Aposol 10:12 - Pijin Bible

¹² Insaet long sitbed ya hemi garem evrikaen animol wetem evrikaen lisad an snek an evrikaen bed moa.

Pijin Deuterocanon

¹² Insaet long sitbed ya hemi garem evrikaen animol wetem evrikaen lisad an snek an evrikaen bed moa.

Aposol 10:12 Iomraidhean Croise

Aesaea 65:25

Ya, long datfala taem, bae olketa wael dog wetem olketa smolfala sipsip save kaikai tugeta nomoa, an olketa laeon bae i save kaikaim nomoa gras olsem olketa buluka. Bat olketa poesen snek bae i gohed fo kaikaim nomoa dast long graon. Ya, antap long Tambu Maonten blong mi ya long Saeon, no eni nogud samting o enisamting wea hemi save spoelem man bae hemi stap moa long hem.” Hem nao toktok blong Yawe.

Levitikas 11:20

“An olketa inseks wea i save flae an wea i save wakabaot long lek blong olketa, yufala mas save dat olketa inseks ya i barava nogud tumas.

Gudnius abaotem Jisas Kraes wea Jon hemi raetem 7:37

Long las de blong olketa bikde ya, wea hemi bikfala moa winim eni nara de long wik ya, Jisas hemi stanap nomoa an hemi toktok bikfala olsem nao, “Sapos eniwan hemi laek fo dring, hemi mas kam fo dring long mi.

Aposol 10:11

Hemi lukim skae hemi open an wanfala samting olsem bikfala sitbed hemi ka-kamdaon long graon. Hemi luk olsem samwan i holem fofala kona blong hem an mekem hem fo kamdaon.

Aposol 10:13

An Pita hemi herem wanfala toktok olsem, “Nao Pita, yu kilim dae olketa ya an yu kaikaim.”

Aposol 11:6

Mi luk go insaet long hem, an mi lukim enikaen animol wea olketa stap long vilij wetem olketa wael animol an olketa lisad an snek an evrikaen bed tu.

Leta wea Pol hemi raetem go long sios long Rom 1:23

Olketa lusim finis disfala wei fo mekhae long God hu hemi laef olowe. An olketa wakem olketa kaving wea i luk olsem man, an olketa wakem olketa kaving wea i luk olsem bed an snek an enikaen animol moa, an gohed fo wosipim olketa.