Aposol 18:19 - Pijin Bible

¹⁹ Olketa sel go kasem biktaon long Efesas wea Pol hemi lusim Prisila an Akuila. Hemi go insaet long preahaos blong olketa Jiu, an hemi gohed fo stori wetem olketa nao.

Pijin Deuterocanon

¹⁹ Olketa sel go kasem biktaon long Efesas wea Pol hemi lusim Prisila an Akuila. Hemi go insaet long preahaos blong olketa Jiu, an hemi gohed fo stori wetem olketa nao.

Aposol 18:19 Iomraidhean Croise

Aposol 18:20

Olketa askem hem fo stap lelebet taem wetem olketa, bat hemi no laek fo duim olsem.

Aposol 18:21

Bat taem hemi redi fo go, hemi talem olketa olsem, “Sapos God hemi wiling, bae mi kambaek moa fo lukim yufala.” Bihaen, hemi go long sip an hemi lusim Efesas moa.

Aposol 18:24

Long taem ya tu, wanfala Jiu hu hemi bon kam long Aleksandria, hemi kam kasem Efesas. Nem blong hem Apolos, an hemi save tumas hao fo toktok, an hemi save tumas long olketa samting insaet long Buktambu.

Aposol 18:4

An long evri Sabat de, hemi go long preahaos an hemi toktok wetem olketa Jiu an olketa Grik, an hemi traehad fo mekem olketa evriwan fo biliv long wanem hemi talem.

Aposol 19:1

Taem Apolos hemi stap yet long taon long Korin, Pol hemi falom rod wea hemi go antap long olketa maonten, go-go hemi kasem long daon long biktaon long Efesas. Hemi mitim samfala Kristin,

Aposol 19:17

Taem nius abaotem diswan hemi kasem olketa pipol long Efesas, nomata olketa i Jiu o olketa i no Jiu, olketa barava fraet fogud nao an olketa mekhae long nem blong Jisas Masta blong yumi.

Aposol 19:26

An yufala seleva lukim an herem finis wea disfala man Pol hemi bin talem olsem, ‘Olketa god wea olketa man nomoa olketa wakem ya, olketa no truwan.’ An long taon blong yumi long Efesas an kolsap long evri ples moa long Esia tu, Pol hemi bin pulum plande pipol tumas an tanem tingting blong olketa finis.

Aposol 19:28

Taem olketa man olketa herem toktok ya, olketa barava kros fogud nao, an olketa go-gohed fo singaot bikfala olsem, “!Atemis blong Efesas nao hemi nambawan!”

Aposol 19:35

Go-go nao, taon klak blong Efesas ya hemi mekem olketa pipol fo stap kuaet moa, an hemi tok olsem, “!Olketa man blong Efesas! Evriwan long wol olketa save finis, wea biktaon long Efesas nao hemi lukaftarem disfala preahaos blong bikfala god ya Atemis. An olketa save tu dat yumi nao yumi lukaftarem disfala tambu ston blong hem, wea hemi bin foldaon kam from heven.

Aposol 20:16

Pol hemi laek fo sel gopas long Efesas olsem, bikos hemi no laek fo spendem plande taem tumas long provins long Esia. Hemi hariap fo go kasem Jerusalem, bikos hemi laek fo stap long ples ya long Bikde blong Pentekos.

Aposol 20:17

Nao long Maelitas, Pol hemi sendem go nius fo olketa lida long sios long Efesas fo olketa mas kam lukim hem.

Aposol 21:29

Olketa tok olsem bikos olketa bin lukim Trofimas blong Efesas hemi wakabaot wetem Pol insaet long biktaon ya, so olketa tingse Pol hemi bin tekem hem kam insaet long Tambuhaos ya tu.

1 Korin 15:32

Ya, mi olsem faetem olketa wael animol finis long hia long Efesas ya. ?Nao sapos mi bin duim diswan falom tingting blong man nomoa, wanem nao mi winim? Sapos olketa hu i dae finis olketa no save laefbaek moa, bae mi falom disfala tingting, “Yumi go-gohed kaikai an dring nomoa, bikos tumoro nao bae yumi dae.”

1 Korin 16:8

Mi bae mi stap fastaem long hia long Efesas go-go kasem Bikde blong Pentekos.

Efesas 1:1

Mi Pol, wea God seleva hemi siusim mi fo kamap aposol blong Jisas Kraes. Mi raet go long yufala olketa pipol blong God long Efesas, wea yufala gohed fo falom Jisas Kraes wea yufala joen wetem hem finis.

1 Timoti 1:3

Olsem, mi talem strong long yu finis taem mi lusim yu fo go long provins long Masedonia, mi laekem yu fo stapbaek nomoa long taon long Efesas. Yu mas stap long ples ya, mekem yu stopem olketa pipol hu i gohed fo tisim olketa samting wea hemi falom laea tising.

2 Timoti 1:18

An yu savegud tu hao hemi helpem mi tumas long Efesas. Mi askem Masta fo hemi sore an kaen long hem long Lasde.

Revelesin 1:11

Hemi sei olsem, “Olketa samting wea bae yu lukim, yu mas raetemdaon long wanfala buk. An bihaen, yu mas sendem diswan go long olketa sios wea i stap long sevenfala taon, Efesas an Smana an Pegamam an Taeataera an Sadis an Filadelfia an Leodisia.”

Revelesin 2:1

Disfala man hemi tok olsem moa, “Nao yu mas raet go long enjel blong sios long Efesas, an yu mas sei olsem, ‘Hem nao toktok blong mi wea mi holem sevenfala sta long raet han blong mi, an wakabaot long midol long sevenfala bikfala gol lam.