Aposol 19:21 - Pijin Bible

²¹ Taem evrisamting ya hemi hapen finis, Pol hemi mekem plan fo go kasem tufala provins long Masedonia an Akaea an bihaen hemi plan fo go kasem Jerusalem moa. An hemi sei olsem, “Taem mi go kasem olketa ples ya finis, bae mi mas go kasem biktaon long Rom tu.”

Pijin Deuterocanon

²¹ Taem evrisamting ya hemi hapen finis, Pol hemi mekem plan fo go kasem tufala provins long Masedonia an Akaea an bihaen hemi plan fo go kasem Jerusalem moa. An hemi sei olsem, “Taem mi go kasem olketa ples ya finis, bae mi mas go kasem biktaon long Rom tu.”

Aposol 19:21 Iomraidhean Croise

Lamentesin 3:37

?Waswe, man save mekem enisamting fo hapen, sapos Masta ya hemi no letem?

Aposol 16:12

Stat long ples ya, mifala wakabaot go moa long taon long Filipae, wea hemi wanfala taon insaet long mekwan haf long provins long Masedonia. Mifala stap fo samfala de long disfala taon ya, wea olketa pipol blong Rom nomoa olketa stap kam long hem.

Aposol 18:12

Nao long disfala yia wea Galio hemi kamap Primia long provins long Akaea, olketa bikman blong Jiu olketa hipap tugeta an olketa kasholem Pol an tekem hem go long kot blong Primia.

Aposol 18:21

Bat taem hemi redi fo go, hemi talem olketa olsem, “Sapos God hemi wiling, bae mi kambaek moa fo lukim yufala.” Bihaen, hemi go long sip an hemi lusim Efesas moa.

Aposol 19:22

An hemi sendem go Timoti an Erastas hu i save waka wetem hem, fo tufala go long Masedonia fastaem. An Pol hemi stap seleva fo lelebet taem moa long provins long Esia.

Aposol 19:29

Nao trabol ya hemi barava go kasem evriwea long biktaon ya nao. An olketa evriwan i ran go semtaem fo kasem disfala bikfala ples blong miting. Samfala long olketa i kasholem Gaeas an Aristakas, an olketa pulum tufala go wetem olketa. Tufala ya i stap kam long Masedonia an tufala save go-go wetem Pol.

Aposol 20:16

Pol hemi laek fo sel gopas long Efesas olsem, bikos hemi no laek fo spendem plande taem tumas long provins long Esia. Hemi hariap fo go kasem Jerusalem, bikos hemi laek fo stap long ples ya long Bikde blong Pentekos.

Aposol 20:22

An distaem, from mi mas obeim Holi Spirit, mi go-go fo Jerusalem nao ya, an mi no save wanem nao bae hemi kasem mi long ples ya.

Aposol 21:17

Taem mifala kasem Jerusalem, olketa Kristin i barava hapi tumas fo lukim mifala.

Aposol 21:4

So mifala go lukaotem olketa Kristin long ples ya, an mifala stap wetem olketa fo wanfala wik. Holi Spirit hemi stap wetem olketa Kristin long ples ya, mekem olketa talem Pol fo no go kasem Jerusalem.

Aposol 23:11

Long naet ya, Masta hemi stanap kolsap long Pol, an hemi sei, “!Yu no fraet! Long semkaen wei wea yu bin tokabaotem mi long Jerusalem, bae yu mas duim long Rom tu.”

Aposol 27:1

Taem olketa talemaot finis wea bae mifala mas go long sip fo go long kantri long Itali, olketa givim Pol wetem samfala man moa long prisin, long han blong wanfala bikman blong ami. Hemi soldia blong bikfala King long Rom an nem blong hem Jiulias.

Aposol 27:24

an hemi sei, ‘!Yu no fraet Pol! Yu mas go stanap long frant blong bikfala King long Rom. An bikos God hemi gudfala, bae hemi sevem laef blong evriwan hu olketa go-go wetem yu long sip ya.’

Aposol 28:16

Taem mifala barava kasem biktaon long Rom, olketa bikman long ples ya olketa letem Pol fo go stap long wanfala haos seleva, bat wanfala soldia nao hemi stap fo gadem hem olowe.

Leta wea Pol hemi raetem go long sios long Rom 1:11

Bikos longtaem nao mi laekem tumas fo lukim yufala, mekem mi save searem go spesol paoa blong Holi Spirit long yufala, mekem biliv blong yufala hemi strong.

Leta wea Pol hemi raetem go long sios long Rom 1:13

Olketa Kristin fren, mi laekem yufala fo save dat plande taem nao mi tingting fo kam long yufala, bat kam kasem distaem, samting hemi stopem mi fo duim. Long plande ples nao mi helpem olketa pipol fo biliv long God finis, an mi laek fo duim diswan long ples blong yufala tu.

Leta wea Pol hemi raetem go long sios long Rom 1:15

Dastawe nao mi laekem tumas fo talemaot tu disfala Gudnius long yufala hu i stap long Rom.

1 Korin 16:5

Mi bae mi kam kasem yufala bihaen mi bin stap long provins long Masedonia. Bikos bae mi mas go long Masedonia ya.

1 Korin 4:19

Bat sapos God hemi letem mi, bae no longtaem nomoa mi kam long yufala nao. An long taem ya, bae mi no herem nomoa olketa toktok blong olketa man bikhed ya, bat bae mi mas lukim watkaen paoa nao olketa maet garem.

2 Korin 10:16

An bihaen long diswan, bae mifala save go talemaot Gudnius long olketa kantri narasaet go long yufala. Long disfala wei, bae mifala no wari fo tokpraod abaotem waka wea olketa nara pipol bin duim long eria blong olketa.

Galesia 2:1

Fotin yia bihaen nao, mi go moa long Jerusalem wetem Banabas, an mi tekem Taetas wetem mi tu.

1 Tesalonaeka 1:7

So long wei ya nao, yufala barava somaot gudfala wei fo olketa pipol hu i biliv, nomata olketa stap long provins long Masedonia o long provins long Akaea.