Aposol 2:11 - Pijin Bible

¹¹ wea samfala blong Jiu an samfala jes falom wei blong olketa Jiu nomoa. An samfala long yumi moa i stap kam long Krit an long Arebia. Bat nomata olsem, yumi evriwan i herem dat olketa toktok long olketa langguis blong yumi abaotem olketa bikfala samting wea God hemi bin duim.”

Pijin Deuterocanon

¹¹ wea samfala blong Jiu an samfala jes falom wei blong olketa Jiu nomoa. An samfala long yumi moa i stap kam long Krit an long Arebia. Bat nomata olsem, yumi evriwan i herem dat olketa toktok long olketa langguis blong yumi abaotem olketa bikfala samting wea God hemi bin duim.”

Aposol 2:11 Iomraidhean Croise

1 Kings 10:15

Hem nao antap long olketa seleni blong taks wea olketa bisnisman i gohed fo peim hem, an olketa seleni wea olketa bisnisman blong hem i winim, an olketa seleni wea olketa king blong Arebia i gohed fo peim hem, an olketa seleni wea olketa gavna blong olketa provins long Israel i gohed fo peim hem.

2 Kronikols 17:11

Olketa pipol blong Filistia i karim kam plande silva an olketa narafala presen fo givim long hem. An olketa pipol blong Arab i tekem kam 7,700 man sipsip an 7,700 man nanigot fo givim long hem.

2 Kronikols 26:7

Long datfala taem, God hemi helpem hem fo winim olketa faet agensim pipol blong Filistia, an pipol blong Arab hu i stap long taon long Gua-Baal, an pipol blong Meun.

Stori abaotem Job 9:10

Yumi kanot savegud long olketa bikfala samting wea hemi duim. An olketa mirakol wea hemi mekem, hemi barava plande tumas.

Sams 107:15

Hemi brekem olketa bras doa long prisin ya,. an hemi katem olketa aean wea olketa lokem olketa long hem. Ya, an hemi letem olketa fri. So olketa ya mas tengkiu long Yawe bikos hemi tinghevi long olketa olowe, an oltaem hemi duim olketa bikfala samting fo helpem olketa.

Sams 107:21

So olketa ya mas tengkiu long Yawe bikos hemi tinghevi long olketa olowe, an oltaem hemi duim olketa bikfala samting fo helpem olketa.

Sams 107:8

Nao olketa ya mas tengkiu long Yawe bikos hemi tinghevi long olketa olowe, an oltaem tu hemi duim olketa bikfala samting fo helpem olketa.

Sams 111:4

Yawe hemi laekem yumi fo tingabaotem olketa bikfala waka wea hemi duim, mekem yumi save dat hemi kaen tumas, an hemi save sore long yumi.

Sams 136:4

Hem nomoa hemi save mekem olketa bikfala mirakol. Ya, bikos hemi tinghevi long yumi olowe.

Sams 26:7

Mi gohed singsing fo talem tengkiu long yu, an mi gohed fo talemaot olketa gudfala waka blong yu.

Sams 40:5

Lod Yawe, yu nao God blong mifala. Yu bin duim finis plande samting fo helpem mifala. No eniwan moa hemi olsem yu. Yu bin mekem finis plande gudfala plan fo mifala falom. Mi no save talemaot olketa evriwan nao, bikos olketa barava plande tumas.

Sams 71:17

God, stat long taem wea mi yangfala yet, yu bin gohed fo tisim mi, an mi gohed yet fo talemaot olketa bikfala samting wea yu bin duim.

Sams 77:11

Lod Yawe, bae mi tingim olketa bikfala samting wea yu bin duim. Ya, bae mi tingim olketa bikfala samting wea yu bin duim kam bifoa yet.

Sams 78:4

Yumi mas no haedem olketa samting ya from olketa pikinini blong yumi bat yumi mas talemaot long olketa an long olketa wea bae i bon kam bihaen. Yumi mas talemaot long olketa dat Yawe nao hemi garem paoa, an hemi gohed fo duim olketa mirakol an olketa bikfala waka.

Sams 89:5

Lod Yawe, olketa long heven i singsing an preisim yu fo olketa gudfala samting wea yu duim. Ya, olketa holi enjel i singsing abaotem gudfala wei wea yu kipim olketa promis blong yu.

Sams 96:3

Bae yufala mas talemaot paoa blong hem long olketa pipol blong olketa narafala kantri. Ya, bae yufala mas talemaot olketa bikfala waka blong hem long evriwan.

Eksodas 15:11

“Lod Yawe. ?Waswe, eni god moa hemi olsem yu? Nomoa nao. Yu barava holi tumas. An paoa blong yu evriwan i fraet long hem. Yu gohed fo mekem olketa mirakol, mekem pipol i mekhae long yu. No eni narafala god moa hemi olsem yu.

Aesaea 13:20

Bae no eniwan hemi stap moa long ples ya. Nomata olketa blong Arab i nating save putumap haostent long dea nao. An bae olketa pipol fo lukaftarem sipsip i no save tekem moa olketa sipsip blong olketa long dea.

