Aposol 16:26 - Pijin Bible

²⁶ Seknomoa, wanfala bikfala etkuek hemi mekem faondesin blong prisin ya barava seksek fogud nao. An semtaem tu, evri doa long prisin ya olketa open, an olketa sen ya i brek an foldaon from han an lek blong evri man long prisin.

Pijin Deuterocanon

²⁶ Seknomoa, wanfala bikfala etkuek hemi mekem faondesin blong prisin ya barava seksek fogud nao. An semtaem tu, evri doa long prisin ya olketa open, an olketa sen ya i brek an foldaon from han an lek blong evri man long prisin.

Aposol 16:26 Iomraidhean Croise

1 Kings 13:28

Hemi sidaon antap long hem, an wakabaot go, nao hemi lukim dat man blong God hemi dae finis long rod. An laeon wetem dongki ya, tufala stanap yet long saet long hem, bat laeon hemi no kaikaim bodi blong hem, an hemi no kilim dongki ya tu.

Sams 102:20

Hemi bin herem kam krae blong yumi long prisin, an hemi bin mekem yumi wea kot bin talem dat yumi mas dae, fo kamap fri.”

Sams 146:7

Taem Yawe hemi mekem kot, hemi gohed fo helpem olketa wea pipol i spoelem olketa. An oltaem hemi gohed fo givim kaikai long olketa wea i hanggre. An Yawe hemi gohed fo mekem olketa man wea i stap long prisin fo gofri.

Sams 68:6

Hemi mekem olketa hu i no garem wantok fo stap insaet long wanfala famili. Hemi tekemaot olketa man from prisin, an hemi lidimaot olketa fo go fri, an fo hapi. Bat evriwan wea i gohed fo agensim hem, hemi mekem olketa fo stap long ples wea hemi nogud tumas.

Sams 79:11

Plis yu herem kam krae blong mifala hu i stap long prisin. Olketa ya i jajem mifala finis fo dae. Plis yu sevem mifala long bikfala paoa blong yu.

Aesaea 42:7

Bae yu mekem ae blong olketa hu i blaen fo lukluk moa, an bae yu mekem olketa hu i stap long prisin wea hemi tudak fo kamap fri moa.

Aesaea 61:1

Wakaman blong Yawe hemi tok olsem, “Spirit blong Lod Yawe hemi stap wetem mi, bikos hemi siusim mi finis fo talemaot gudnius long olketa pua pipol. Hemi sendem mi fo finisim sore wea hemi save stap insaet long haat blong pipol. Hemi sendem mi fo talemaot long olketa hu i stap long prisin an olketa hu i waka olsem slev, dat bae olketa fri nao.

Matiu 28:2

!An seknomoa, wanfala bikfala etkuek hemi sekem evrisamting nao! An wanfala enjel blong God hemi kamdaon long heven, an hemi rolem go disfala ston an hemi go sidaon antap long hem nao.

Aposol 12:10

Tufala gopas long mekwan gad long prisin, an bihaen moa, long mektu gad tu. An laswan nao hemi disfala bikfala geit long aean wea hemi save open go long biktaon ya nao. Taem tufala kamap long geit ya, hemi open seleva nomoa fo tufala. So tufala goaot an wakabaot falom wanfala rod, bat seknomoa, enjel ya hemi lusim Pita nao.

Aposol 12:7

Seknomoa, wanfala enjel blong God hemi stanap insaet long prisin nao, an wanfala bikfala laet hemi saen long ples ya. Nao enjel ya hemi holem solda blong Pita fo wekapem hem, an hemi sei, “!Kuiktaem, yu getap nao!” An semtaem nomoa, tufala sen ya i brek an foldaon from han blong Pita nao.

Aposol 4:31

Taem olketa prea finis, disfala haos wea olketa hipap tugeta long hem ya, hemi seksek nao. An olketa evriwan olketa fulap long Holi Spirit, an bihaen ya, olketa gohed strong fo talemaot toktok blong God nao.

Aposol 5:19

Bat long naet, wanfala enjel blong Masta hemi openem doa blong prisin ya an hemi lidim olketa aposol fo goaot, an hemi sei,

Revelesin 11:13

An long semtaem nomoa, bikfala etkuek hemi sekem graon nao. An long bikfala taon ya, wanfala smolfala haf long hem hemi barava nogud, an 7,000 pipol nao olketa dae long etkuek ya. An olketa nara pipol olketa barava fraet fogud nao, an olketa gohed fo preisim nem blong God long heven.

Revelesin 6:12

Nao mi lukim moa Smolfala Sipsip ya hemi brekem meksiks tambu mak long skrol ya. An wanfala bikfala etkuek hemi barava seksek fogud, an san hemi no saen, an evriwea hemi barava tudak, an mun hemi kamap red olsem blad.