Aposol 2:36 - Pijin Bible

³⁶ “So evri pipol blong Israel i mas save gudfala nao wea disfala Jisas wea yufala kilim hem dae long kros, God hemi barava mekem hem kamap Masta blong yumi an kamap Mesaea.”

Pijin Deuterocanon

³⁶ “So evri pipol blong Israel i mas save gudfala nao wea disfala Jisas wea yufala kilim hem dae long kros, God hemi barava mekem hem kamap Masta blong yumi an kamap Mesaea.”

Aposol 2:36 Iomraidhean Croise

Jeremaea 2:4

!Lisin kam gudfala long Mesij blong Yawe, yufala evri famili long laen blong Israel!

Jeremaea 31:31

“Mi Yawe mi talem yufala tru nao. Bae taem hemi kam wea mi mekem wanfala niufala spesol agrimen wetem olketa blong Israel an olketa blong Jiuda.

Jeremaea 33:14

“Mi talem yufala tru nao. Bae taem hemi kam wea mi mekem evri gudfala samting mi bin promisim long olketa blong Israel an olketa blong Jiuda fo kam tru.

Jeremaea 9:26

olketa pipol blong Ijip, an olketa pipol blong Jiuda, an olketa pipol blong Idom, an olketa pipol blong Amon, an olketa pipol blong Moab, an olketa hu i stap long drae eria an gohed fo katemsot hea long saet blong hed blong olketa. Bae mi panisim olketa bikos nomata olketa i kate finis long bodi, bat olketa falom olketa ravis wei olsem wea i no kate. An nomata olketa blong Israel tu i kate finis, bat wei blong olketa hemi barava olsem olketa hiden pipol hu i no kate, an olketa no kipim disfala spesol agrimen i bin mekem wetem mi.” Hem nao mesij blong Yawe.

Esikiel 34:30

From samting ya nao, bae olketa save dat mi Yawe God blong olketa pipol blong Israel, mi stap wetem olketa, an olketa nao i spesol pipol blong mi.

Esikiel 36:22

“So from disfala samting nao, yu mas talem olketa blong Israel wea mi Lod Yawe nao mi tok olsem: Olketa samting wea bae mi duim, hemi no bikos yufala pipol blong Israel i gudfala. Bat bae mi duim, bikos yufala gohed fo spoelem holi nem blong mi long olketa ples wea yufala bin stap kam long hem.

Esikiel 36:32

Yufala mas save dat bae mi duim olketa samting ya, bat i no from eni gudfala samting wea yufala bin duim. !Pipol blong Israel! !Yufala mas filnogud, an filsem long olketa samting wea yufala bin duim! Hem nao mesij blong mi Lod Yawe.

Esikiel 45:6

“Kolsap long disfala tambu graon, bae yufala mas mesarem wanfala pisgraon moa, wea longfala blong hem hemi tuel an haf kilomita, an waed blong hem hemi tu an haf kilomita. Disfala pisgraon ya, yufala mas givim long Jerusalem, an bae hemi blong evri pipol blong Israel.”

Sekaraea 13:1

?Long datfala de, bae mi openem wanfala gudfala springwata, mekem olketa laen blong Deved an olketa pipol blong Jerusalem save yusim fo kamap klin long ae blong mi from olketa sin blong olketa an olketa narafala samting wea i mekem olketa fo kamap no klin.

Gudnius abaotem Jisas Kraes wea Luk hemi raetem 2:11

Wanfala man fo sevem yufala, hemi bon kam distaem nao long taon blong King Deved. !An hem nao hemi Kraes hu hemi Masta blong yumi!

Aposol 2:35

Bae mi putum olketa enemi blong yu andanit long paoa blong yu.” ’

Aposol 5:28

“Mifala bin tokstrong tumas long yufala fo no tisim eniwan abaotem disfala man ya. Bat yufala mekem disfala tising blong yufala fo go kasem evriwea long Jerusalem nao. An yufala traehad tu fo talemaot dat mifala nao i bin kilim dae disfala man ya.”

2 Korin 5:10

Yumi save, yumi evriwan bae yumi go stanap long ae blong Kraes fo hemi jajem yumi. Bae hemi peim yumi evriwan, falom evrisamting yumi duim long laef blong yumi long disfala wol, nomata hemi gud o hemi nogud.