Aposol 16:23 - Pijin Bible

²³ Taem olketa bin wipim nogud Pol an Saelas finis, olketa putum tufala insaet long prisin nao. An olketa talem bikman blong prisin fo hemi mas gadem tufala gudfala.

Pijin Deuterocanon

²³ Taem olketa bin wipim nogud Pol an Saelas finis, olketa putum tufala insaet long prisin nao. An olketa talem bikman blong prisin fo hemi mas gadem tufala gudfala.

Aposol 16:23 Iomraidhean Croise

Matiu 26:48

Jiudas hemi bin talem olketa abaotem wanfala saen wea hemi sei, “Man hu bae mi kisim, hem nao man wea yufala mas kasholem hem.”

Gudnius abaotem Jisas Kraes wea Luk hemi raetem 21:12

Bat bifoa evrisamting olsem hemi hapen, bae olketa pipol i kasholem yufala an meksave long yufala. An bae olketa tekem yufala go long kot long olketa preahaos, an bae olketa putum yufala insaet long prisin tu. An bikos olketa laek fo spoelem nem blong mi, bae olketa kotem yufala long ae blong olketa king an olketa primia.

Aposol 12:18

Long eli moning, olketa soldia i barava fraet nogud, an olketa askem olketa seleva olsem, “?Maewat, wea nao Pita ya?”

Aposol 12:4

Taem olketa kasholem Pita, olketa putum hem insaet long prisin. An Herod hemi putum hem long han blong fofala seksin long olketa soldia, wea hemi garem fofala soldia long evri seksin ya. Herod hemi laek fo jajem Pita long ae blong olketa pipol, taem Fist blong Pasova ya i finis.

Aposol 16:27

Taem bikman blong prisin hemi wekap an lukim dat evri doa long prisin olketa open, hemi tingse evri man long prisin olketa ranawe go finis. So hemi holem naef fo faet blong hem nomoa an hemi wande kilim hem seleva dae nao.

Aposol 16:36

So bikman blong prisin hemi talem Pol olsem, “Olketa majistret i talem kam wea yutufala Saelas save go fri nomoa. So yutufala save go nao, an yutufala no wari moa.”

Aposol 5:18

So olketa kasholem olketa aposol an putum olketa insaet long prisin nao.

Aposol 5:23

“Mifala lukim dat evri doa olketa lokem strong, an olketa soldia ya olketa stanap gadem olketa doa tu. Bat taem mifala openem olketa doa, mifala nating faendem eniwan insaet long prisin ya nao.”

Aposol 8:3

Bat Sol, hemi traehad fo finisim sios nao. Hemi go-goraon long olketa haos fo kasholem olketa man an olketa woman hu i biliv. An hemi putum olketa go insaet long prisin nao.

Aposol 9:2

an hemi askem hem fo raetem samfala leta fo hemi tekem go wetem hem long olketa preahaos blong olketa Jiu long Damaskas Olketa leta ya olketa givim paoa long Sol ya, an sapos hemi faendem samfala man an samfala woman wea olketa falom disfala wei blong biliv long Masta, bae hemi save kasholem olketa an tekem olketa go moa long Jerusalem.

2 Korin 11:23

Olketa sei olketa nao wakaman blong Kraes, bat mi nao gudfala wakaman blong Kraes winim olketa. Mi barava tok olsem krangge man. Mi nao mi bin wakahad winim olketa. Mi nao mi bin stap long prisin plande taem winim olketa. Mi nao olketa bin wipim mi tumas winim olketa. Mi nao mi bin kolsap dae plande taem winim olketa.

2 Korin 6:5

Olketa wipim mifala, an olketa putum mifala insaet long prisin, an olketa faetem mifala. Mifala wakahad go-go mifala barava taet an no garem taem fo slip an kaikai.

Efesas 3:1

So from diswan nao, mi Pol wea mi stap long prisin bikos mi blong Jisas Kraes an bikos mi waka fo yufala hu i no Jiu, mi laek fo prea go long God.

Efesas 4:1

So mi hu mi stap long prisin bikos mi blong Masta, mi talem strong long yufala, laef blong yufala hemi mas stap stret fitim wei blong God hu hemi kolem yufala kam.

2 Timoti 2:9

An bikos mi talemaot Gudnius olsem ya, olketa pipol i bin taengem mi wetem sen, olsem olketa taengem man hu hemi save mekem trabol tumas. Bat no eniwan i save taengem toktok blong God wetem sen,

Filimon 1:9

Bat bikos mi barava lavem yu tumas, mi laek fo tok isi nomoa. Mi Pol mi man fo talemaot toktok blong Jisas Kraes, an distaem nao mi stap long prisin bikos mi biliv long hem.

Josua 4:17

So Josua hemi duim nao wanem Yawe bin talem long hem. Taem olketa prist ya i kamap an stanap long saet long riva ya, wata ya hemi stat fo ran bikfala moa olsem fastaem, an hemi kavaremap moa tufala saet blong hem. An taem evriwan ya i stap finis long narasaet, olketa prist hu i karim Tambu Boks ya i wakabaot go fastaem an olketa pipol ya i go bihaen long olketa.

Revelesin 1:9

Mi Jon, mi brata blong yufala bikos yumi evriwan biliv long Jisas. Yumi evriwan fren tugeta, nomata olketa mekem yumi safa bikos yumi biliv long Jisas. Olketa bin putum mi long smolfala aelan long Patmos, bikos mi bin talemaot toktok blong God an olketa tru toktok abaotem Jisas.

Revelesin 2:10

Yufala mas no fraet long enisamting wea bae hemi kam fo mekem yufala safa. Yufala save, Seitan bae hemi putum samfala long seksin blong yufala insaet long prisin fo traem yufala. An olketa trabol blong yufala bae hemi gohed fo tenfala de. Bat yufala mas biliv strong long mi nomoa, nomata yufala dae long hem. An sapos yufala duim diswan, bae mi givim yufala niufala laef wea hemi olsem nambawan praes olketa givim long man hu hemi win long resis.