Aposol 17:1 - Pijin Bible

¹ Pol an Saelas tufala wakabaot gopas nomoa long tufala taon long Amfipolis an Apolonia, an tufala go kasem taon long Tesalonaeka. Olketa Jiu i garem wanfala preahaos long taon ya,

Pijin Deuterocanon

¹ Pol an Saelas tufala wakabaot gopas nomoa long tufala taon long Amfipolis an Apolonia, an tufala go kasem taon long Tesalonaeka. Olketa Jiu i garem wanfala preahaos long taon ya,

Aposol 17:1 Iomraidhean Croise

Aposol 14:1

Long taon long Aekoniam tu Pol an Banabas tufala go insaet long preahaos blong olketa Jiu fastaem. An tufala talemaot mesij ya long wei wea plande long olketa Jiu an olketa hu i no Jiu olketa stat fo biliv nao.

Aposol 15:21

Bikos stat kam bifoa, long evri taon nao yumi garem olketa pipol hu save talemaot Lo blong Mosis. An long evri Sabat, olketa save ridim toktok blong hem insaet long olketa preahaos.”

Aposol 16:13

Nao long Sabat de, mifala go aotsaet long taon ya an mifala godaon long saet long wanfala wata, bikos mifala tingse hemi wanfala ples blong olketa Jiu fo prea long hem. Mifala lukim samfala woman hu i hipap finis an mifala sidaon fo toktok wetem olketa.

Aposol 17:10

Semtaem long naet nomoa, olketa Kristin i sendem Pol an Saelas tufala go haed long taon long Berea. An taem tufala kasem Berea, tufala go long preahaos blong olketa Jiu nao.

Aposol 17:11

Long taon ya, wei blong olketa pipol hemi gud tumas winim olketa long Tesalonaeka. Olketa wiling tumas fo herem toktok blong Pol, an evri de olketa gohed fo sekap long Buktambu sapos olketa samting i barava tru o nomoa.

Aposol 17:13

Bat taem olketa bikman blong Jiu long Tesalonaeka, olketa herem nius wea Pol hemi gohed fo talemaot toktok blong God long Berea moa, olketa resis kam nao. An olketa mekem plande pipol long taon ya fo kamap kros an go agensim tufala.

Aposol 20:4

An samfala man hu i go-go wetem hem nao i olsem, Sopata blong Berea hu hemi san blong Piras, an Aristakas wetem Sekandas blong Tesalonaeka, an Gaeas blong Debe, an Tikikas wetem Trofimas blong provins long Esia, an Timoti moa.

Aposol 27:2

Mifala go long wanfala sip wea hemi kam long Adramitiam, an hemi redi fo sel go long olketa ples long provins long Esia. So mifala sel go nao. An Aristakas blong Tesalonaeka long Masedonia hemi go wetem mifala.

Filipae 4:16

Tu-tri taem nao yufala helpem mi taem mi stap long Tesalonaeka an mi sot long olketa samting.

1 Tesalonaeka 1:1

Mi Pol wetem Saelas an Timoti, mitrifala raet go long yufala pipol blong sios long Tesalonaeka. Yufala nao pipol blong God hu hemi Dadi blong yumi, an Jisas Kraes Masta blong yumi. Letem kaenfala lav an piis blong God hemi stap wetem yufala.

1 Tesalonaeka 2:2

An yufala save tu dat taem mifala stap yet long taon long Filipae, olketa pipol barava spoelem mifala tumas an olketa tok nogud tu long mifala. Bat nomata plande pipol olketa agensim mifala, God blong yumi nao hemi strongim tingting blong mifala fo talemaot Gudnius blong hem long yufala.

2 Tesalonaeka 1:1

Mi Pol wetem Saelas an Timoti, mitrifala raet go long yufala pipol long sios long Tesalonaeka. Yufala nao pipol blong God hu hemi Dadi blong yumi, an Jisas Kraes Masta blong yumi.

2 Timoti 4:10

Yu save, Dimas hemi lusim mi nao, bikos hemi lavem tumas wei blong disfala wol, an hemi go finis long Tesalonaeka. An Kresens hemi go finis long Galesia, an Taetas hemi go finis long Dalmesia.