Aposol 1:15 - Pijin Bible

¹⁵ Bihaen samfala de i gopas finis, kolsap 120 long olketa hu i biliv, olketa hipap tugeta. Nao Pita hemi stanap an hemi tok olsem,

Pijin Deuterocanon

¹⁵ Bihaen samfala de i gopas finis, kolsap 120 long olketa hu i biliv, olketa hipap tugeta. Nao Pita hemi stanap an hemi tok olsem,

Aposol 1:15 Iomraidhean Croise

Matiu 13:31

Jisas hemi talem moa narafala tokpiksa olsem, “Kingdom long Heven, hemi olsem wanfala sid blong mastad tri wea wanfala man hemi plantem insaet long gaden blong hem.

Gudnius abaotem Jisas Kraes wea Luk hemi raetem 22:32

Bat mi bin prea fo yu Saemon, mekem yu no lusim biliv blong yu. An taem yu tanebaek kam long mi, yu mas gohed fo helpem olketa brata blong yu fo kamap strong moa.”

Gudnius abaotem Jisas Kraes wea Jon hemi raetem 14:12

Mi talem yufala tru samting nao, man hu hemi biliv long mi, bae hemi duim tu olketa waka wea mi duim ya. An bae hemi duim olketa bikfala waka moa winim olketa waka blong mi ya, bikos bae mi go an stap wetem Dadi ya.

Gudnius abaotem Jisas Kraes wea Jon hemi raetem 21:23

Nao wanfala stori hemi stat fo goraon olobaot long evriwan hu i falom Jisas. Olketa sei disfala disaepol ya bae hemi no save dae nao ya. Bat Jisas hemi no sei man ya bae hemi no save dae. Hemi sei nomoa, “Nomata sapos mi laekem hem fo stap laef nomoa go-go kasem taem mi kambaek, bae yu no wari long hem.”

Aposol 10:23

Pita hemi talem trifala man ya fo kam insaet long haos fastaem, an olketa slip long naet ya nao. Long neks de, Pita hemi redim evrisamting, an hemi go wetem trifala man ya nao. An samfala long olketa Kristin long Jopa olketa go wetem olketa tu.

Aposol 11:1

Olketa aposol wetem olketa nara Kristin hu i stap evriwea long provins ya long Jiudia, olketa herem nao wea olketa hu i no Jiu olketa tu i biliv long toktok blong God.

Aposol 11:12

An Holi Spirit hemi talem mi fo no fraet fo go wetem olketa. So disfala siksfala Kristin nao olketa joenem mi fo go kasem Sisaria, go-go mifala kasem insaet long haos blong man ya nao.

Aposol 11:26

Taem hemi faendem hem, hemi tekem hem kambaek moa long Antiok. An long wanfala ful yia nao, Banabas an Sol tufala stap tugeta wetem olketa long sios, an tufala gohed fo tisim plande pipol tumas ya. Long Antiok nao hemi fas ples wea olketa stat fo kolem olketa disaepol long disfala nem Kristin.

Aposol 11:29

So olketa disaepol i agri nao fo helpem olketa Kristin fren hu i stap long Jiudia, falom haomas seleni eniwan hemi garem fo sendem go.

Aposol 12:17

So Pita hemi mekem saen long olketa, mekem olketa lisin gudfala, an bihaen, hemi gohed fo stori long olketa abaotem hao God hemi bin tekem hem aot from prisin. Finis, hemi talem olketa fo stori abaotem diswan long Jemes an long olketa nara Kristin moa. An bihaen, hemi lusim olketa an hemi go long wanfala deferen ples moa.

Aposol 14:2

Bat samfala Jiu hu olketa nating biliv, olketa stori wetem olketa pipol hu i no Jiu, mekem olketa kros tumas an mekem olketa go agensim olketa Kristin.

Aposol 15:1

Samfala man blong Jiudia olketa kam kasem Antiok, an olketa stat fo tisim olketa Kristin an sei, “Sapos yufala no kate olsem Lo blong Mosis hemi talem yumi mas duim, bae God hemi nating save sevem yufala ya.”

Aposol 15:3

Olketa long sios i helpem olketa long gogo blong olketa, an olketa wakabaot gopas long provins long Fonisia an long provins long Samaria. An olketa talemaot hao plande pipol hu i no Jiu olketa bin stat fo biliv long Jisas. An olketa Kristin long olketa ples ya olketa barava hapi fogud fo herem diswan.

