Aposol 16:19 - Pijin Bible

¹⁹ Nao taem olketa bos blong disfala gele ya olketa luksave dat disfala wei blong olketa fo winim seleni hemi nomoa nao, olketa kasholem Pol an Saelas. An olketa pulum tufala go long olketa bikman long bikfala ples fo miting long taon ya.

Pijin Deuterocanon

¹⁹ Nao taem olketa bos blong disfala gele ya olketa luksave dat disfala wei blong olketa fo winim seleni hemi nomoa nao, olketa kasholem Pol an Saelas. An olketa pulum tufala go long olketa bikman long bikfala ples fo miting long taon ya.

Aposol 16:19 Iomraidhean Croise

Daniel 6:12

olketa evriwan i go long king an ripotem hem nao. Olketa tok olsem, “!King! Yu bin raetem an saenem finis wanfala lo wea hemi sei, stat distaem go-go kasem tetifala de, bae no eniwan hemi askem enisamting long eni god o eni narawan. Olketa mas askem yu nomoa. An eniwan hu hemi brekem lo ya, bae yu givim oda fo torowem hem go insaet long hol ya wea olketa laeon i stap long hem. ?Waswe, disfala lo hemi stap yet o nomoa nao?” King hemi tok olsem, “Ya, lo ya hemi nating sens. Hemi stap wetem olketa narafala lo blong Media an Pesia, wea no eniwan save sensim moa enitaem.”

Matiu 24:9

“Bihaen, bae olketa tekem yufala go long kot an bae olketa meksave long yufala an kilim yufala dae. An bae pipol long evri kantri long wol olketa heitem yufala bikos yufala blong mi.

Gudnius abaotem Jisas Kraes wea Mak hemi raetem 13:9

“Yufala mas lukaot, bikos bae olketa tekem yufala go long kot, an bae olketa ki-kilim yufala moa insaet long olketa preahaos. An bikos olketa laek fo spoelem nem blong mi, bae olketa kotem yufala long ae blong olketa primia an olketa king tu. So bae yufala mas talemaot nao Gudnius long olketa ya,

Aposol 14:19

Nao bihaen diswan, samfala bikman blong Jiu blong Antiok long Pisidia an blong Aekoniam, olketa kam an mekem olketa pipol blong Listra fo falom toktok blong olketa nao. An olketa sutim Pol dae long ston an olketa pulum hem go aotsaet long taon. Olketa tingse hemi dae finis.

Aposol 14:5

Nao samfala Jiu an samfala hu i no Jiu wetem olketa bikman blong olketa, olketa mekem wanfala plan fo go an kilim Pol an Banabas an sutim tufala dae long ston.

Aposol 15:22

Nao olketa aposol an olketa nara lida wetem evriwan long sios, olketa agri fo siusim tufala man long olketa, an sendem olketa go long Antiok wetem Pol an Banabas. So olketa siusim tufala man wea olketa barava tinghae long tufala. Tufala ya nao Saelas wetem Jiudas wea nara nem blong hem Basabas.

Aposol 15:26

wea tufala kolsap dae long olketa waka blong Masta blong yumi Jisas Kraes.

Aposol 15:40

Bat Pol hemi siusim Saelas fo go wetem hem. An olketa Kristin i prea fo tufala an olketa givim tufala go long han blong kaenfala lav blong Masta nao.

Aposol 16:16

Wanfala de, taem mifala go long disfala ples fo prea, mifala mitim wanfala gele hu hemi save waka olsem slev nomoa. Wanfala devol hemi stap long gele ya, mekem hemi save talem olketa pipol abaotem olketa samting wea hemi no hapen yet. An olketa bos blong hem, olketa save winim plande seleni long diswan.

Aposol 16:20

Olketa tekem tufala kam long olketa majistret an olketa sei, “Tufala man ya, tufala mekem bikfala trabol long taon blong yumi. Tufala blong Jiu ya,

Aposol 16:25

Nao long midol long naet, Pol an Saelas tufala go-gohed fo prea an singim olketa singsing fo mekhae long God. An olketa nara pipol long prisin olketa gohed fo lisin long tufala nomoa.

Aposol 16:29

So bikman ya hemi singaotem kam laet, an hemi resis go insaet long prisin ya nao. Hemi nildaon long frant blong Pol an Saelas, an hemi seksek fogud from hemi fraet.

Aposol 17:6

Bat taem olketa no faendem tufala ya, olketa kasholem nomoa Jeson an samfala nara Kristin moa, an olketa pulum olketa go stanap long frant blong olketa bikman blong taon ya. An olketa singaot bikfala olsem, “Tufala man wea tufala bin mekem tumas trabol long evri ples finis, tufala kam kasem taon blong yumi nao.

Aposol 21:30

Disfala trabol ya hemi barava go kasem evriwea long biktaon ya, an olketa pipol resis kam an hipap long eria ya nao. Olketa holemstrong Pol, an olketa pulum hem goaot from Tambuhaos ya. An semtaem olketa satem olketa doa long Tambuhaos ya nao.

Aposol 8:3

Bat Sol, hemi traehad fo finisim sios nao. Hemi go-goraon long olketa haos fo kasholem olketa man an olketa woman hu i biliv. An hemi putum olketa go insaet long prisin nao.

Aposol 9:16

An bae mi mekem hem save abaotem evrisamting nogud wea bae hemi mas kasem, taem hemi talemaot nem blong mi.”

2 Korin 6:5

Olketa wipim mifala, an olketa putum mifala insaet long prisin, an olketa faetem mifala. Mifala wakahad go-go mifala barava taet an no garem taem fo slip an kaikai.

Filipae 1:30

So distaem yufala save joen wetem mi long disfala faet. Hemi semkaen faet wea yufala lukim mi gohed long hem bifoa an yufala herem mi gohed long hem yet.

1 Tesalonaeka 2:2

An yufala save tu dat taem mifala stap yet long taon long Filipae, olketa pipol barava spoelem mifala tumas an olketa tok nogud tu long mifala. Bat nomata plande pipol olketa agensim mifala, God blong yumi nao hemi strongim tingting blong mifala fo talemaot Gudnius blong hem long yufala.

1 Timoti 6:10

Enikaen ravis samting nao hemi save kamaot long diskaen wei fo lavem seleni tumas. Samfala pipol hu i laekem seleni tumas, olketa gorong finis long biliv blong olketa nao, an olketa mekem olketa seleva fo filnogud tumas.

Jemes 2:6

Bat yufala lukdaon tumas long olketa hu i pua. ?Waswe, hu nao save ravem yufala olowe an tekem yufala go long kot?