Aposol 15:32 - Pijin Bible

³² Jiudas an Saelas wea tufala i profet tu, tufala gohed long plande de fo toktok wetem olketa Kristin fo helpem olketa an fo mekem olketa stap strong.

Pijin Deuterocanon

³² Jiudas an Saelas wea tufala i profet tu, tufala gohed long plande de fo toktok wetem olketa Kristin fo helpem olketa an fo mekem olketa stap strong.

Aposol 15:32 Iomraidhean Croise

Daniel 11:1

Man ya hemi tok olsem moa long mi: Long fas yia wea King Darias blong Media hemi rul long Babilonia, mi nao mi gadem hem an helpem hem fo kamap strong.

Matiu 23:34

Mi talem yufala, bae mi sendem samfala profet an samfala waesman an samfala tisa long yufala. An samfala long olketa bae yufala kilim olketa dae, an samfala moa bae yufala nilam olketa long kros. An samfala moa long olketa bae yufala wipim olketa insaet long preahaos blong yufala an bae yufala ronem olketa olobaot from evri taon blong yufala.

Gudnius abaotem Jisas Kraes wea Luk hemi raetem 11:49

Dastawe nao God wea hemi waes tumas hemi talem finis olsem, ‘Bae mi sendem kam olketa profet an olketa niusman blong mi long olketa pipol. An bae olketa kilim dae samfala long olketa, an bae olketa meksave long samfala long olketa moa.’

Aposol 11:23

Taem hemi kasem taon ya nomoa, hemi lukim dat God hemi bin blesim olketa pipol ya finis, so hemi barava hapi tumas nao. An hemi tokstrong long olketa fo olketa mas gohed oltaem fo obeim tru Masta blong yumi.

Aposol 11:27

Long semtaem ya, samfala profet olketa lusim Jerusalem an olketa go kasem Antiok.

Aposol 13:1

Nao long sios long Antiok, samfala profet an tisa nao olketa stap. An olketa ya nao, Banabas, an Simion wea nara nem blong hem Blakfala, an Manaen hu hemi grouap kam wetem Herod Antipas, an Lusias blong Saerin, an Sol.

Aposol 14:22

an tufala stori wetem olketa Kristin an mekem tingting blong olketa fo kamap strong moa, an tufala tok long olketa olsem, “Yufala mas gohed fo biliv strong long Jisas. Bikos yumi mas go insaet long plande hadtaem bifoa yumi save kasem kingdom blong God.”

Aposol 15:1

Samfala man blong Jiudia olketa kam kasem Antiok, an olketa stat fo tisim olketa Kristin an sei, “Sapos yufala no kate olsem Lo blong Mosis hemi talem yumi mas duim, bae God hemi nating save sevem yufala ya.”

Aposol 15:22

Nao olketa aposol an olketa nara lida wetem evriwan long sios, olketa agri fo siusim tufala man long olketa, an sendem olketa go long Antiok wetem Pol an Banabas. So olketa siusim tufala man wea olketa barava tinghae long tufala. Tufala ya nao Saelas wetem Jiudas wea nara nem blong hem Basabas.

Aposol 15:27

So hem nao mifala sendem go Jiudas an Saelas, mekem tufala tu talemaot long yufala olketa samting ya wea mifala raetem long disfala leta.

Aposol 15:3

Olketa long sios i helpem olketa long gogo blong olketa, an olketa wakabaot gopas long provins long Fonisia an long provins long Samaria. An olketa talemaot hao plande pipol hu i no Jiu olketa bin stat fo biliv long Jisas. An olketa Kristin long olketa ples ya olketa barava hapi fogud fo herem diswan.

Aposol 15:31

Taem olketa ridim leta ya nomoa, olketa barava hapi fogud long disfala toktok ya wea hemi mekem olketa filgud moa.

Aposol 15:41

Tufala wakabaot go an tufala goraon long tufala provins long Siria an Silisia, an Pol hemi gohed fo mekem olketa sios fo kamap strong moa.

Aposol 18:23

An taem hemi bin stap fo longtaem lelebet long Antiok, Pol hemi lusim ples ya moa. Hemi wakabaot go kasem olketa ples insaet long eria blong tufala provins long Galesia an Frijia wea hemi waka fo helpem olketa Kristin fo kamap strong moa long biliv blong olketa.

Aposol 2:40

Pita hemi talem plande toktok moa long olketa an hemi tokstrong long olketa olsem, “!Yufala mas lukaot, mekem yufala no kasem panis olsem olketa ravis pipol blong distaem!”

Aposol 20:2

Hemi wakabaot goraon long provins long Masedonia. An long plande ples hemi toktok wetem olketa Kristin fo mekem tingting blong olketa i stap strong moa. Bihaen nao, hemi go kasem provins long Akaea,

Leta wea Pol hemi raetem go long sios long Rom 12:6

Yumi garem olketa deferen kaen spesol paoa wea God hemi givim kam, falom kaenfala lav blong hem wea hemi givim long yumi. Sapos yumi garem spesol paoa fo talemaot toktok blong God olsem olketa profet, yumi mas talemaot toktok ya nao falom biliv blong yumi, nomata biliv ya hemi bikfala o smolfala.

