Aposol 11:23 - Pijin Bible

²³ Taem hemi kasem taon ya nomoa, hemi lukim dat God hemi bin blesim olketa pipol ya finis, so hemi barava hapi tumas nao. An hemi tokstrong long olketa fo olketa mas gohed oltaem fo obeim tru Masta blong yumi.

Pijin Deuterocanon

²³ Taem hemi kasem taon ya nomoa, hemi lukim dat God hemi bin blesim olketa pipol ya finis, so hemi barava hapi tumas nao. An hemi tokstrong long olketa fo olketa mas gohed oltaem fo obeim tru Masta blong yumi.

Aposol 11:23 Iomraidhean Croise

2 Kings 18:6

Hemi tinghevi nomoa long Yawe, an hemi obeim hem, an hemi falom olowe olketa lo wea hemi bin givim long Mosis bifoa.

Sams 17:3

Yu save long tingting blong mi. Yu bin kam finis long mi long naet, an yu luksave finis long laef blong mi, wea mi no laekem eni ravis samting.

Provebs 23:15

Pikinini, sapos haat blong yu i waes, haat blong mi i hapi.

Provebs 23:28

Hemi olsem man fo stil wea i staphaed, an hemi mekem plande man fo lusim waef.

Daniel 1:8

Bat Daniel hemi no laek fo kaikaim olketa kaikai an dringim waen ya long haos blong king, bikos hemi save dat bae olketa samting ya i save mekem hem no klin long ae blong God. So, hemi askem Aspenas fo helpem hem.

Matiu 16:24

Bihaen, Jisas hemi sei long olketa disaepol blong hem, “Sapos eniwan hemi wande fo kam falom mi, hemi mas no tingim hem seleva nomoa, bat hemi mas wiling fo karim kros blong hem an falom mi.

Gudnius abaotem Jisas Kraes wea Mak hemi raetem 2:5

Taem Jisas hemi luksave long biliv blong olketa, hemi sei olsem long sikman ya, “Fren, mi fogivim nao olketa sin blong yu.”

Gudnius abaotem Jisas Kraes wea Jon hemi raetem 15:4

Yufala mas joen olowe long mi, mekem mi joen olowe long yufala. Eni brans wea hemi no joen long grep tri, bae hemi had fo hemi garem frut long hem ya. Bat sapos hemi joen olowe long grep tri ya, bae hemi save garem frut. Yufala olsem tu, sapos yufala no joen olowe long mi, bae yufala no save garem eni frut.

Aposol 13:43

Nao evriwan olketa gobaek from preahaos. An plande long olketa Jiu an olketa nara man hu i wosipim God olketa go bihaen long Pol an Banabas nao. Tufala gohed fo toktok wetem olketa an talem olketa fo gohed oltaem fo stap strong nomoa long kaenfala lav blong God.

Aposol 14:22

an tufala stori wetem olketa Kristin an mekem tingting blong olketa fo kamap strong moa, an tufala tok long olketa olsem, “Yufala mas gohed fo biliv strong long Jisas. Bikos yumi mas go insaet long plande hadtaem bifoa yumi save kasem kingdom blong God.”

Aposol 14:26

An long taon ya nao tufala go long sip an sel gobaek moa long Antiok. Hem nao ples wea sios i bin givim tufala go long han blong kaenfala lav blong God fo gohed long disfala waka ya wea tufala jes finisim.

Aposol 15:40

Bat Pol hemi siusim Saelas fo go wetem hem. An olketa Kristin i prea fo tufala an olketa givim tufala go long han blong kaenfala lav blong Masta nao.

Aposol 20:24

Bat laef blong mi nao hemi olsem samting nating nomoa long mi ya. Wanem hemi bikfala nao, hemi fo mi mas go-gohed an barava finisim disfala waka wea Jisas Masta blong yumi, hemi givim long mi fo duim. An waka ya nao hemi fo talemaot disfala Gudnius abaotem kaenfala lav blong God.

Aposol 20:32

“Nao mi putum yufala insaet long han blong God an long disfala toktok abaotem kaenfala lav blong hem. Hem nao hemi save mekem yufala fo kamap strong an hemi save givim yufala olketa gudfala samting wea God hemi garem fo evri pipol blong hem.

