Aposol 16:14 - Pijin Bible

¹⁴ Nao wanfala long olketa woman ya, nem blong hem hemi Lidia. Hemi stap kam long Taeataera, an waka blong hem nao hemi fo salem olketa redfala kaleko wea hemi dia tumas. Hemi save wosipim God, an taem hemi lisin kam long Pol, God hemi openem maen blong hem, mekem hemi biliv long disfala toktok.

Pijin Deuterocanon

¹⁴ Nao wanfala long olketa woman ya, nem blong hem hemi Lidia. Hemi stap kam long Taeataera, an waka blong hem nao hemi fo salem olketa redfala kaleko wea hemi dia tumas. Hemi save wosipim God, an taem hemi lisin kam long Pol, God hemi openem maen blong hem, mekem hemi biliv long disfala toktok.

Aposol 16:14 Iomraidhean Croise

Sams 110:3

Long de wea bae yu go fo faetem olketa enemi blong yu, bae olketa pipol blong yu i hapi tumas fo kam an joen long ami blong yu. Ya, olsem wata long naet hemi kamap long moning fo givim niufala laef long olketa gras, bae olketa yangfala man blong yu i kam joen wetem yu long olketa tambu hil fo mekem ami blong yu i strong moa.

Nambawan Singsing 5:4

Daling blong mi hemi putum han blong hem gotru long hol blong doa ya, mekem bele blong mi hemi filnaes tumas.

Aesaea 50:5

Lod Yawe nao hemi givim save long mi. Hem nao mi no agensim hem, an mi no les long hem.

Gudnius abaotem Jisas Kraes wea Luk hemi raetem 24:45

Nao hemi openem tingting blong olketa, mekem olketa save minimgud olketa toktok insaet long Buktambu.

Gudnius abaotem Jisas Kraes wea Jon hemi raetem 12:20

Nao samfala long olketa Grik tu olketa go long Jerusalem fo prea long taem blong olketa bikde ya.

Aposol 10:2

Hemi wanfala man wea hemi tinghae long God an hemi wosipim hem, an evriwan long famili blong hem olketa olsem tu. An hemi save helpem tumas olketa Jiu hu olketa pua, an evritaem nomoa hemi save prea long God.

Aposol 11:21

Paoa blong Masta hemi stap wetem olketa, an go-go plande long olketa pipol ya i biliv an olketa stat fo falom Masta nao.

Aposol 13:43

Nao evriwan olketa gobaek from preahaos. An plande long olketa Jiu an olketa nara man hu i wosipim God olketa go bihaen long Pol an Banabas nao. Tufala gohed fo toktok wetem olketa an talem olketa fo gohed oltaem fo stap strong nomoa long kaenfala lav blong God.

Aposol 13:50

Bat olketa bikman blong Jiu ya, olketa mekem olketa lida long taon ya wetem olketa bik woman hu i wosipim God fo agensim Pol an Banabas. An olketa mekem olketa pipol fo meksave long tufala an raosim tufala goaot from eria blong olketa.

Aposol 16:40

Taem Pol an Saelas tufala kamaot from prisin, tufala go stret long haos blong Lidia nao. An tufala mitim olketa Kristin an stori wetem olketa, mekem tingting blong olketa filgud moa. An bihaen nomoa, tufala lusim taon ya nao.

Aposol 18:7

An Pol hemi goaot from preahaos ya an hemi go long haos blong Titias Jastas nao hu hemi save wosipim God. Haos blong hem ya hemi stap kolsap nomoa long preahaos ya.

Aposol 8:27

Semtaem nomoa, Filip hemi godaon long rod ya, an go-go hemi lukim wanfala man blong kantri long Itiopia. Man ya hemi wanfala bikman wea hemi lukaftarem evri seleni blong disfala Kuin blong olketa long Itiopia. Man ya hemi bin kam long Jerusalem fo wosipim God,

Leta wea Pol hemi raetem go long sios long Rom 9:16

So taem God hemi siusim eniwan, hemi no sius falom wanem man ya hemi laekem o wanem man ya hemi traehad fo duim, bat God hemi falom kaenfala wei blong hem seleva.

Filipae 2:13

Yufala save, God nao hemi gohed fo waka insaet long yufala, mekem yufala save siusim an duim wanem hemi falom plan blong hem.

Revelesin 1:11

Hemi sei olsem, “Olketa samting wea bae yu lukim, yu mas raetemdaon long wanfala buk. An bihaen, yu mas sendem diswan go long olketa sios wea i stap long sevenfala taon, Efesas an Smana an Pegamam an Taeataera an Sadis an Filadelfia an Leodisia.”

Revelesin 3:20

Yufala save, mi stanap aotsaet long doa, an mi gohed fo noknok. Nao sapos wanfala man hemi herem toktok blong mi an hemi openem doa fo mi, bae mi kam insaet long haos blong hem, an bae mitufala kaikai tugeta.

Revelesin 3:7

Disfala man hemi tok olsem moa, “Yu mas raet go long enjel blong sios long Filadelfia, an yu sei olsem, ‘Hem nao toktok blong mi wea mi holi an mi kipim promis olowe, an mi garem ki olsem ki blong King Deved. Taem mi openem doa, no eni man save satem moa, an taem mi satem, no eni man tu save openem moa.