Aposol 20:30 - Pijin Bible

³⁰ An bae samfala long yufala tu, bae olketa stat fo talemaot olketa laea tising an traehad fo pulum olketa Kristin fo go falom olketa.

Pijin Deuterocanon

³⁰ An bae samfala long yufala tu, bae olketa stat fo talemaot olketa laea tising an traehad fo pulum olketa Kristin fo go falom olketa.

Aposol 20:30 Iomraidhean Croise

Provebs 19:1

Puaman wetem stret laef, hemi moabeta winim krangge man wetem ravis toktok.

Provebs 23:33

Ae blong yu bae lukim enikaen, an maen blong yu bae tingim eni ravis samting.

Aesaea 59:3

!Yufala ya, i pipol fo laea tumas an fo toktok nogud tumas! !Yufala ya, i pipol fo faet tumas an fo kilim dae naraman!

Daniel 11:34

Bat taem king ya hemi gohed fo kilim dae olketa pipol blong God, bae lelebet help nomoa hemi kam long olketa. Nomata plande bae i joenem olketa pipol blong God, bat olketa barava laea nomoa ya.

Matiu 23:15

“!Yufala olketa tisa blong Lo an yufala olketa Farasi, yufala lukaot! !Yufala save laea tumas ya! Yufala save hadwaka tumas fo goraon long evri ples long solwata an long bus, mekem yufala save faendem wanfala man moa wea hemi laek fo kamap Jiu. An taem man ya hemi kamap Jiu finis, yufala save mekem hem barava fitim fo go long hel nao olsem yufala, an bae hemi barava nogud moa winim yufala ya.

Aposol 11:26

Taem hemi faendem hem, hemi tekem hem kambaek moa long Antiok. An long wanfala ful yia nao, Banabas an Sol tufala stap tugeta wetem olketa long sios, an tufala gohed fo tisim plande pipol tumas ya. Long Antiok nao hemi fas ples wea olketa stat fo kolem olketa disaepol long disfala nem Kristin.

Aposol 21:38

So olsem, yu no disfala man blong Ijip ya, wea bifoa hemi statem faet agensim gavman, an hemi lidim 4,000 ravis man hu i karim naef fo faet fo ran go kasem drae eria ya.”

2 Korin 11:13

Olketa man ya, olketa no tru aposol bat olketa laea aposol nomoa. Olketa laea long waka blong olketa, an olketa trae fo mekem olketa seleva fo luk olsem tru aposol blong Kraes.

1 Timoti 5:13

An olketa tu, olketa save stat fo falom wei fo stap nating nomoa an fo go-goraon long evri haos tumas. An bae diskaen samting hemi save kamap wos moa, wea olketa save stori nogud tumas abaotem olketa nara pipol, an olketa save olobaot tumas, an olketa save toktok abaotem olketa samting wea i no bisnis blong olketa.

1 Timoti 6:5

Olketa save raoa olowe nomoa, an olketa no garem eni stretfala tingting, an olketa no save luksave long wanem nao hemi barava tru samting. Olketa tingse wei fo biliv long God hemi wanfala gudfala wei fo kamap ris.

2 Pita 2:18

Olketa gohed fo talem olketa praod toktok wea hemi krangge tumas. Olketa gohed fo toksuit mekem olketa pipol wande duim olketa samting blong wei blong sin. An from disfala wei nao, olketa save pulumbaek olketa pipol hu i trae fo lusim ravis wei blong olketa.

1 Jon 2:19

Olketa enemi ya i lusim yumi finis bikos olketa no barava blong yumi. Sapos olketa barava blong yumi, olketa save stap wetem yumi nomoa. Bat long wei wea olketa lusim yumi, hemi somaot klia dat olketa i no blong yumi.

2 Jon 1:7

Plande pipol hu i gohed fo laea, i bin goraon long evri ples finis. Olketa man ya i no biliv dat Jisas Kraes hemi bon kam wetem bodi olsem yumi. Eniwan olsem, hemi man fo laea an hemi enemi blong Kraes.

Revelesin 2:6

Bat wanfala samting yufala duim gud nao hemi olsem. Yufala barava les long wei blong olketa pipol hu i falom tising blong Nikolas, olsem mi tu mi barava les long wei blong olketa.