Aesaea 21:13

(Profet) Hem ya profesi abaotem Arebia. Hemi olsem: !Yufala pipol blong Dedan! Taem yufala goraon long olketa ples fo salem olketa kago blong yufala, yufala save putumap olketa haostent blong yufala long drae eria long Arebia.

Aesaea 25:1

Yawe. Yu nao yu God blong mi. Bae mi preisim yu, an liftimap nem blong yu. Yu gohed fo duim olketa bikfala samting, wea pipol i sapraes tumas long hem. Fo longtaem nao yu bin planem fo duim olketa samting ya, bikos yu nao yu kipim promis blong yu olowe.

Aesaea 28:29

Yawe hu hemi garem evri paoa, hemi waes tumas an hemi save tumas hao fo givim olketa gudfala toktok. An disfala waes toktok, Yawe nao hemi givim kam.

Jeremaea 25:24

an olketa king blong Arebia, an olketa king blong olketa pipol wea i stap olobaot long drae eria,

Jeremaea 3:2

!Luk go antap long olketa hil wea no enisamting save grou long hem! ?Waswe, no eni ples antap long olketa hil ya hemi stap wea yufala no bin olsem juri long hem? Oltaem nomoa yufala haed long saet blong rod fo kasem olketa man hu i gopas. Yufala barava olsem man fo stil hu hemi haed long drae eria fo stilim olketa samting blong pipol hu i gopas long rod. Yufala barava spoelem disfala lan long olketa ravis wei blong yufala.

Aposol 2:10

an Frijia an Pamfilia an Ijip an Libia kolsap long taon long Saerin. An samfala long yumi stap kam long biktaon long Rom nomoa,

Aposol 2:12

An bikos olketa sapraes fogud an olketa nating save wanem nao hemi hapen, olketa gohed nomoa fo askem olketa seleva olsem, “?Wanem nao diswan hemi minim ya, olketa?”

Aposol 27:12

An haba ya hemi no eni gudfala ples tu fo stap long hem long taem blong bikfala raf si. So kolsap evriwan long sip olketa laek fo gohed nomoa long gogo blong mifala. Olketa laek fo traehad fo kasem taon long Finiks, mekem mifala save stapgud long taem blong bikfala raf si. Ples ya hemi wanfala gudfala haba long Krit wea hemi open nomoa long saet wea san i godaon.

Aposol 27:13

Nao wanfala win wea hemi no strong tumas, hemi stat fo blou kam long saot. An olketa tingse hemi barava fitim gogo blong olketa, so olketa pulumap angga an olketa sel go falom disfala aelan long Krit nao.

Aposol 27:7

Nao fo plande de sip ya hemi go-go slou tumas an mifala wakahad fo go kasem kolsap long taon long Nidas. Nao mifala barava agensim win so mifala tane go long aelan long Krit, long saet long Salmoni wea win hemi no blou strong long hem.

1 Korin 12:10

an long samfala pipol moa hemi givim paoa fo mekem olketa mirakol. Long samfala pipol Holi Spirit hemi givim paoa fo talemaot eni mesij blong God, an long samfala pipol moa hemi givim paoa fo luksave long olketa deferen kaen paoa, sapos olketa blong God o nomoa. Long samfala pipol Holi Spirit hemi givim paoa fo toktok long olketa spesol kaen langguis ya, an long samfala pipol moa hemi givim paoa fo talemaot mining blong olketa kaen langguis olsem.

1 Korin 12:28

An long sios, God hemi makem samfala pipol fo stap long fas ples olsem aposol, an bihaen moa samfala olsem profet, an samfala olsem tisa, an samfala fo duim mirakol, an samfala fo mekem sik pipol fo gudbaek, an samfala fo helpem olketa pipol, an samfala fo lidim olketa, an samfala fo toktok long olketa spesol kaen langguis.

Galesia 1:17

an mi no go long Jerusalem fo lukim olketa man hu i aposol fastaem long mi. Nomoa. Mi go stret nao long kantri long Arebia fo lelebet taem, an bihaen, mi gobaek moa long Damaskas.

Galesia 4:25

Haga hemi minim Saenae wea hemi wanfala maonten long Arebia, bat hemi piksa tu blong Jerusalem. Bikos Jerusalem hemi stap olsem slev wea olketa pipol blong hem olketa slev tu.

Taetas 1:12

An nomata wanfala profet blong olketa pipol long Krit, hemi bin toktru taem hemi sei, “Olketa pipol long Krit, i pipol fo laea nomoa. Olketa save les tumas, an save kaikai bik tumas. Olketa i olsem wael animol nomoa.”

Taetas 1:5

Mi letem yu stap long aelan long Krit, mekem yu stretem samfala waka wea yumi no finisim yet. Yu mas siusim samfala man fo kamap lida insaet sios long evri taon, olsem mi talem yu finis.

Hibrus 2:4

An God tu hemi somaot dat disfala toktok hemi tru tumas, long wei wea hemi mekem enikaen samting fo hapen, olsem olketa saen an mirakol wea olketa pipol sapraes long hem. An hemi somaot diswan tu long wei wea hemi givimaot olketa spesol paoa blong Holi Spirit long olketa pipol, falom tingting blong hem seleva.