Leta wea Pol hemi raetem go long sios long Rom 12:8

Sapos God givim spesol paoa long yumi fo strongim tingting blong eniwan, yumi mas duim nao. An sapos hemi spesol paoa fo helpem pipol wetem enikaen samting, yumi mas duim long gudfala wei. Sapos yumi garem spesol paoa fo lidim pipol, yumi mas lukaftarem olketa gudfala. An sapos yumi garem spesol paoa fo sore an kaen long pipol, yumi mas duim nomoa an hapi long hem.

1 Korin 1:8

An Kraes bae hemi helpem yufala fo gohed strong an fo stap stret fogud go-go kasem Lasde, disfala De blong Jisas Kraes Masta blong yumi.

1 Korin 14:29

An fo talemaot eni mesij blong God, bae tu-tri nomoa i save duim. An olketa nara pipol nao i mas sekap gudfala long wanem olketa talemaot ya.

1 Korin 14:3

Bat eniwan hu hemi talemaot mesij blong God, hemi toktok long olketa pipol. Hemi helpem biliv blong olketa fo grou moa an hemi mekem tingting blong olketa fo kamap strong, an hemi helpem olketa fo filgud moa.

1 Korin 14:32

Olketa pipol hu i save talemaot eni mesij blong God olketa mas duim diswan long gudfala wei.

Efesas 3:5

Long bifoa kam, God hemi no talem pipol abaotem disfala plan wea hemi staphaed. Bat distaem nao, Spirit blong God hemi somaot diswan finis long olketa holi aposol an profet blong hem.

1 Tesalonaeka 2:11

An yufala save dat mifala helpem yufala evriwan, olsem wanfala dadi hemi helpem olketa pikinini blong hem.

1 Tesalonaeka 3:2

an mitufala sendem go brata blong yumi Timoti fo kam long yufala. Timoti tu hemi wakaman blong God fo talemaot Gudnius abaotem Kraes. Mitufala sendem hem kam fo strongim moa biliv blong yufala.

1 Tesalonaeka 4:1

Olketa Kristin fren, mifala talem yufala finis abaotem watkaen laef nao yufala mas falom fo mekem God hemi hapi tumas long yufala. Hem nao disfala laef wea yufala falom kam kasem distaem. Bat long nem blong Jisas Masta blong yumi, mifala talem strong long yufala fo traehad fo falom gud disfala laef ya.

1 Tesalonaeka 5:14

Olketa Kristin fren, mifala talem strong moa long yufala fo wonem olketa hu i les tumas fo waka. Yufala mas helpem olketa hu i fraet tumas, an strongim moa tingting blong olketa. Yufala mas helpem olketa wea tingting blong olketa hemi wik tumas, an no raf long eniwan.

1 Tesalonaeka 5:20

An yufala mas no lukdaon long toktok wea olketa sei hemi wanfala mesij blong God.

2 Tesalonaeka 3:12

So long nem blong Jisas Kraes Masta blong yumi, mifala tokstrong go long olketa ya. Olketa mas stap long gudfala wei an olketa mas wakahad fo garem kaikai blong olketa seleva.

1 Timoti 2:1

Bikfala samting mi askem strong long olketa Kristin fo duim nao, hemi fo olketa mas prea an toktengkiu long God fo evri pipol an askem hem fo helpem olketa.

2 Timoti 4:2

yu mas gohed fo talemaot toktok blong God olowe, nomata long taem wea pipol no wande lisin long yu. Yu mas traehad fo helpem pipol fo luksave long tru toktok, an yu mas stretem wei blong olketa an helpem olketa fo gohed strong moa. An yu mas kaen long evriwan taem yu tisim olketa gudfala.

1 Pita 5:1

Mi tu mi wanfala lida long sios, an mi lukim Kraes taem hemi safa. An bae mi garem saen blong bikfala paoa blong God, taem Kraes hemi kambaek moa. Mi wande talem strong long yufala olketa lida long sios olsem,

1 Pita 5:10

God hemi helpem yufala evritaem nomoa long kaenfala lav blong hem. An bikos yufala joen wetem Kraes, hemi kolem yufala fo garem disfala saen blong bikfala paoa blong hem wea hemi stap olowe. Distaem, yufala safa fogud fo lelebet taem nomoa, bat God bae hemi strongim biliv blong yufala, an givim paoa long yufala, mekem yufala stanap strong olowe.

1 Pita 5:12

Saelas nao hemi helpem mi fo raetem disfala sot leta fo yufala. Hemi wanfala Kristin brata wea mi save trastem hem tumas. Long disfala leta mi wande strongim moa tingting blong yufala, an talem yufala abaotem barava kaenfala lav blong God. Hem nao yufala mas stanap strong long hem.