Aposol 12:17 - Pijin Bible

¹⁷ So Pita hemi mekem saen long olketa, mekem olketa lisin gudfala, an bihaen, hemi gohed fo stori long olketa abaotem hao God hemi bin tekem hem aot from prisin. Finis, hemi talem olketa fo stori abaotem diswan long Jemes an long olketa nara Kristin moa. An bihaen, hemi lusim olketa an hemi go long wanfala deferen ples moa.

Pijin Deuterocanon

¹⁷ So Pita hemi mekem saen long olketa, mekem olketa lisin gudfala, an bihaen, hemi gohed fo stori long olketa abaotem hao God hemi bin tekem hem aot from prisin. Finis, hemi talem olketa fo stori abaotem diswan long Jemes an long olketa nara Kristin moa. An bihaen, hemi lusim olketa an hemi go long wanfala deferen ples moa.

Aposol 12:17 Iomraidhean Croise

Sams 146:7

Taem Yawe hemi mekem kot, hemi gohed fo helpem olketa wea pipol i spoelem olketa. An oltaem hemi gohed fo givim kaikai long olketa wea i hanggre. An Yawe hemi gohed fo mekem olketa man wea i stap long prisin fo gofri.

Sams 66:16

Evriwan wea yufala tinghae long God, yufala kam an lisin. Bae mi talemaot long yufala olketa samting wea hemi bin duim fo mi.

Matiu 10:23

Taem yufala kasem wanfala taon an olketa pipol long ples ya olketa meksave long yufala, yufala mas ranawe go long narafala taon moa. Mi talem yufala tru samting nao, mi San Blong Man, bae mi kambaek moa long taem wea yufala no finisim yet waka blong yufala long evri taon long Israel.

Gudnius abaotem Jisas Kraes wea Mak hemi raetem 6:3

Yumi save dat man ya hemi disfala kapenta hu hemi bon long Meri nomoa ya. An olketa brata blong hem nao Jemes an Josef an Jiudas an Saemon. An olketa sista blong hem tu olketa stap nomoa long hia.” So olketa barava lukdaonem hem nomoa.

Gudnius abaotem Jisas Kraes wea Luk hemi raetem 1:22

Nao taem Sekaraea hemi kam aotsaet nomoa, hemi no save toktok wetem olketa pipol ya. So olketa save dat hemi bin lukim kam wanfala samting insaet long Tambuhaos ya. Long taem ya, hemi jes mekem saen nomoa fo olketa bikos hemi no save toktok nao.

Gudnius abaotem Jisas Kraes wea Jon hemi raetem 10:40

Bihaen diswan, Jisas hemi katkros gobaek moa long narasaet long riva long Jodan. An hemi stap long disfala eria wea Jon hemi bin baptaesim olketa pipol long hem fastaem.

Gudnius abaotem Jisas Kraes wea Jon hemi raetem 11:54

So from diswan, Jisas hemi no go-go long ples wea olketa bikman blong olketa Jiu i save lukim hem, bat hemi lusim disfala eria an hemi go wetem olketa disaepol blong hem fo stap long wanfala taon wea olketa kolem Efrem, wea hemi kolsap long disfala bikfala drae eria.

Gudnius abaotem Jisas Kraes wea Jon hemi raetem 13:24

So Saemon Pita hemi mekem go saen long disaepol ya, fo mekem hem askem Jisas abaotem hu nao hemi minim ya.

Gudnius abaotem Jisas Kraes wea Jon hemi raetem 7:1

Bihaen olketa samting ya, Jisas hemi no wande fo goraon insaet long provins long Jiudia nao, bikos olketa bikman blong olketa Jiu long eria ya, olketa wande fo kilim hem dae. So hemi goraon nomoa insaet long provins long Galili.

Gudnius abaotem Jisas Kraes wea Jon hemi raetem 8:59

Long taem ya, olketa lukaotem kam olketa ston fo sutim hem dae nao ya. Bat Jisas hemi go haed nomoa, an hemi lusim Tambuhaos ya nao.

