Aposol 12:5 - Pijin Bible

⁵ So olketa stap fo gadem Pita gud insaet long prisin. Bat olketa long sios i gohed fo prea long God fo hemi mas helpem Pita.

Pijin Deuterocanon

⁵ So olketa stap fo gadem Pita gud insaet long prisin. Bat olketa long sios i gohed fo prea long God fo hemi mas helpem Pita.

Aposol 12:5 Iomraidhean Croise

Matiu 18:19

“Mi talem long yufala moa, sapos tufala long yufala long disfala wol i wanmaen fo askem enisamting, Dadi blong mi long heven bae hemi duim wanem yutufala askem.

Gudnius abaotem Jisas Kraes wea Luk hemi raetem 18:1

Bihaen, Jisas hemi talem wanfala tokpiksa long olketa disaepol blong hem fo tisim olketa wea olketa mas no wikdaon bat gohed fo prea olowe.

Aposol 12:12

Taem hemi luksave long diswan finis, hemi go nao long haos blong Meri, mami blong disfala Jon hu nara nem blong hem Mak. Plande pipol nao olketa hipap finis long haos ya, an olketa gohed fo prea.

Aposol 12:4

Taem olketa kasholem Pita, olketa putum hem insaet long prisin. An Herod hemi putum hem long han blong fofala seksin long olketa soldia, wea hemi garem fofala soldia long evri seksin ya. Herod hemi laek fo jajem Pita long ae blong olketa pipol, taem Fist blong Pasova ya i finis.

Aposol 12:6

Long midol long naet bifoa disfala de wea Herod hemi tingting fo jajem Pita, Pita hemi gohed fo slip long midol long tufala soldia. Olketa bin taemapem hem wetem tufala sen, an samfala sekiuriti tu olketa stanap long doa blong disfala prisin.

1 Korin 12:26

So sapos wanfala haf hemi filnogud, evri narafala haf olketa fil nogud tu. An sapos eniwan i tokhae abaotem wanfala haf, evri narafala haf olketa hapi tu.

2 Korin 1:11

bikos yufala helpem mifala long prea. Bae God hemi herem prea blong plande pipol an bae hemi givim fri blesing long mifala. Den plande pipol bae olketa save talem tengkiu long God, taem olketa tingim mifala.

1 Tesalonaeka 5:17

an yufala mas prea long enitaem nomoa.

Hibrus 13:3

Yufala mas tingim olketa hu i stap insaet long prisin, olsem yufala seleva stap insaet long prisin wetem olketa tu. An yufala mas tingim olketa hu i safa, olsem yufala seleva i safa tu.

Jemes 5:16

So yufala mas talemaot olketa sin blong yufala long yufala evriwan, an yufala mas prea fo eniwan long yufala hu hemi sik, mekem hemi gudbaek moa. Prea blong stretfala man, hemi barava garem paoa an hemi save helpem pipol.