Aposol 4:36

An wanfala man hemi stap kam long aelan long Saepras, hu hemi bon kam long traeb blong Livae. Nem blong hem Josef bat olketa aposol save kolem nem blong hem Banabas, wea hemi minim “Man hu hemi mekem tingting fo filgud moa”.

Leta wea Pol hemi raetem go long sios long Rom 12:8

Sapos God givim spesol paoa long yumi fo strongim tingting blong eniwan, yumi mas duim nao. An sapos hemi spesol paoa fo helpem pipol wetem enikaen samting, yumi mas duim long gudfala wei. Sapos yumi garem spesol paoa fo lidim pipol, yumi mas lukaftarem olketa gudfala. An sapos yumi garem spesol paoa fo sore an kaen long pipol, yumi mas duim nomoa an hapi long hem.

1 Korin 15:58

Olketa gudfala fren blong mi, from diswan yufala mas stanap strong an no seksek olobaot. Olowe, yufala mas go-gohed strong fo duim waka blong Masta. Yufala save finis wea no enisamting wea yufala duim long waka blong Masta hemi save lus nating.

2 Korin 1:17

?Waswe, yufala tingse mi toktok nating nomoa bikos mi no falom disfala plan blong mi ya? Nomoa. Mi no mekem plan falom wanem mi seleva laekem nomoa, an mi no save talem “Yes” an “No” long semtaem.

2 Korin 6:1

Mifala waka tugeta wetem God, an askem strong long yufala fo no tekem olsem samting nating, disfala kaenfala lav wea God hemi somaot long yufala.

Diutronomi 10:20

Yufala mas tinghae long Yawe, God blong yufala, an obeim olketa samting wea hemi talem. Yufala mas tinghevi nomoa long hem. An olketa promis wea yufala mekem, yufala mas mekem long nem blong hem nomoa.

Kolosi 1:6

Gudnius ya hemi gohed yet fo goaot long evri ples long wol, an hemi gohed fo mekem olketa gudfala samting kamap long laef blong pipol. An Gudnius hemi bin gohed fo duim diswan long midol long yufala tu, stat taem yufala herem abaotem kaenfala lav blong God an yufala barava luksave long tru mining blong hem.

2 Timoti 3:10

Bat yu nao, yu luksave finis long tising blong mi an long laef blong mi an long olketa samting wea mi wande duim. Yu luksave finis long biliv blong mi, an long wei wea mi kaen gudfala, an long wei wea mi lavem evriwan, an long wei wea mi stanap strong long hadtaem.

Josua 22:5

Taem yufala gobaek, yufala mas no foget fo obeim olketa strongfala toktok wea Mosis, wakaman blong Yawe, hemi bin givim finis fo yumi. Hemi talem dat yumi mas lavem Yawe, God blong yumi, an falom olketa wei blong hem, an obeim olketa toktok blong hem, an trastem hem, an yusim evri tingting blong yumi fo duim olketa waka blong hem.”

Josua 23:8

Yufala mas tinghevi long Yawe olsem wea yufala bin du-duim kam kasem tude.

1 Pita 5:12

Saelas nao hemi helpem mi fo raetem disfala sot leta fo yufala. Hemi wanfala Kristin brata wea mi save trastem hem tumas. Long disfala leta mi wande strongim moa tingting blong yufala, an talem yufala abaotem barava kaenfala lav blong God. Hem nao yufala mas stanap strong long hem.

1 Jon 2:28

Olketa pikinini blong mi, yufala mas stap joen wetem Kraes olowe, mekem taem hemi kambaek moa, bae yumi barava lukim hem, an yumi no nid fo filsem o seksek long hem.

3 Jon 1:4

Taem mi herem dat olketa pikinini blong mi i gohed fo falom tru toktok, mi barava hapi tumas. No enisamting moa save mekem mi hapi winim diswan.

Jiud 1:4

Mi raet go long yufala olsem, bikos samfala pipol olketa bin kamhaed fo joen wetem yumi long sios. Olketa ya no barava biliv long God. Olketa sensim tru tising abaotem kaenfala lav blong God wea hemi mekem yumi fri, fo laea tising wea olketa sei yumi fri fo duim enikaen ravis samting. An olketa les long Jisas Kraes, wea hem nomoa hemi King an Masta blong yumi. Longtaem bifoa, Buktambu hemi talemaot finis disfala panis wea bae hemi kasem olketa pipol olsem.