Aposol 15:10 - Pijin Bible

¹⁰ ?So waswe nao yufala wande fo traem God? Nogud yufala mekem olketa Kristin fo obeim disfala Lo, wea nomata olketa olo blong yumi o yumi seleva tu yumi nating save obeim.

Pijin Deuterocanon

¹⁰ ?So waswe nao yufala wande fo traem God? Nogud yufala mekem olketa Kristin fo obeim disfala Lo, wea nomata olketa olo blong yumi o yumi seleva tu yumi nating save obeim.

Aposol 15:10 Iomraidhean Croise

Eksodas 17:2

So olketa stat fo raoa moa long Mosis, an tok olsem, “!Yu givim wata fo mifala, mifala wande dring!” An Mosis hemi tok olsem long olketa, “?Waswe nao yufala gohed fo raoa long mi olsem? ?Waswe nao yufala laek fo traem paoa blong Yawe?”

Aesaea 7:12

Bat king hemi tok olsem, “!Nomoa! !Bae mi no askem eni saen long Yawe bikos mi no laek fo testem hem!”

Matiu 23:4

Hemi olsem olketa putum olketa hevi samting tumas antap long solda blong olketa pipol fo karim. Bat olketa seleva i nating helpem olketa pipol lelebet fo karim olketa hevi samting ya.

Matiu 4:7

Bat Jisas hemi sei moa, “Buktambu hemi sei tu, ‘Yufala mas no traem God Masta blong yufala.’”

Aposol 5:9

So Pita hemi talem hem olsem, “?Hao nao yutufala save plan fo trae fo toklaea long Spirit blong Masta? Lisin, olketa yangman hu olketa berem hasban blong yu, olketa ka-kam long doa nao. !Bae olketa karim yu go tu ya!”

Galesia 4:9

Bat distaem nao, yufala savegud finis long God, o moabeta mi sei, God nao hemi savegud finis long yufala. ?So hao nao yufala laek fo tane gobaek moa long olketa nogud wei blong wol wea olketa wik an olketa barava samting nating nomoa? ?Waswe, yufala laek fo kamap wakaman blong olketa samting ya moa?

Galesia 5:1

Kraes hemi mekem yumi fri fo yumi stap fri olowe. So yufala mas stanap strong nao, an yufala mas no letem eniwan fo mekem yufala kamap olsem olketa slev moa.

Hibrus 3:9

Olketa trae fo faendemaot sapos mi save panisim olketa o nomoa, nomata olketa lukim wanem mi du-duim fo olketa insaet long fotifala yia.

Hibrus 9:9

Olketa samting ya, hemi olsem piksa wea hemi somaot long yumi mining blong wanem hemi bin hapen long datfala taem. Olketa sakrifaes wea olketa prist i gohed fo mekem long God, olketa kanot mekem man hu hemi mekem sakrifaes ya fo no filsem long tingting blong hem.