Aesaea 8:4 - Pijin Bible

⁴ Taem wea pikinini ya hemi no save talem yet, ‘Mami’ o ‘Dadi’, king blong Asiria bae hemi kam faetem olketa pipol blong Damaskas an Samaria. An bae hemi tekem evri gudfala samting blong tufala taon ya wea olketa winim bifoa long faet.”

Pijin Deuterocanon

⁴ Taem wea pikinini ya hemi no save talem yet, ‘Mami’ o ‘Dadi’, king blong Asiria bae hemi kam faetem olketa pipol blong Damaskas an Samaria. An bae hemi tekem evri gudfala samting blong tufala taon ya wea olketa winim bifoa long faet.”

Aesaea 8:4 Iomraidhean Croise

2 Kings 15:29

Long datfala taem, King Tiglat-Pilesa blong Asiria hemi kam fo faet long Israel. Hemi winim olketa taon long Ijon, an Abel-Bet-Maaka, an Janoa, an Kedes, an Hasoa, an olketa vilij blong tufala eria blong Gilead an Galili, an long distrik long Naftali. Hemi tekova long olketa ples ya, an hemi fosim olketa pipol fo go long Asiria.

2 Kings 16:9

An taem king blong Asiria hemi herem mesij ya, hemi sendem ami blong hem godaon long Siria long taon long Damaskas. Olketa faet long taon ya an tekova long hem. Den olketa kilim dae King Resin, an fosim olketa pipol blong Damaskas fo go stap long Kia.

2 Kings 17:3

Long datfala taem, King Salmanesa blong Asiria hemi kam faetem hem, an hemi kontrolem King Hosea an mekem hem peim bikfala taks go long hem.

Aesaea 17:1

Hem ya profesi abaotem Siria. Yawe nao hemi tok olsem, “Nomata Damaskas hemi wanfala bikfala taon, bat bae hemi kamap wanfala bikfala hip ravis nomoa.

Aesaea 17:3

Long Israel, evri taon wea hemi garem bikfala wolston bae hemi brekdaon finis. An long Damaskas wea hemi kapitol blong Siria, rul blong king bae hemi finis tu. Smolfala haf long olketa pipol blong Siria hu i laef yet, wanem hemi bin hapen long disfala bikfala nem blong olketa pipol blong Israel, bae hemi hapen long olketa tu.” Hem nao mesij blong Yawe hu hemi garem evri paoa.

Aesaea 28:4

Taon long Samaria wea hemi stap antap long gudfala vali ya, hemi luk naes tumas olsem wanfala kraon long flaoa. Bat bae hemi lus finis olsem olketa fas frut blong fig tri, wea taem olketa pipol i lukim, olketa tekem an kaikaim nao.

Aesaea 8:5

Yawe hemi tok moa olsem long mi,

Emos 1:3

Yawe hemi tok olsem, ?Bikos olketa pipol long Damaskas i gohed fo sin olowe nomoa, mi mas talem tru long yufala wea bae mi panisim olketa from disfala ravis wei blong olketa. Bikos olketa mekem olketa pipol blong Gilead fo safa tumas, an barava spoelem olketa fogud,

Emos 1:5

Bae mi brekem olketa geit long bikfala wolston blong taon long Damaskas. Bae mi kilim dae evriwan, stat long olketa pipol go-go kasem king, an evriwan, stat long Aven vali go-go kasem taon long Bet-Eden. An bae mi fosim olketa pipol blong Siria fo lusim lan blong olketa an gobaek long Kia wea hemi lan blong olketa olo grani blong olketa bifoa.? Hem nao toktok blong Yawe.

Jona 4:11

Tri ya wea yu sore long hem, hemi smolfala tumas. Bat disfala taon long Nineve hemi bikfala tumas, an winim 120,000 pipol nao i stap long hem. Tingting blong olketa hemi olsem nomoa smolfala pikinini hu hemi no save yet wanem hemi gud o wanem hemi nogud, an plande animol tu i stap long ples ya. ?Waswe, yu barava tingse hemi no fitim fo mi sore long olketa ya?”

Leta wea Pol hemi raetem go long sios long Rom 9:11

Bat God hemi laek fo falom plan blong hem an hemi siusim wanfala long tufala pikinini ya. Taem tufala no bon kam yet an tufala no duim enisamting gud o nogud,

Diutronomi 1:39

“Den Yawe hemi tok moa olsem long yufala long datfala taem, ‘Olketa smolfala pikinini blong yufala i nating fit yet fo luksave long wanem hemi stret an wanem hemi rong, an yufala bin sei wea bae olketa enemi save kilim olketa. Bat wea, olketa nao bae i go insaet long lan ya. Bae mi givim lan long olketa, mekem olketa stap long hem, an onam.