Aposol 14:4 - Pijin Bible

⁴ Bat olketa pipol long taon ya olketa divaed long tufala seksin nao. Wanfala seksin i wanmaen wetem olketa bikman blong Jiu, an narafala seksin i wanmaen wetem tufala aposol.

Pijin Deuterocanon

⁴ Bat olketa pipol long taon ya olketa divaed long tufala seksin nao. Wanfala seksin i wanmaen wetem olketa bikman blong Jiu, an narafala seksin i wanmaen wetem tufala aposol.

Aposol 14:4 Iomraidhean Croise

Maeka 7:6

Distaem, boe hemi lukdaonem dadi blong hem, an gele hemi agensim mami blong hem. Yang woman hemi raoa wetem mami inlo blong hem, an evriwan long famili i enemi nomoa long olketa seleva.

Gudnius abaotem Jisas Kraes wea Luk hemi raetem 2:34

An Simion hemi blesim trifala, an hemi tok olsem long Meri hu hemi mami blong pikinini ya, “Disfala pikinini ya, God nao hemi siusim hem fo hemi sevem plande pipol blong Israel, an plande long olketa tu fo hemi no sevem olketa. Bikos bae hemi wanfala saen blong God wea plande pipol nao bae olketa agensim,

Gudnius abaotem Jisas Kraes wea Jon hemi raetem 7:43

So olketa pipol ya, olketa no wanmaen abaotem Jisas.

Aposol 13:2

Taem olketa ya i gohed fo wosipim God an stop fo no kaikai, Holi Spirit hemi tok kam long olketa olsem, “Yufala makem Banabas an Sol fo duim waka wea mi bin kolem tufala fo duim.”

Aposol 13:45

Bat taem olketa bikman blong Jiu i lukim olketa plande pipol olsem, olketa barava joles fogud nao. An olketa gohed fo tok agensim evrisamting wea Pol hemi talem, an olketa tok nogud abaotem hem.

Aposol 13:50

Bat olketa bikman blong Jiu ya, olketa mekem olketa lida long taon ya wetem olketa bik woman hu i wosipim God fo agensim Pol an Banabas. An olketa mekem olketa pipol fo meksave long tufala an raosim tufala goaot from eria blong olketa.

Aposol 14:14

Bat taem tufala aposol i heremsave nomoa wanem hemi gohed ya, tufala brekem kaleko blong tufala nao. An tufala ran go long midol long olketa pipol, an tufala singaot go long olketa an tufala sei,

Aposol 14:19

Nao bihaen diswan, samfala bikman blong Jiu blong Antiok long Pisidia an blong Aekoniam, olketa kam an mekem olketa pipol blong Listra fo falom toktok blong olketa nao. An olketa sutim Pol dae long ston an olketa pulum hem go aotsaet long taon. Olketa tingse hemi dae finis.

Aposol 14:2

Bat samfala Jiu hu olketa nating biliv, olketa stori wetem olketa pipol hu i no Jiu, mekem olketa kros tumas an mekem olketa go agensim olketa Kristin.

Aposol 14:5

Nao samfala Jiu an samfala hu i no Jiu wetem olketa bikman blong olketa, olketa mekem wanfala plan fo go an kilim Pol an Banabas an sutim tufala dae long ston.

Aposol 19:9

Bat samfala long olketa i barava bikhed tumas, an olketa no laek fo bilivim disfala toktok. An long ae blong evriwan nomoa, olketa stat fo tokspoelem disfala wei blong biliv long Masta. So Pol hemi lusim olketa, an hemi tekem olketa Kristin wetem hem tu. An long evri de olketa save go long klasrum blong Tiranas, an Pol hemi stori wetem olketa abaotem wei blong Masta.

Aposol 28:24

Nao samfala man olketa bilivim toktok blong hem, bat samfala moa olketa nating bilivim nao.

1 Korin 9:5

An mi save maritim wanfala Kristin woman an tekem hem wetem mi long gogo blong mi, olsem olketa nara aposol an olketa brata blong Masta an Pita tu i save duim.

1 Tesalonaeka 2:14

Olketa Kristin fren, samting wea hemi hapen long yufala ya, hemi hapen finis long olketa pipol blong Jisas Kraes long olketa sios blong God long Jiudia. Bikos olketa Jiu blong Jiudia nomoa i mekem olketa ya fo safa, olsem olketa wantok blong yufala olketa mekem yufala safa tu.