Aposol 16:15 - Pijin Bible

¹⁵ So hem wetem evriwan hu i stap long haos blong hem olketa baptaes nao. An bihaen, hemi askem mifala olsem, “Sapos yufala tingse mi barava biliv tru long Masta, yufala kam stap long haos blong mi fastaem.” An hemi tokstrong long mifala fo mifala mas go wetem hem nao.

Pijin Deuterocanon

¹⁵ So hem wetem evriwan hu i stap long haos blong hem olketa baptaes nao. An bihaen, hemi askem mifala olsem, “Sapos yufala tingse mi barava biliv tru long Masta, yufala kam stap long haos blong mi fastaem.” An hemi tokstrong long mifala fo mifala mas go wetem hem nao.

Aposol 16:15 Iomraidhean Croise

Jenesis 19:3

Bat Lot hemi askem tufala strong moa, go-go tufala agri nao fo go long haos blong hem. So Lot hemi talem long olketa wakaman blong hem fo olketa bekem samfala bred wea hemi no garem yist long hem, an olketa mekredi wanfala gudfala kaikai fo givim long tufala. Taem olketa kaikai ya i tane finis, olketa givim long tufala, an tufala kaikaim nao.

Jenesis 33:11

Plis yu tekem presen ya wea mi tekem kam fo yu. God hemi bin gud tumas long mi, an mi garem staka samting nao.” Jekob hemi gohed fo askem brata blong hem fo tekem olketa samting ya, go-go hemi tekem presen ya nao.

2 Kings 4:8

Long wanfala taem, Profet Elaesa hemi go long taon long Sunem. An long taon ya, wanfala ris woman hemi stap. Hemi kolem profet ya fo kam kaikai wetem hem an hasban blong hem. Stat long datfala taem, enitaem hemi go long Sunem, hemi go kaikai long haos blong tufala ya.

Matiu 10:41

Eniwan hu hemi kaen long wanfala profet bikos hemi luksave dat man ya hemi profet, God bae hemi blesim hem olsem hemi blesim disfala profet tu. An eniwan hu hemi kaen long wanfala stretfala man bikos hemi luksave dat man ya hemi stret long ae blong God, God bae hemi blesim hem olsem hemi blesim stretfala man ya tu.

Matiu 3:6

Olketa pipol ya, olketa go-gohed fo talemaot olketa sin blong olketa, an Jon hemi baptaesim olketa insaet long Jodan.

Gudnius abaotem Jisas Kraes wea Luk hemi raetem 14:23

Nao bikman ya hemi sei moa, ‘Yu go moa long olketa rod long baekwe an long olketa smolfala rod long bus, an yu tekem kam olketa pipol, mekem haos blong mi hemi fulap.

Gudnius abaotem Jisas Kraes wea Luk hemi raetem 24:29

So tufala ya i talem hem strong olsem, “!Yumi stap fastaem, bikos hemi go-go fo ivining nao an kolsap hemi tudak!” So Jisas hemi go long haos blong tufala an hemi stap wetem tufala nao.

Aposol 11:14

Bae hemi talem kam wanfala mesij long yu, wea hemi save sevem yu wetem evriwan long famili blong yu.’

Aposol 16:31

Nao tufala sei, “Yu mas biliv long Jisas Masta blong yumi, mekem God bae hemi sevem yu an olketa long famili blong yu tu.”

Aposol 16:33

An long barava taem long naet ya, bikman ya hemi lukaftarem gud tufala an hemi wasim evri soa long bodi blong tufala nao. An semtaem tu, hem wetem evriwan long famili blong hem, olketa baptaes.

Aposol 16:34

An hemi tekem tufala Pol an Saelas kam long haos blong hem, an hemi givim kaikai long tufala. An hem wetem evriwan long haos blong hem, olketa barava hapi fogud nao, bikos olketa biliv long God.

Aposol 18:8

Nao bikman blong disfala preahaos ya, nem blong hem Krispas, wetem evriwan long famili blong hem, olketa biliv long Masta. An plande pipol long Korin moa hu olketa herem Gudnius ya, olketa stat fo biliv an olketa baptaes nao.

