Aposol 16:18 - Pijin Bible

¹⁸ Plande de nao, gele ya hemi du-duim semsamting nomoa, go-go Pol hemi barava les fo herem diswan. So hemi taneraon an hemi tok olsem go long disfala devol ya, “!Long nem blong Jisas Kraes mi talem yu stret, yu mas lusim gele ya nao!” An long semtaem nomoa, devol ya hemi lusim gele ya nao.

Pijin Deuterocanon

¹⁸ Plande de nao, gele ya hemi du-duim semsamting nomoa, go-go Pol hemi barava les fo herem diswan. So hemi taneraon an hemi tok olsem go long disfala devol ya, “!Long nem blong Jisas Kraes mi talem yu stret, yu mas lusim gele ya nao!” An long semtaem nomoa, devol ya hemi lusim gele ya nao.

Aposol 16:18 Iomraidhean Croise

Matiu 14:24

bat olketa disaepol olketa go farawe finis long bot ya. An olketa wev i go-gohed fo bangam bot ya nao, bikos olketa go agensim win.

Gudnius abaotem Jisas Kraes wea Mak hemi raetem 1:34

An Jisas hemi mekem plande pipol wea olketa garem deferen kaen siknis fo gudbaek moa. An hemi raosim tu plande devol fo goaot from olketa pipol. Bat hemi no letem olketa devol ya fo toktok, bikos olketa save long hem finis.

Gudnius abaotem Jisas Kraes wea Mak hemi raetem 16:17

An olketa pipol hu i biliv, bae God hemi givim paoa long olketa, mekem olketa save mekem olketa mirakol. Bae olketa save raosim olketa devol long nem blong mi, an bae olketa save toktok tu long enikaen langguis nomoa.

Gudnius abaotem Jisas Kraes wea Luk hemi raetem 9:1

Nao Jisas hemi kolem tuelfala disaepol blong hem fo kam long hem, an hemi givim paoa long olketa fo raosim evri devol, an fo mekem evriwan wea olketa garem sik fo gudbaek moa.

Aposol 3:6

Bat Pita hemi sei moa long hem, “Mi no garem eni seleni ya. Bat narasamting nao mi garem, hem nao bae mi givim long yu. Mi talem yu long nem blong Jisas Kraes blong Nasaret, yu stanap an yu wakabaot go.”

Aposol 9:34

Pita hemi sei long hem, “Aenias, Jisas Kraes bae hemi mekem yu fo gudbaek moa nao ya. Yu stanap an yu stretem bed blong yu.” Semtaem nomoa Aenias hemi stanap nao.

Kolosi 2:15

Nao Kraes hemi tekemaot finis evri paoa blong olketa bikman an olketa lida long saet blong Seitan. An long kros ya, hemi winim olketa an hemi mekem olketa fo filsem tumas long ae blong olketa pipol.