Aposol 16:6 - Pijin Bible

⁶ Olketa wakabaot goraon long olketa ples long tufala provins long Frijia an Galesia, bikos Holi Spirit hemi bin stopem olketa fo no go an talemaot disfala mesij ya long provins long Esia.

Pijin Deuterocanon

⁶ Olketa wakabaot goraon long olketa ples long tufala provins long Frijia an Galesia, bikos Holi Spirit hemi bin stopem olketa fo no go an talemaot disfala mesij ya long provins long Esia.

Aposol 16:6 Iomraidhean Croise

Aesaea 30:21

Nomata yufala tane go long lef o long raet, bae yufala save herem nomoa voes blong hem wea hemi tok kam olsem bihaen long yufala, “Rod blong mi nao ya. Yufala mas falom.”

Gudnius abaotem Jisas Kraes wea Luk hemi raetem 1:2

Olketa raetem olketa samting wea mifala bin herem long olketa pipol hu i barava lukim olketa samting ya an hu i stat fo talemaot disfala Gudnius ya tu.

Aposol 10:19

Taem Pita hemi go-gohed yet fo tingting strong abaotem mining blong disfala spesol drim ya, Holi Spirit hemi sei, “Saemon, trifala man olketa kam fo lukaotem yu ya.

Aposol 11:12

An Holi Spirit hemi talem mi fo no fraet fo go wetem olketa. So disfala siksfala Kristin nao olketa joenem mi fo go kasem Sisaria, go-go mifala kasem insaet long haos blong man ya nao.

Aposol 16:7

Taem olketa kasem eria long Misia, olketa traehad fo go insaet moa long provins long Bitinia, bat Spirit blong Jisas hemi stopem olketa.

Aposol 18:23

An taem hemi bin stap fo longtaem lelebet long Antiok, Pol hemi lusim ples ya moa. Hemi wakabaot go kasem olketa ples insaet long eria blong tufala provins long Galesia an Frijia wea hemi waka fo helpem olketa Kristin fo kamap strong moa long biliv blong olketa.

Aposol 19:10

Nao diswan hemi go-gohed olsem fo tufala yia, go-go evri pipol blong Jiu an olketa hu i no Jiu wea olketa stap long provins long Esia, olketa herem toktok blong Masta nao.

Aposol 20:16

Pol hemi laek fo sel gopas long Efesas olsem, bikos hemi no laek fo spendem plande taem tumas long provins long Esia. Hemi hariap fo go kasem Jerusalem, bikos hemi laek fo stap long ples ya long Bikde blong Pentekos.

Aposol 20:28

So yufala mas lukaftarem yufala seleva gudfala, wetem evri pipol wea Holi Spirit hemi putum long han blong yufala. Yufala mas stap olsem olketa man fo lukaftarem olketa sipsip, an lukaftarem gud disfala sios blong God wea hemi bin peimaot taem San blong hem hemi dae olsem wanfala sakrifaes.

Aposol 20:4

An samfala man hu i go-go wetem hem nao i olsem, Sopata blong Berea hu hemi san blong Piras, an Aristakas wetem Sekandas blong Tesalonaeka, an Gaeas blong Debe, an Tikikas wetem Trofimas blong provins long Esia, an Timoti moa.

Aposol 21:27

Nao taem sevenfala de ya hemi kolsap go finis nomoa, samfala Jiu blong provins long Esia olketa lukim Pol insaet long Tambuhaos ya nao. So olketa go kasholem Pol, an olketa mekem olketa pipol hu i stap ya fo olketa kamap kros tumas long Pol nao.

Aposol 6:9

Bat samfala man nao olketa stat fo agensim hem, wea olketa i blong disfala preahaos wea olketa kolem “Preahaos blong olketa man hu i fri moa”. An olketa man ya, olketa stap kam long Saerin an Aleksandria an tufala provins long Silisia an long Esia. An olketa gohed fo raoa wetem Stivin,

Aposol 8:29

Nao Holi Spirit hemi talem Filip olsem, “Yu go kasem kaat ya, an yu gohed wakabaot kolsap long hem.”

Leta wea Pol hemi raetem go long sios long Rom 16:5

Mi laek fo sei halo tu long olketa Kristin pipol hu i save hipap insaet long haos blong tufala. Yufala sei halo long nambawan fren blong mi Epenetas, hemi faswan fo biliv long Kraes long provins long Esia.

1 Korin 12:11

An disfala Holi Spirit ya nomoa hemi duim olketa samting ya falom hao hemi laekem. Hemi givim olketa deferen kaen spesol paoa ya long evriwan long yumi.

1 Korin 16:1

Nao mi wande fo talem yufala abaotem disfala koleksin fo helpem olketa pipol blong God long provins long Jiudia. Yufala mas duim wanem mi talem finis long olketa sios long provins long Galesia.

1 Korin 16:19

Olketa sios long provins long Esia olketa sei halo go long yufala. Akuila wetem Prisila an olketa Kristin wea olketa save hipap oltaem long haos blong tufala, olketa sei halo go long yufala long nem blong Masta.

2 Korin 1:8

Olketa Kristin fren, mifala laekem yufala fo savegud long olketa trabol wea i bin kasem mifala long provins long Esia. Olketa samting ya i barava had tumas long mifala, go-go mifala tingse bae mifala evriwan dae nomoa.

Galesia 1:2

Mi an evri Kristin hu i stap wetem mi, mifala sei halo long yufala long olketa sios long provins long Galesia.

Galesia 3:1

!Yufala krangge pipol long Galesia! Yufala i bin heremsave finis disfala toktok abaotem hao Jisas Kraes hemi dae antap long kros ya. ?So hu nao hemi poesenem tingting blong yufala distaem?

2 Timoti 1:15

Yu save dat Fijelas an Hemojenis wetem olketa nara pipol long provins long Esia olketa bin lusim mi nao bikos olketa filsem tumas long mi.

2 Timoti 4:10

Yu save, Dimas hemi lusim mi nao, bikos hemi lavem tumas wei blong disfala wol, an hemi go finis long Tesalonaeka. An Kresens hemi go finis long Galesia, an Taetas hemi go finis long Dalmesia.

Hibrus 11:8

Ebraham hemi biliv long God, an dastawe hemi obeim God taem hemi kolem hem. Hemi lusim ples blong hem fo go long nara ples wea bae God hemi givim long hem. Hemi go, nomata hemi no save nomoa long ples wea hemi go-go long hem ya.

1 Pita 1:1

Mi Pita, aposol blong Jisas Kraes. Mi raet go long yufala pipol blong God hu i stap olobaot olsem strensa, long olketa provins long Pontas an Galesia an Kapadosia an Esia an Bitinia.

Revelesin 1:11

Hemi sei olsem, “Olketa samting wea bae yu lukim, yu mas raetemdaon long wanfala buk. An bihaen, yu mas sendem diswan go long olketa sios wea i stap long sevenfala taon, Efesas an Smana an Pegamam an Taeataera an Sadis an Filadelfia an Leodisia.”

Revelesin 1:4

Mi Jon, mi raet go long yufala evriwan long sevenfala sios long provins long Esia. Letem kaenfala lav an piis hemi stap wetem yufala. Lav an piis ya hemi stat kam long God wea hemi stap olowe bifoa, an wea hemi stap distaem, an wea bae hemi kam. Lav an piis ya hemi kam from seven gudfala spirit tu, wea olketa stap long frant long tron blong God wea hemi sidaon fo rul.