Aposol 17:4 - Pijin Bible

⁴ Nao samfala long olketa Jiu olketa biliv long toktok ya, an olketa joen wetem Pol an Saelas nao. An plande pipol blong Grik hu i wosipim God, wetem plande long olketa bik woman long ples ya, olketa joen wetem Pol an Saelas tu.

Pijin Deuterocanon

⁴ Nao samfala long olketa Jiu olketa biliv long toktok ya, an olketa joen wetem Pol an Saelas nao. An plande pipol blong Grik hu i wosipim God, wetem plande long olketa bik woman long ples ya, olketa joen wetem Pol an Saelas tu.

Aposol 17:4 Iomraidhean Croise

Provebs 13:20

Fren wetem waes man, bae yu waes. Fren wetem krangge man, bae yu safa.

Provebs 9:6

Lusim krangge wei blong yufala an falom wei blong mi, bae yufala garem laef.”

Nambawan Singsing 6:1

Talem mifala, yu hu yu barava luknaes tumas winim evri narafala woman. ?Wea nao man blong yu hemi go? Yu talem kam ples wea hemi go long hem, mekem mifala save helpem yu fo faendem hem.

Sekaraea 2:11

Long datfala taem, plande pipol long olketa narafala kantri bae i kam long mi Yawe, fo joen wetem yufala pipol blong mi, an bae mi stap wetem yufala.? Long wei ya nao, bae yufala save dat Yawe hu hemi garem evri paoa, hemi sendem mi kam long yufala.

Gudnius abaotem Jisas Kraes wea Jon hemi raetem 7:35

Nao olketa bikman blong olketa Jiu ya, olketa stat fo tok olsem nao long olketa seleva, “?Wea nao man ya bae hemi go long hem, mekem yumi no save faendem hem ya? ?Waswe, bae hemi go stap wetem olketa wantok blong yumi wea olketa stap olobaot long kantri long Grik, mekem hemi tisim olketa Grik ya?

Aposol 13:43

Nao evriwan olketa gobaek from preahaos. An plande long olketa Jiu an olketa nara man hu i wosipim God olketa go bihaen long Pol an Banabas nao. Tufala gohed fo toktok wetem olketa an talem olketa fo gohed oltaem fo stap strong nomoa long kaenfala lav blong God.

Aposol 13:50

Bat olketa bikman blong Jiu ya, olketa mekem olketa lida long taon ya wetem olketa bik woman hu i wosipim God fo agensim Pol an Banabas. An olketa mekem olketa pipol fo meksave long tufala an raosim tufala goaot from eria blong olketa.

Aposol 14:1

Long taon long Aekoniam tu Pol an Banabas tufala go insaet long preahaos blong olketa Jiu fastaem. An tufala talemaot mesij ya long wei wea plande long olketa Jiu an olketa hu i no Jiu olketa stat fo biliv nao.

Aposol 14:4

Bat olketa pipol long taon ya olketa divaed long tufala seksin nao. Wanfala seksin i wanmaen wetem olketa bikman blong Jiu, an narafala seksin i wanmaen wetem tufala aposol.

Aposol 15:22

Nao olketa aposol an olketa nara lida wetem evriwan long sios, olketa agri fo siusim tufala man long olketa, an sendem olketa go long Antiok wetem Pol an Banabas. So olketa siusim tufala man wea olketa barava tinghae long tufala. Tufala ya nao Saelas wetem Jiudas wea nara nem blong hem Basabas.

Aposol 15:27

So hem nao mifala sendem go Jiudas an Saelas, mekem tufala tu talemaot long yufala olketa samting ya wea mifala raetem long disfala leta.

Aposol 15:32

Jiudas an Saelas wea tufala i profet tu, tufala gohed long plande de fo toktok wetem olketa Kristin fo helpem olketa an fo mekem olketa stap strong.

Aposol 15:40

Bat Pol hemi siusim Saelas fo go wetem hem. An olketa Kristin i prea fo tufala an olketa givim tufala go long han blong kaenfala lav blong Masta nao.

Aposol 16:3

an Pol hemi wande fo tekem Timoti go wetem hem. Nao olketa Jiu long disfala eria, olketa save finis wea dadi blong Timoti hemi man blong Grik, so Pol hemi mekem Timoti fo kate nao.

Aposol 17:10

Semtaem long naet nomoa, olketa Kristin i sendem Pol an Saelas tufala go haed long taon long Berea. An taem tufala kasem Berea, tufala go long preahaos blong olketa Jiu nao.

Aposol 17:12

An plande long olketa Jiu nao olketa biliv. An long olketa Grik tu, plande long olketa bik woman an olketa man olketa stat fo biliv.

Aposol 17:14

So semtaem nomoa, olketa Kristin olketa sendem Pol godaon long saet si fo hemi sel go long wanfala sip. Bat Saelas an Timoti tufala stap nomoa long Berea.

Aposol 17:17

So hemi gohed fo toktok insaet long preahaos wetem olketa Jiu an olketa nara pipol hu save wosipim God. An evri de hemi go long ples blong maket fo toktok wetem olketa pipol hu olketa ka-kam long ples ya.

Aposol 17:34

Bat samfala pipol olketa joen wetem Pol an olketa stat fo biliv. An samfala long olketa nao Daeonisias hu hemi memba blong disfala Kansol Ariopagas, wetem wanfala woman nem blong hem Damaris an samfala pipol moa.

Aposol 18:4

An long evri Sabat de, hemi go long preahaos an hemi toktok wetem olketa Jiu an olketa Grik, an hemi traehad fo mekem olketa evriwan fo biliv long wanem hemi talem.

Aposol 19:10

Nao diswan hemi go-gohed olsem fo tufala yia, go-go evri pipol blong Jiu an olketa hu i no Jiu wea olketa stap long provins long Esia, olketa herem toktok blong Masta nao.

Aposol 2:44

Evriwan hu i biliv long Jisas i stapgud tugeta, an olketa gohed tu fo searem evrisamting wea olketa garem wetem eniwan long olketa hu i nidim.

Aposol 21:28

Olketa singaot bikfala olsem, “!Olketa man blong Israel, yufala helpem mifala! Disfala man ya hemi save tisim olketa pipol long evri ples fo agensim pipol blong yumi an agensim Lo blong Mosis an agensim moa disfala Tambuhaos ya. !An distaem hemi tekem kam samfala pipol hu i no Jiu tu fo kam insaet long Tambuhaos an mekem disfala tambuples fo no klin nao!”

Aposol 28:24

Nao samfala man olketa bilivim toktok blong hem, bat samfala moa olketa nating bilivim nao.

Aposol 4:23

Taem olketa letem Pita an Jon tufala go fri nomoa, semtaem nomoa tufala gobaek nao long seksin blong olketa, an tufala talem evrisamting wea olketa hedprist an olketa nara bikman olketa bin talem fo tufala.

2 Korin 8:5

Diswan hemi barava winim wanem mifala bin tingim. Fastaem, olketa givim olketa seleva long Masta. An bihaen, olketa givim olketa seleva long mifala tu falom wanem God hemi laekem.