Aposol 15:36 - Pijin Bible

³⁶ Samfala taem bihaen, Pol hemi tok olsem fo Banabas, “Yumitufala mas gobaek moa an lukim olketa Kristin long evri taon wea yumitufala bin talemaot toktok blong Masta long hem. Yumitufala mas lukim hao nao olketa gohed distaem.”

Pijin Deuterocanon

³⁶ Samfala taem bihaen, Pol hemi tok olsem fo Banabas, “Yumitufala mas gobaek moa an lukim olketa Kristin long evri taon wea yumitufala bin talemaot toktok blong Masta long hem. Yumitufala mas lukim hao nao olketa gohed distaem.”

Aposol 15:36 Iomraidhean Croise

Esta 2:11

An evri de nomoa, Modekae save wakabaot frant long haos ya, mekem hemi save dat Esta hemi stap gudfala o nomoa, an fo save long wanem nao bae hemi hapen long hem.

Eksodas 4:18

Bihaen, Mosis hemi kambaek long dadi-inlo blong hem Jetro, an hemi askem hem olsem, “?Plis, yu letem mi gobaek fo lukim olketa pipol blong mi long Ijip? Mi wande go fo lukim sapos olketa laef yet, o nomoa nao.” Jetro hemi tok olsem long hem, “Hemi gud nomoa, yu save go nao.”

Jeremaea 23:2

Dastawe nao Yawe hu hemi God blong Israel, hemi tok long olketa lida ya olsem, “!Olketa lida! Yufala no save lukaftarem olketa pipol blong mi, bat yufala gohed nomoa fo ronem olketa olobaot. Hem nao bae mi seleva mi panisim yufala from olketa ravis samting wea yufala gohed fo mekem.

Matiu 25:36

an taem mi no garem enisamting fo werem, yufala nao givim kaleko long mi. Taem mi sik, yufala lukaftarem mi, an taem mi stap long prisin, yufala nao kam fo lukim mi.’

Matiu 25:43

Taem mi no garem eni ples fo stap long hem, yufala nating tekem mi go long haos blong yufala, an taem mi no garem enisamting fo werem, yufala nating givim kaleko long mi. An taem mi sik an taem mi stap long prisin, yufala nating kam fo lukim mi.’

Aposol 13:12

Taem disfala Primia hemi lukim wanem hemi hapen, hemi biliv nao long God. An hemi barava sapraes tumas tu long tising ya abaotem Masta.

Aposol 13:4

Nao tufala wea Holi Spirit hemi sendem tufala go, tufala godaon long taon long Selusia. An wanfala sip i tekem tufala go kasem aelan long Saepras.

Aposol 13:51

So tufala ya i sekemaot graon from lek blong tufala fo wonem olketa, an bihaen, tufala go nao long taon long Aekoniam.

Aposol 14:1

Long taon long Aekoniam tu Pol an Banabas tufala go insaet long preahaos blong olketa Jiu fastaem. An tufala talemaot mesij ya long wei wea plande long olketa Jiu an olketa hu i no Jiu olketa stat fo biliv nao.

Aposol 14:21

Tufala gohed fo talemaot disfala Gudnius long taon long Debe, an go-go tufala mekem plande pipol nao fo kamap Kristin. An bihaen, tufala gobaek moa long Listra an Aekoniam an Antiok long Pisidia,

Aposol 14:6

Bat taem tufala ya i herem nius abaotem plan ya nomoa, tufala ranawe go nao long provins long Likeonia. An tufala go-goraon long eria raonem tufala taon long Listra an Debe,

Aposol 7:23

“Taem Mosis hemi kasem foti yia finis, hemi tingting fo go lukim olketa pipol blong Israel wea olketa i wantok blong hem.

Leta wea Pol hemi raetem go long sios long Rom 1:11

Bikos longtaem nao mi laekem tumas fo lukim yufala, mekem mi save searem go spesol paoa blong Holi Spirit long yufala, mekem biliv blong yufala hemi strong.

2 Korin 11:28

Plande samting moa mi no save talem, bat long evri de nomoa mi save wari tumas long olketa sios.

Filipae 1:27

Yufala ya mas meksua dat wei blong yufala hemi falom disfala Gudnius blong Kraes. So nomata mi kam fo lukim yufala o nomoa, bae mi laek fo herem kam dat yufala i gohed strong tugeta long semkaen tingting nomoa, an yufala waka tugeta fo helpem olketa pipol fo biliv long Gudnius.

1 Tesalonaeka 3:6

Bat distaem Timoti hemi kambaek nao long mifala, an hemi talem dat biliv blong yufala hemi strong an yufala barava lavem tumas olketa pipol. An hemi talem tu dat yufala hapi tumas taem yufala tingim mifala, an yufala laekem tumas fo lukim mifala, olsem mifala tu wande lukim yufala.

2 Timoti 1:4

Mi tingimbaek tu taem yu krae long bifoa, an diswan hemi mekem mi wande lukim yu tumas, mekem mi filhapi moa.