Aposol 18:21 - Pijin Bible

²¹ Bat taem hemi redi fo go, hemi talem olketa olsem, “Sapos God hemi wiling, bae mi kambaek moa fo lukim yufala.” Bihaen, hemi go long sip an hemi lusim Efesas moa.

Pijin Deuterocanon

²¹ Bat taem hemi redi fo go, hemi talem olketa olsem, “Sapos God hemi wiling, bae mi kambaek moa fo lukim yufala.” Bihaen, hemi go long sip an hemi lusim Efesas moa.

Aposol 18:21 Iomraidhean Croise

Matiu 26:39

Nao Jisas hemi go farawe lelebet from olketa, an hemi nildaon an hemi prea olsem nao, “Oo Dadi blong mi, sapos hemi no had tumas, plis yu no mekem mi fo safa long diskaen wei ya. Bat yu no falom wanem mi laekem, bat yu falom wanem yu laekem.”

Gudnius abaotem Jisas Kraes wea Mak hemi raetem 6:46

Taem hemi sendem olketa pipol ya fo gobaek nomoa, hemi goap long wanfala hil fo prea nao.

Gudnius abaotem Jisas Kraes wea Luk hemi raetem 9:61

An nara man moa hemi sei, “Masta, bae mi falom yu ya, bat yu letem mi fastaem fo gobaek an sekhan wetem olketa long haos blong mi.”

Aposol 15:29

Yufala mas no kaikaim eni kaikai wea olketa bin sakrifaesim go long olketa laea god, an yufala mas no kaikaim blad, an yufala mas no kaikaim eni animol wea olketa bin satem maos blong hem fo hem dae, an yufala mas no durong wetem eniwan tu. Hemi gud tumas nao sapos yufala barava falom olketa rul ya. Hem nomoa ya.”

Aposol 18:19

Olketa sel go kasem biktaon long Efesas wea Pol hemi lusim Prisila an Akuila. Hemi go insaet long preahaos blong olketa Jiu, an hemi gohed fo stori wetem olketa nao.

Aposol 18:20

Olketa askem hem fo stap lelebet taem wetem olketa, bat hemi no laek fo duim olsem.

Aposol 18:24

Long taem ya tu, wanfala Jiu hu hemi bon kam long Aleksandria, hemi kam kasem Efesas. Nem blong hem Apolos, an hemi save tumas hao fo toktok, an hemi save tumas long olketa samting insaet long Buktambu.

Aposol 19:1

Taem Apolos hemi stap yet long taon long Korin, Pol hemi falom rod wea hemi go antap long olketa maonten, go-go hemi kasem long daon long biktaon long Efesas. Hemi mitim samfala Kristin,

Aposol 19:17

Taem nius abaotem diswan hemi kasem olketa pipol long Efesas, nomata olketa i Jiu o olketa i no Jiu, olketa barava fraet fogud nao an olketa mekhae long nem blong Jisas Masta blong yumi.

Aposol 19:21

Taem evrisamting ya hemi hapen finis, Pol hemi mekem plan fo go kasem tufala provins long Masedonia an Akaea an bihaen hemi plan fo go kasem Jerusalem moa. An hemi sei olsem, “Taem mi go kasem olketa ples ya finis, bae mi mas go kasem biktaon long Rom tu.”

Aposol 20:16

Pol hemi laek fo sel gopas long Efesas olsem, bikos hemi no laek fo spendem plande taem tumas long provins long Esia. Hemi hariap fo go kasem Jerusalem, bikos hemi laek fo stap long ples ya long Bikde blong Pentekos.

Aposol 21:14

Mifala no save mekem hem fo sensim tingting blong hem so mifala kuaet nao an mifala sei nomoa, “Wanem Masta hemi laekem, hem nao hemi mas kamtru.”

Aposol 21:29

Olketa tok olsem bikos olketa bin lukim Trofimas blong Efesas hemi wakabaot wetem Pol insaet long biktaon ya, so olketa tingse Pol hemi bin tekem hem kam insaet long Tambuhaos ya tu.

Leta wea Pol hemi raetem go long sios long Rom 1:10

Mi prea wea sapos hemi stret long tingting blong God, hemi mas helpem mi fo kam kasem yufala.

Leta wea Pol hemi raetem go long sios long Rom 15:32

An sapos God hemi laekem olsem, bae mi save kam fo lukim yufala, wea bae mi save hapi tumas an bae mi save res gudfala wetem yufala.

1 Korin 15:32

Ya, mi olsem faetem olketa wael animol finis long hia long Efesas ya. ?Nao sapos mi bin duim diswan falom tingting blong man nomoa, wanem nao mi winim? Sapos olketa hu i dae finis olketa no save laefbaek moa, bae mi falom disfala tingting, “Yumi go-gohed kaikai an dring nomoa, bikos tumoro nao bae yumi dae.”

1 Korin 16:7

Mi no wande fo jes stap wetem yufala sotfala taem nomoa. Mi tingting strong fo kam stap lelebet longtaem wetem yufala ya, sapos Masta hemi letem.

1 Korin 16:8

Mi bae mi stap fastaem long hia long Efesas go-go kasem Bikde blong Pentekos.

1 Korin 4:19

Bat sapos God hemi letem mi, bae no longtaem nomoa mi kam long yufala nao. An long taem ya, bae mi no herem nomoa olketa toktok blong olketa man bikhed ya, bat bae mi mas lukim watkaen paoa nao olketa maet garem.

2 Korin 13:11

Nao olketa Kristin fren, mi sei gudbae long yufala. Yufala mas herem olketa toktok blong mi an traehad fo kamap barava nambawan. An yufala evriwan mas wanmaen an mas stap long piis. Long wei ya, bae God hu hemi givim lav an hu hemi givim piis, bae hemi stap wetem yufala.

Efesas 1:1

Mi Pol, wea God seleva hemi siusim mi fo kamap aposol blong Jisas Kraes. Mi raet go long yufala olketa pipol blong God long Efesas, wea yufala gohed fo falom Jisas Kraes wea yufala joen wetem hem finis.

Diutronomi 16:1

Nao Mosis hemi gohed fo tok olsem, “Evri yia, long mans long Abib, yufala mas mekem Fist blong Pasova. Yufala mas mekem fist ya, bikos long wanfala naet long Abib, Yawe, God blong yufala, hemi tekemaot yufala from Ijip.

Hibrus 6:3

Yumi mas no gohed fo tisim olketa samting olsem ya. Nomoa. Distaem yumi mas gohed fo tisim olketa samting wea hemi fitim olketa bikman fo save long hem, sapos God nao hemi letem yumi fo duim.

Jemes 4:15

So yufala mas tok olsem, “Sapos hemi oraet long Masta an yumi laef yet, bae yumi save duim wanem yumi tingim.”

1 Pita 3:17

Sapos God hemi laekem yumi fo safa from olketa gudfala samting yumi duim, hemi oraet nomoa. Bat hemi nogud tumas sapos yumi duim wanem hemi no stret an yumi safa from diswan.

Revelesin 1:11

Hemi sei olsem, “Olketa samting wea bae yu lukim, yu mas raetemdaon long wanfala buk. An bihaen, yu mas sendem diswan go long olketa sios wea i stap long sevenfala taon, Efesas an Smana an Pegamam an Taeataera an Sadis an Filadelfia an Leodisia.”

Revelesin 2:1

Disfala man hemi tok olsem moa, “Nao yu mas raet go long enjel blong sios long Efesas, an yu mas sei olsem, ‘Hem nao toktok blong mi wea mi holem sevenfala sta long raet han blong mi, an wakabaot long midol long sevenfala bikfala gol lam.