Aposol 15:7 - Pijin Bible

⁷ An taem plande toktok i bin gohed, Pita hemi stanap an hemi tok olsem long olketa, “Olketa Kristin fren, yufala save dat long seksin blong yumi, longtaem i go finis, God hemi bin makem mi fo talemaot disfala Gudnius ya long olketa pipol hu i no Jiu, mekem olketa tu save biliv.

Pijin Deuterocanon

⁷ An taem plande toktok i bin gohed, Pita hemi stanap an hemi tok olsem long olketa, “Olketa Kristin fren, yufala save dat long seksin blong yumi, longtaem i go finis, God hemi bin makem mi fo talemaot disfala Gudnius ya long olketa pipol hu i no Jiu, mekem olketa tu save biliv.

Aposol 15:7 Iomraidhean Croise

Eksodas 4:12

!Oraet! !Yu go nao! Bae mi helpem yu fo toktok, an bae mi tisim yu wanem yu mas talemaot.”

Jeremaea 1:9

Nao Yawe hemi tasim maos blong mi wetem han blong hem, an hemi tok olsem, “Yu lukim. Distaem mi givim toktok blong mi long yu, mekem yu go talemaot.

Gudnius abaotem Jisas Kraes wea Jon hemi raetem 15:16

Yufala i no bin siusim mi ya bat mi nao mi siusim yufala. An mi makem yufala fo goaot an garem plande frut, diskaen frut wea hemi save stap olowe ya. An bae Dadi ya hemi givim kam enisamting wea yufala askem hem long nem blong mi.

Gudnius abaotem Jisas Kraes wea Jon hemi raetem 3:27

So Jon hemi ansarem olketa olsem nao, “Sapos God no duim olsem, diskaen samting hemi no save hapen long eniwan ya.

Aposol 1:16

“Olketa fren, disfala toktok wea Holi Spirit hemi mekem King Deved fo talemaot kam bifoa, hemi mas kamtru olsem yumi lukim finis nao. Disfala toktok hemi abaotem Jiudas hu hemi lidim olketa man fo kasholem Jisas.

Aposol 1:24

Bihaen, evriwan olketa prea olsem, “Masta, yu save long tingting blong evriwan. So plis, yu som kam long mifala, hu long tufala ya nao yu bin siusim

Aposol 10:19

Taem Pita hemi go-gohed yet fo tingting strong abaotem mining blong disfala spesol drim ya, Holi Spirit hemi sei, “Saemon, trifala man olketa kam fo lukaotem yu ya.

Aposol 10:20

Yu kuiktaem godaon nao, an yu no fraet fo go wetem olketa, bikos mi nao mi sendem olketa kam.”

Aposol 13:2

Taem olketa ya i gohed fo wosipim God an stop fo no kaikai, Holi Spirit hemi tok kam long olketa olsem, “Yufala makem Banabas an Sol fo duim waka wea mi bin kolem tufala fo duim.”

Aposol 15:14

Saemon hemi jes talemaot gud long yumi, hao God hemi somaot fastaem wea hemi lavem olketa hu i no Jiu, taem hemi siusim samfala long olketa fo kamap olketa pipol blong hem.

Aposol 15:2

Pol an Banabas tufala barava nating agri wetem olketa, an tufala gohed fo tokstrong wetem olketa man ya nao. So olketa long sios long Antiok i siusim Pol an Banabas wetem samfala man moa, fo olketa go kasem Jerusalem an askem olketa aposol an olketa nara lida long sios abaotem diswan.

Aposol 15:39

Raoa hemi gohed long midol long tufala abaotem diswan, an bae tufala go deferen nao. So Banabas hemi tekem Jon Mak wetem hem, an tufala go long wanfala sip an sel go kasem aelan long Saepras.

Aposol 20:24

Bat laef blong mi nao hemi olsem samting nating nomoa long mi ya. Wanem hemi bikfala nao, hemi fo mi mas go-gohed an barava finisim disfala waka wea Jisas Masta blong yumi, hemi givim long mi fo duim. An waka ya nao hemi fo talemaot disfala Gudnius abaotem kaenfala lav blong God.

Aposol 21:16

Samfala long olketa Kristin long Sisaria olketa go wetem mifala fo tekem mifala go long haos wea bae mifala stap long hem. Haos ya, hemi haos blong Nason hu hemi wanfala man blong Saepras wea hemi bin stap Kristin longtaem nao.

Aposol 3:18

Bat longtaem i go finis, God hemi talem kam long olketa profet wea disfala Mesaea blong hem bae hemi mas safa olsem. An long disfala wei ya nao God hemi mekem toktok i kamtru.

Aposol 4:25

Yu nao bin mekem Holi Spirit fo talemaot toktok blong yu long olo blong mifala Deved hu hemi wakaman blong yu. Hemi tok olsem, ‘?Waswe nao olketa hu i no Jiu olketa kros tumas? ?Waswe nao olketa pipol ya i planem enikaen krangge samting?

Aposol 9:15

Bat Masta hemi tok long hem an hemi sei, “!Yu go! Disfala man ya, mi nao mi siusim hem fo duim waka blong mi. Bae hemi talemaot nem blong mi long olketa pipol hu i no Jiu wetem olketa king an olketa pipol blong Israel tu.

Filipae 2:14

Taem yufala gohed fo duim olketa samting, yufala mas no komplen o raoa abaotem.