Aposol 1:14 - Pijin Bible

¹⁴ Evriwan long olketa wetem samfala woman moa, an Meri hu hemi mami blong Jisas an olketa brata blong Jisas tu, olketa save joen tugeta fo prea oltaem.

Pijin Deuterocanon

¹⁴ Evriwan long olketa wetem samfala woman moa, an Meri hu hemi mami blong Jisas an olketa brata blong Jisas tu, olketa save joen tugeta fo prea oltaem.

Aposol 1:14 Iomraidhean Croise

Matiu 12:46

Taem Jisas hemi go-gohed fo toktok yet long olketa pipol ya, mami blong hem an olketa brata blong hem olketa kam nao. Olketa stanap nomoa long aotsaet, an olketa laekem tumas fo toktok wetem hem.

Matiu 21:22

Sapos yufala biliv long God an yufala prea go long hem, bae hemi save givim yufala enisamting nomoa wea yufala askem.”

Matiu 27:55

An plande woman tu olketa stanap farawe lelebet an olketa lukluk go nomoa. Olketa bin go wetem Jisas stat kam long Galili nao, an olketa bin helpem hem tumas.

Gudnius abaotem Jisas Kraes wea Mak hemi raetem 15:40

An samfala woman tu olketa stanap farawe lelebet an lukluk go nomoa. Samfala long olketa nao, Meri blong Magdala, an Salome, an Meri hu hemi mami blong yangfala Jemes an Joses.

Gudnius abaotem Jisas Kraes wea Mak hemi raetem 16:1

Taem Sabat de hemi finis nomoa, Meri blong Magdala an Salome an Meri mami blong Jemes, olketa go fo peim insens fo putum long bodi blong Jisas nao.

Gudnius abaotem Jisas Kraes wea Luk hemi raetem 11:13

Nomata yufala nogud olsem wanem, yufala save givim olketa gudfala samting long olketa pikinini blong yufala nomoa. So Dadi blong yufala long heven wea hemi winim evriwan nao, bae hemi givim Holi Spirit long eniwan hu askem hem.”

Gudnius abaotem Jisas Kraes wea Luk hemi raetem 18:1

Bihaen, Jisas hemi talem wanfala tokpiksa long olketa disaepol blong hem fo tisim olketa wea olketa mas no wikdaon bat gohed fo prea olowe.

Gudnius abaotem Jisas Kraes wea Luk hemi raetem 23:49

An evriwan wea olketa savegud long Jisas, wetem olketa woman ya hu i go wetem hem stat kam long Galili, olketa stanap farawe kam nomoa an olketa lukluk long evrisamting wea hemi gohed.

Gudnius abaotem Jisas Kraes wea Luk hemi raetem 23:55

An olketa woman hu i bin go wetem Jisas stat kam long Galili, olketa go wetem Josef an olketa lukim kev ya an olketa lukim hao olketa putum bodi blong Jisas insaet long hem.

Gudnius abaotem Jisas Kraes wea Luk hemi raetem 24:10

An olketa woman wea olketa talem samting ya long olketa aposol ya nao, Meri blong Magdala, Joana, Meri hu hemi mami blong Jemes, an samfala woman moa.

Gudnius abaotem Jisas Kraes wea Luk hemi raetem 24:33

So tufala getap long semtaem, an tufala hariap an gobaek moa long Jerusalem. Nao long ples ya, tufala lukim olketa levenfala disaepol an olketa nara pipol hu olketa hipap tugeta,

Gudnius abaotem Jisas Kraes wea Luk hemi raetem 24:53

An evritaem nomoa, olketa stap insaet long Tambuhaos ya, an olketa gohed fo preisim God.

Gudnius abaotem Jisas Kraes wea Luk hemi raetem 8:20

Nao olketa pipol ya olketa talem long Jisas olsem, “Mami blong yu wetem olketa brata blong yu olketa stanap aotsaet ya, an olketa laekem tumas fo lukim yu.”

Aposol 2:1

Taem hemi kasem disfala Bikde blong Pentekos, olketa ya hu i biliv long Jisas olketa hipap evriwan long wanfala haos.

Aposol 2:42

An olketa save strong oltaem fo lisin long olketa toktok blong olketa aposol, an fo helpem olketa long seksin blong olketa, an fo kaikai tugeta, an fo prea tugeta.

Aposol 2:46

Long evri de, olketa save hipap tugeta long disfala Tambuhaos blong God. An olketa gohed fo kaikai tugeta long olketa deferen haos blong olketa, an olketa save hapi tumas, an olketa save helpem eniwan long kaikai nomoa.

Aposol 6:4

Bat mifala, bae mifala save gohed oltaem nomoa fo prea an fo talemaot toktok blong God.”

Leta wea Pol hemi raetem go long sios long Rom 12:12

Yufala mas hapi oltaem long olketa samting wea God hemi promisim yufala. Taem trabol hemi kam, yufala mas stap kuaet nomoa, an yufala mas gohed fo prea oltaem.

1 Korin 14:13

So eniwan hu hemi garem paoa fo toktok long olketa spesol kaen langguis, hemi mas askem God fo disfala paoa fo talemaot mining blong toktok ya.

Efesas 6:18

Taem yufala duim olketa samting ya, yufala mas prea an askem God fo helpem yufala. An yufala mas prea oltaem long paoa blong Holi Spirit. So yufala mas lukaot gudfala an no givap fo prea oltaem fo evri pipol blong God.

Kolosi 4:2

Yufala mas no taet fo prea olowe. An taem yufala prea, yufala mas tingting gudfala an gohed fo talem tengkiu long God.