Aposol 8:12

Bat taem Filip hemi talemaot Gudnius abaotem Jisas Kraes an abaotem kingdom blong God, olketa man an olketa woman olketa bilivim Gudnius ya nao an olketa gohed fo baptaes.

Aposol 8:38

An bikman ya hemi talem man hu hemi draevam disfala kaat fo stop nao. An Filip wetem man ya, tufala godaon insaet long wata ya, an Filip hemi baptaesim bikman ya nao.

Leta wea Pol hemi raetem go long sios long Rom 16:23

Gaeas tu hemi sei halo long yufala. Mi nao stap long haos blong hem distaem, an sios tu olketa save miting long haos blong hem. Erastas hu hemi man fo lukaftarem seleni long biktaon long hia, an brata blong yumi Kuotas, tufala sei halo long yufala tu.

2 Korin 12:11

Mi tok olsem wanfala krangge man nao, bat yufala stap kuaet nomoa, so mi seleva mi mas tok olsem. Hemi fitim fo yufala nao tokabaotem gudfala waka blong mi. Bikos mi no tingim dat mi samting nating an olketa wea yufala kolem olketa nambawan aposol i gudfala winim mi.

2 Korin 5:14

Lav blong Kraes nao hemi mekem mifala fo gohed olsem. Kraes hemi wanfala nomoa hu hemi bin dae fo sensim yumi evriwan, dastawe mifala luksave dat yumi evriwan bin dae.

Galesia 6:10

Dastawe nao, long evri taem wea samting hemi kamap, yumi mas duim olketa gudfala samting long evri pipol. An bikfala samting nao hemi fo duim diswan long olketa pipol hu i stap insaet long famili blong God.

Efesas 1:1

Mi Pol, wea God seleva hemi siusim mi fo kamap aposol blong Jisas Kraes. Mi raet go long yufala olketa pipol blong God long Efesas, wea yufala gohed fo falom Jisas Kraes wea yufala joen wetem hem finis.

Filipae 1:7

Yufala stap olowe long maen blong mi, so hemi fitim fo mi tingim yufala olsem. Yufala evriwan nao i joen wetem mi long disfala waka wea God hemi givim kam long yumi. An diswan hemi tru nomata mi stap insaet long prisin. An hemi tru tu taem mi stap fri fo somaot long olketa pipol dat Gudnius hemi truwan an mi helpem olketa fo biliv long hem.

Filimon 1:17

Sapos yu barava tingim mi olsem gudfala fren blong yu, yu mas lukaftarem hem gudfala olsem yu save lukaftarem mi gudfala, taem mi kasem haos blong yu.

Hibrus 13:2

Yufala mas no foget fo lukaftarem gud olketa strensa wea olketa kam kasem ples blong yufala. Bikos samfala pipol long bifoa, olketa tingse olketa welkamem olketa strensa nomoa, bat wea, olketa tekem kam olketa enjel insaet long haos blong olketa nao.

1 Pita 5:12

Saelas nao hemi helpem mi fo raetem disfala sot leta fo yufala. Hemi wanfala Kristin brata wea mi save trastem hem tumas. Long disfala leta mi wande strongim moa tingting blong yufala, an talem yufala abaotem barava kaenfala lav blong God. Hem nao yufala mas stanap strong long hem.

2 Jon 1:10

So sapos eni tisa hemi kam long yufala an hemi no falom disfala tising blong Kraes, yufala mas no tekem hem go long haos blong yufala. An nomata fo welkamem hem, yufala mas no duim tu.

3 Jon 1:5

Gudfala fren blong mi, hemi gud tumas wea yu barava gohed olowe fo helpem olketa Kristin fren hu i kam long yufala, nomata yu no savegud long olketa.

3 Jon 1:8

So hemi fitim fo yumi lukaftarem olketa man olsem, mekem yumi evriwan save waka tugeta fo talemaot disfala tru toktok.

1 Samuel 28:23

Bat Sol hemi les, an hemi tok olsem, “Bae mi no kaikai.” Nao tufala wakaman blong hem wetem woman ya, trifala tokstrong long hem. So hemi lisin long olketa, an hemi getap from graon an hemi go sidaon long bed.