Aposol 17:15 - Pijin Bible

¹⁵ Olketa man hu i go-go wetem Pol olketa sel go kasem taon long Atens. Bihaen, olketa lusim Pol long ples ya, an gobaek moa wetem nius fo Saelas an Timoti fo tufala mas go kasem Pol kuiktaem.

Pijin Deuterocanon

¹⁵ Olketa man hu i go-go wetem Pol olketa sel go kasem taon long Atens. Bihaen, olketa lusim Pol long ples ya, an gobaek moa wetem nius fo Saelas an Timoti fo tufala mas go kasem Pol kuiktaem.

Aposol 17:15 Iomraidhean Croise

Aposol 15:3

Olketa long sios i helpem olketa long gogo blong olketa, an olketa wakabaot gopas long provins long Fonisia an long provins long Samaria. An olketa talemaot hao plande pipol hu i no Jiu olketa bin stat fo biliv long Jisas. An olketa Kristin long olketa ples ya olketa barava hapi fogud fo herem diswan.

Aposol 17:14

So semtaem nomoa, olketa Kristin olketa sendem Pol godaon long saet si fo hemi sel go long wanfala sip. Bat Saelas an Timoti tufala stap nomoa long Berea.

Aposol 17:16

Nao taem Pol hemi stap weitem Saelas an Timoti long Atens, hemi stat fo barava filnogud tumas nao, from hemi lukim dat taon ya hemi fulap tumas long olketa kaving blong olketa laea god.

Aposol 17:21

Nao olketa pipol blong Atens wetem olketa hu i bin kam fo stap long taon nomoa ya, olketa save duim olsem oltaem. Olketa save si-sidaon an lisin long enikaen niu samting an olketa save stori abaotem nomoa.

Aposol 17:22

So Pol hemi stanap long frant blong disfala Kansol ya, an hemi sei, “!Olketa man blong Atens! Mi luksave dat yufala laekem tumas fo prea.

Aposol 18:1

Bihaen diswan, Pol hemi lusim Atens an hemi go moa long taon long Korin.

Aposol 18:5

An taem Saelas an Timoti tufala lusim Masedonia an kamdaon joenem Pol, Pol hemi stat fo talemaot disfala Gudnius long evri de nomoa. Hemi gohed fo talemaot gud long olketa Jiu wea Jisas nao hemi disfala Mesaea.

1 Tesalonaeka 3:1

Mifala barava wari fogud bikos mifala no save kam lukim yufala. So mitrifala mekem wanfala plan fo mitufala Saelas stap bihaen long Atens,

Taetas 3:12

Nao long taem wea bae mi sendem Atemas o Tikikas go kasem yu, yu mas traehad fo kam lukim mi long taon long Nikopolis. Long taon ya nao mi tingting fo go stap long hem long taem blong raf si.