Aposol 1:15

Bihaen samfala de i gopas finis, kolsap 120 long olketa hu i biliv, olketa hipap tugeta. Nao Pita hemi stanap an hemi tok olsem,

Aposol 12:16

Bat Pita hemi gohed nomoa fo noknok long doa, an taem olketa openem doa an lukim hem, olketa barava sapraes tumas nao.

Aposol 12:18

Long eli moning, olketa soldia i barava fraet nogud, an olketa askem olketa seleva olsem, “?Maewat, wea nao Pita ya?”

Aposol 13:16

Pol hemi stanap an hemi mekem saen fo olketa mas lisin gudfala, an hemi stat fo toktok olsem nao, “Olketa man blong Israel an yufala olketa nara man hu i kam fo wosipim God, yufala lisin gudfala long mi.

Aposol 15:13

An taem tufala toktok finis, Jemes hemi stat fo tok olsem, “Olketa Kristin fren, yufala lisin long mi fastaem.

Aposol 16:40

Taem Pol an Saelas tufala kamaot from prisin, tufala go stret long haos blong Lidia nao. An tufala mitim olketa Kristin an stori wetem olketa, mekem tingting blong olketa filgud moa. An bihaen nomoa, tufala lusim taon ya nao.

Aposol 19:33

Nao olketa Jiu olketa pusum wanfala long olketa fo goap long frant blong evri pipol, so samfala long olketa pipol i tingse hem nao hemi mekem disfala raoa fo stat. Man ya, nem blong hem Aleksanda, an hemi mekem saen fo olketa lisin gudfala bikos hemi laek fo ansarem olketa toktok blong olketa.

Aposol 21:18

Long neks de, Pol wetem mifala evriwan mifala go fo lukim Jemes. An evri lida blong sios tu olketa stap.

Aposol 21:40

Kapten hemi letem hem nao. So Pol hemi stanap antap long olketa step long haos ya, an hemi mekem saen fo mekem olketa pipol lisin gudfala. Nao taem olketa stap kuaet nomoa, hemi gohed nao fo toktok long olketa long langguis long Hibru, an hemi sei,

Aposol 28:15

Nao olketa Kristin fren wea olketa stap long Rom, olketa herem nius abaotem mifala nomoa, so olketa kamdaon fo mitim mifala long bikfala maket long Apias an long ples wea olketa kolem “Trifala Hotel”. An taem Pol hemi lukim olketa, hemi barava hapi fogud nao an hemi talem tengkiu long God.

1 Korin 15:7

An hemi somaot hem seleva long Jemes, an bihaen moa, long olketa aposol evriwan.

Galesia 1:19

Bat mi no lukim olketa narafala aposol. Jemes, brata blong Masta nomoa mi lukim.

Galesia 2:12

Bikos fastaem, Pita hemi gohed nomoa fo kaikai tugeta wetem olketa Kristin long Antiok nomata olketa no Jiu. Bat taem Jemes hemi sendem samfala man fo kam, Pita hemi fraetem tumas moa disfala seksin hu i laekem evri Kristin fo falom disfala kastom fo kate. So hemi no laek fo stap tugeta moa wetem olketa Kristin hu i no Jiu.

Galesia 2:9

An taem olketa luksave dat God hemi givim kam disfala waka fo mi, Jemes an Pita an Jon hu olketa olsem bikfala lida, olketa sekhan wetem mitufala Banabas fo somaot dat olketa hapi fo waka tugeta wetem mitufala. Mifala agri wea waka blong mitufala Banabas hemi fo go long olketa pipol hu i no Jiu, an waka blong olketa hemi fo go long olketa Jiu.

Jemes 1:1

Mi Jemes, wakaman blong God an blong Jisas Kraes Masta blong yumi. Mi sei halo long olketa pipol blong God wea yufala stap long evri ples long wol.