem, go-go kasem taem wea sevenfala de ya hemi finis. An taem yufala kam fo wosipim mi, oltaem yufala mas tekem kam ofaring fo givim kam long mi.

Eksodas 34:18

“Evri yia, long mans long Abib, yufala mas mekem Bikde blong Bred wea hemi No Garem Yist. An long taem ya, bae yufala mas kaikaim nomoa bred wea hemi no garem yist long hem go-go hemi kasem mekseven de olsem wea mi bin talem finis long yufala. Bikos long mans ya nao, yufala kamaot from Ijip.

Aposol 12:3

An taem hemi lukim dat olketa bikman blong Jiu i laekem diswan, hemi gohed moa fo kasholem Pita. Diswan hemi hapen long taem blong olketa Bikde blong Bred wea hemi No Garem Eni Yist long hem.

Aposol 16:10

So taem Pol hemi lukim drim ya finis, semtaem nomoa mifala mekredi nao fo go long Masedonia, bikos mifala luksave dat God hemi kolem mifala fo go talemaot disfala Gudnius long olketa pipol long Masedonia.

Aposol 16:12

Stat long ples ya, mifala wakabaot go moa long taon long Filipae, wea hemi wanfala taon insaet long mekwan haf long provins long Masedonia. Mifala stap fo samfala de long disfala taon ya, wea olketa pipol blong Rom nomoa olketa stap kam long hem.

Aposol 16:8

So olketa gopas nomoa long eria long Misia an olketa godaon long taon long Troas.

Aposol 20:16

Pol hemi laek fo sel gopas long Efesas olsem, bikos hemi no laek fo spendem plande taem tumas long provins long Esia. Hemi hariap fo go kasem Jerusalem, bikos hemi laek fo stap long ples ya long Bikde blong Pentekos.

Aposol 20:5

An olketa ya nao i katkros go fastaem, an olketa weitem mifala long taon long Troas.

Aposol 21:4

So mifala go lukaotem olketa Kristin long ples ya, an mifala stap wetem olketa fo wanfala wik. Holi Spirit hemi stap wetem olketa Kristin long ples ya, mekem olketa talem Pol fo no go kasem Jerusalem.

Aposol 21:8

Long neks de moa, mifala lusim taon ya an mifala go long biktaon long Sisaria. Mifala go stap long haos blong Filip hu hemi man fo talemaot Gudnius. Hemi wanfala long olketa sevenfala man wea bifoa olketa bin siusim olketa long Jerusalem.

Aposol 28:14

An long taon ya mifala lukim samfala Kristin hu olketa askem mifala fo stap wetem olketa fo wanfala wik. An bihaen nao, mifala wakabaot go fo kasem Rom.

Filipae 1:1

Mi Pol wetem Timoti wea mitufala wakaman blong Jisas Kraes, mitufala raet go long yufala olketa lida an olketa man fo waka long sios long Filipae. Ya, mitufala raet go long yufala evriwan long Filipae wea yufala blong God an yufala stap joen wetem Jisas Kraes.

1 Tesalonaeka 2:2

An yufala save tu dat taem mifala stap yet long taon long Filipae, olketa pipol barava spoelem mifala tumas an olketa tok nogud tu long mifala. Bat nomata plande pipol olketa agensim mifala, God blong yumi nao hemi strongim tingting blong mifala fo talemaot Gudnius blong hem long yufala.

2 Timoti 4:13

An yu tekem kam disfala longfala kaleko wea mi livim wetem Kapas long Troas. An tekem kam tu olketa buk blong mi wetem olketa wea olketa wakem long skin blong nanigot.