Aposol 13:44 - Pijin Bible

⁴⁴ Nao long neks Sabat moa, kolsap evriwan long disfala taon nao olketa hipap fo herem toktok blong Masta.

Pijin Deuterocanon

⁴⁴ Nao long neks Sabat moa, kolsap evriwan long disfala taon nao olketa hipap fo herem toktok blong Masta.

Aposol 13:44 Iomraidhean Croise

Jenesis 49:10

Wanfala long olketa wea bae hemi bon kam bihaen long yu bae hemi kamap king, an olketa wea bae i bon kam bihaen long hem, oltaem bae olketa holem paoa fo king. An olketa ya nomoa bae olketa gohed fo kamap king, go-go paoa ya hemi go long wanfala man wea hemi garem raet fo holem disfala paoa ya, nao evri pipol bae i obeim hem.

Sams 110:3

Long de wea bae yu go fo faetem olketa enemi blong yu, bae olketa pipol blong yu i hapi tumas fo kam an joen long ami blong yu. Ya, olsem wata long naet hemi kamap long moning fo givim niufala laef long olketa gras, bae olketa yangfala man blong yu i kam joen wetem yu long olketa tambu hil fo mekem ami blong yu i strong moa.

Aesaea 11:10

Long taem ya, disfala king hu hemi olsem rut long laen blong King Deved, bae hemi olsem wanfala flag, mekem olketa pipol long olketa narafala kantri save kam long hem. An evriwan bae i barava tinghae long ples blong hem.

Aesaea 60:8

Olketa kam kuiktaem long olketa sip, olsem olketa klaod wea win hemi gohed fo bloum kam, an olketa kam olsem olketa kurukuru wea i flae kambaek long nest blong olketa.

Matiu 8:34

So evriwan long taon ya olketa kamaot fo lukim Jisas. An taem olketa go kasem hem, olketa talem strong long hem fo hemi mas lusim ples blong olketa nao.

Aposol 13:14

Nao olketa lusim Pega, an olketa wakabaot go moa long disfala taon long Antiok long provins long Pisidia. An long Sabat de olketa go an sidaon insaet long preahaos blong olketa Jiu.