Aposol 16:2

Olketa Kristin long Listra an Aekoniam olketa tinghae tumas long hem,

Aposol 16:40

Taem Pol an Saelas tufala kamaot from prisin, tufala go stret long haos blong Lidia nao. An tufala mitim olketa Kristin an stori wetem olketa, mekem tingting blong olketa filgud moa. An bihaen nomoa, tufala lusim taon ya nao.

Aposol 17:10

Semtaem long naet nomoa, olketa Kristin i sendem Pol an Saelas tufala go haed long taon long Berea. An taem tufala kasem Berea, tufala go long preahaos blong olketa Jiu nao.

Aposol 17:14

So semtaem nomoa, olketa Kristin olketa sendem Pol godaon long saet si fo hemi sel go long wanfala sip. Bat Saelas an Timoti tufala stap nomoa long Berea.

Aposol 17:6

Bat taem olketa no faendem tufala ya, olketa kasholem nomoa Jeson an samfala nara Kristin moa, an olketa pulum olketa go stanap long frant blong olketa bikman blong taon ya. An olketa singaot bikfala olsem, “Tufala man wea tufala bin mekem tumas trabol long evri ples finis, tufala kam kasem taon blong yumi nao.

Aposol 18:18

Nao Pol hemi stap fo lelebet longtaem wetem olketa Kristin long Korin, an bihaen, hemi wakabaot go kasem taon long Senggria. An taem hemi katemsot hea blong hem finis fo makem wanfala promis wea hemi bin mekem, hemi go moa long wanfala sip an hemi stat fo sel gobaek long Siria. An taem ya, Prisila an Akuila tu tufala go wetem hem.

Aposol 18:27

Nao bihaen, taem Apolos hemi wande fo katkros go long provins long Akaea, olketa Kristin long Efesas olketa helpem hem nao. Olketa raetem leta go long olketa Kristin long Akaea fo talem olketa fo lukaftarem hem gudfala. An taem Apolos hemi kasem Akaea, hemi helpem tumas olketa pipol wea God hemi bin somaot kaenfala lav blong hem fo olketa mekem olketa biliv.

Aposol 21:17

Taem mifala kasem Jerusalem, olketa Kristin i barava hapi tumas fo lukim mifala.

Aposol 21:20

Olketa preisim God nao taem olketa herem toktok blong Pol, an bihaen, olketa tok olsem long hem, “Brata, yu save dat plande taosen Jiu nao olketa biliv long Jisas finis, an olketa evriwan ya olketa falom tumas Lo blong Mosis.

Aposol 21:7

Nao sip ya hemi sel goaot from Taea an go-go mifala kam kasem taon long Tolemes nao. So mifala go lukim olketa Kristin, an mifala stap wetem olketa fo wanfala de.

Aposol 22:5

Haeprist an evriwan blong Kansol olketa save talemaot nomoa dat diswan hemi tru ya. Olketa nao i givim mi olketa leta wea olketa raetem go fo olketa wantok blong yumi long Damaskas. An mi nao mi wakabaot go fo kasem Damaskas an kasholem olketa pipol olsem. Mi laek fo putum sen long olketa an tekem olketa kam long Jerusalem, mekem olketa panis.

Aposol 28:14

An long taon ya mifala lukim samfala Kristin hu olketa askem mifala fo stap wetem olketa fo wanfala wik. An bihaen nao, mifala wakabaot go fo kasem Rom.

1 Korin 15:6

An bihaen ya, hemi somaot hem seleva long winim 500 Kristin long semtaem nomoa. Plande long olketa pipol ya olketa laef yet distaem, nomata samfala long olketa i dae finis.

Revelesin 11:13

An long semtaem nomoa, bikfala etkuek hemi sekem graon nao. An long bikfala taon ya, wanfala smolfala haf long hem hemi barava nogud, an 7,000 pipol nao olketa dae long etkuek ya. An olketa nara pipol olketa barava fraet fogud nao, an olketa gohed fo preisim nem blong God long heven.

Revelesin 3:4

‘Bat samfala pipol long yufala long Sadis olketa lukaftarem kaleko blong olketa, mekem olketa no doti. Olketa nao bae werem waet kaleko an bae olketa wakabaot wetem mi, bikos olketa nao fitim diswan from gudfala waka blong olketa.