Aposol 11:21 - Pijin Bible

²¹ Paoa blong Masta hemi stap wetem olketa, an go-go plande long olketa pipol ya i biliv an olketa stat fo falom Masta nao.

Pijin Deuterocanon

²¹ Paoa blong Masta hemi stap wetem olketa, an go-go plande long olketa pipol ya i biliv an olketa stat fo falom Masta nao.

Aposol 11:21 Iomraidhean Croise

2 Kronikols 30:12

An God hemi mekem olketa long Jiuda fo garem wanmaen nomoa fo kam, an falom evri toktok blong Yawe wea king an olketa bikman blong hem i talem.

Esra 8:18

Bikos God blong yumi hemi blesim mifala tumas, olketa sendem Serebaea hu hemi wanfala man wea hemi garem save. Serebaea ya, hemi long laen blong Mali, hu hemi wanfala grani blong Livae, san blong Jekob. Olketa sendem tu samfala long olketa san blong hem, an samfala long olketa wantok blong hem, wea namba blong olketa wetem Serebaea hemi kasem eitin.

Nehemaea 2:18

An mi talem olketa wea God blong mi hemi blesim mi tumas, wetem olketa toktok wea king hemi bin talem long mi. Nao olketa tok olsem, “Yumi mas statem waka ya.” An olketa mekredi fo statem waka ya.

Nehemaea 2:8

An sapos yu tingting hemi gud, plis yu raetem wanfala leta moa go long Asaf, hu hemi man fo lukaftarem olketa tri long bus blong yu, mekem hemi katem olketa bikfala timba fo wakembaek moa olketa doa blong strongfala sefples wea hemi fo gadem Tambuhaos blong God, wetem olketa geit long bikfala wolston blong taon ya, an fo wakem tu wanfala haos wea mi save stap long hem.” Nao bikos God blong mi hemi blesim mi tumas, king ya hemi duim evrisamting wea mi askem.

Aesaea 53:1

Olketa pipol i tok olsem, “?Hu nao save bilivim disfala mesij blong mifala? ?Hu nao save luksave long disfala wei wea Yawe hemi somaot paoa blong hem?

Aesaea 59:1

(Profet) !Olketa pipol blong mi! Yufala mas no tingse wea Yawe hemi no garem paoa fo sevem yufala, o hemi no herem yufala taem yufala krae go long hem fo hemi helpem yufala.

Gudnius abaotem Jisas Kraes wea Luk hemi raetem 1:66

An evriwan hu olketa herem diswan olketa tingting abaotem an olketa sei, “?Bae pikinini ya hemi kamap olsem wanem nao ya?” Olketa tok olsem bikos olketa barava save nao dat paoa blong God hemi stap long pikinini ya.

Aposol 11:24

Banabas hemi wanfala gudfala man, wea Holi Spirit hemi barava stap wetem hem an hemi garem strongfala biliv. An taem ya, plande pipol moa olketa stat fo biliv long Masta.

Aposol 15:19

Jemes hemi gohed fo tok moa olsem, “Long tingting blong mi, yumi mas no mekem hem had tumas fo olketa pipol hu i no Jiu taem olketa stat fo falom God.

Aposol 2:47

An oltaem olketa gohed fo preisim God, an olketa pipol olketa gohed moa fo tinghae long olketa. An long evri de nomoa, Masta hemi sevem samfala pipol moa wea hemi joenem olketa kam long seksin blong olketa.

Aposol 4:4

Bat plande pipol hu olketa herem toktok blong tufala, olketa barava bilivim nao. An olketa pipol hu i biliv ya, olketa go kasem samting olsem 5,000 distaem.

Aposol 5:14

Bat plande tumas long olketa man an woman olketa biliv long Masta, an olketa kam joenem olketa.

Aposol 6:7

Toktok blong God hemi go-gohed fo go kasem plande ples tumas nao. An olketa disaepol long Jerusalem olketa go-gohed fo kamap plande tumas moa. An plande long olketa prist tu olketa stat fo biliv long Jisas.

Aposol 9:35

An bihaen, evriwan hu i stap long Lida an long eria long Saron olketa stat fo biliv long Masta taem olketa lukim Aenias.

1 Tesalonaeka 1:5

Taem mifala tekem go disfala Gudnius long yufala, mifala no toktok nating nomoa, bat Holi Spirit hemi mekem olketa mirakol tu. Mifala somaot dat mifala barava biliv strong long Gudnius. An taem mifala stap wetem yufala, yufala luksave finis long olketa gudfala samting wea mifala duim wea hemi fo helpem yufala.