Aesaea 8:22 - Pijin Bible

²² An taem olketa luk godaon fo help, bat no eni help nomoa hemi kam. Olketa lukim nomoa trabol long evri ples, olsem wea tudak hemi kavaremap disfala lan. An bae God hemi torowem olketa godaon long disfala ples wea hemi tudak tumas.

Pijin Deuterocanon

²² An taem olketa luk godaon fo help, bat no eni help nomoa hemi kam. Olketa lukim nomoa trabol long evri ples, olsem wea tudak hemi kavaremap disfala lan. An bae God hemi torowem olketa godaon long disfala ples wea hemi tudak tumas.

Aesaea 8:22 Iomraidhean Croise

Stori abaotem Job 18:18

God bae hemi aotem hem from disfala wol wea hemi laet, an mekem hem go long ples wea hemi tudak.

Eksodas 10:21

Yawe hemi tok moa olsem long Mosis, “Yu liftimap han blong yu goap long skae, an evri ples long Ijip bae hemi kamap tudak finis. Tudak ya bae hemi barava dak fogud, wea hemi winim enisamting wea hemi blak.”

Eksodas 10:22

So Mosis hemi liftimap han blong hem goap long skae, nao bikfala tudak hemi kavaremap evriwea long kantri ya, an hemi gohed fo stap olsem fo trifala de.

Provebs 14:32

Taem trabol hemi kam, ravis man hemi foldaon finis. Bat nomata stretfala man hemi dae, hemi garem sefples long God.

Aesaea 30:6

(Profet) Hem ya profesi abaotem olketa wael animol long Negev, wea hemi long saet long saot blong Jiuda. Yawe hemi tok olsem, “Disfala lan hemi wanfala barava drae eria wea olketa laeon an olketa poesen snek i stap long hem. Long lan ya olketa man fo tekem mesij i gotru long hem, an olketa karim go olketa risis an olketa gudfala samting antap long baeksaet blong olketa dongki an olketa kamel. Olketa tekem olketa samting ya fo givim olsem presen go long datfala yusles kantri Ijip, mekem olketa ya save helpem yufala.

Aesaea 5:30

Long taem ya, bae olketa mekem noes olsem saon blong bikfala wev wea hemi brek long rif long taem blong saekloun. An sapos eniwan hemi kam long kantri ya blong yufala, bae hemi lukim bikfala trabol nomoa. !Ya, bae hemi olsem wea tudak hemi kavaremap finis taem blong delaet!

Aesaea 50:11

Bat yufala hu i trae fo mekem laet fo yufala seleva long wei wea yufala planem fo spoelem olketa narafala pipol, bae faea from laet ya nomoa bae hemi spoelem yufala. Bae Yawe nao hemi mekem olketa samting ya fo hapen. An wanfala bikfala trabol nao bae hemi kasem yufala.

Aesaea 50:3

An mi save mekem skae fo kamap tudak tumas, olsem taem wea man hemi krae tumas fo wanfala man hu hemi dae.”

Aesaea 59:9

Olketa pipol i tok olsem long Yawe, “Distaem, mifala jes save nao wanem hemi stopem yu fo no sevem mifala from paoa blong olketa hu i mekem mifala safa. Mifala laekem tumas fo wakabaot long delaet, bat tudak nomoa hemi stap.

Aesaea 60:2

!Yufala lukim! Tudak hemi kavaremap olketa narafala ples long wol, bat saen long bikfala paoa blong Yawe hemi saen kam long yufala. Ya, bikfala laet ya hemi somaot, bikos hemi stap wetem yufala.

Aesaea 8:20

Yufala mas lisin long olketa toktok wea Yawe hemi tisim yufala long hem. Olketa pipol hu i no falom disfala tising i olsem olketa hu i stap insaet long tudak.

Aesaea 9:1

(Profet) Nomata olsem, disfala lan wea bikfala trabol hemi stap long hem, bae tudak hemi no gohed olowe. Long bifoa, Yawe hemi mekem olketa long traeb blong Sebulun, an long traeb blong Naftali fo garem bikfala sem. An nem long ples blong olketa bae hemi kamap nogud tumas. Bat long taem wea bae hemi kam, bae Yawe hemi mekhae moa long nem blong ples ya wea olketa kolem, Galili, wea plande pipol hu i no Jiu i stap long hem. Hemi stat kam long Mediterenian Si, go-go kasem olketa ples narasaet go long Jodan Riva.

Aesaea 9:20

Wei blong olketa fo faet an kilim man dae, bae hemi spoelem evrisamting. Nomata olsem, olketa nating hapi. Ya, hemi olsem wea olketa kaikaim evrisamting from olketa wantok blong olketa, bat olketa nating fulap nomoa.

Jeremaea 13:16

Yufala mas tinghae long Yawe, hu hemi God blong yufala. Ya, yufala mas mekhae long Yawe bifoa hemi mekem tudak fo kam, wea yufala bangam lek blong yufala taem yufala wakabaot long olketa maonten. Yufala laekem tumas fo laet hemi kam, bat bae hemi mekem tudak fo kam, wea yufala kanduit lukim enisamting.

Jeremaea 23:12

From samting ya nao, bae mi panisim olketa, mekem rod blong olketa hemi slipri, an bae mi torowem olketa go aotsaet long tudak, mekem olketa foldaon. Long taem wea mi panisim olketa ya, bae mi mekem bikfala trabol fo kasem olketa.” Hem nao mesij blong Yawe.

Matiu 22:13

Nao king ya hemi sei long olketa wakaman blong hem, ‘!Yufala kam an taemap han an lek blong man ya, an yufala go torowem hem long dak ples aotsaet! Long ples ya bae hemi go-gohed fo krae nomoa an sore bikfala nao.’”

Matiu 24:29

An Jisas hemi sei moa, “Bihaen disfala taem blong bikfala trabol ya nomoa, san bae hemi stat fo dak nao, an mun tu bae hemi no save saen kam. An olketa sta long skae bae olketa foldaon, an evri strongfala samting long skae bae olketa seksek olobaot.

Matiu 8:12

Bat olketa pipol hu God hemi siusim olketa fastaem fo stap insaet long kingdom long Heven, bae hemi raosim olketa fo go aotsaet moa, go kasem ples wea hemi dak tumas. An long ples ya nao, bae olketa go-gohed fo krae nomoa an sore bikfala.”

Jiud 1:13

Olketa pipol olsem ya, olowe nomoa yumi save lukim olketa ravis wei blong olketa. Olketa olsem olketa wev long si wea olketa save tekem kam plande ravis samting nomoa olobaot long soa. An olketa olsem olketa sta wea olketa lusim barava ples blong olketa. God hemi makem finis wanfala ples wea hemi tudak tumas, fo olketa stap long hem olowe.

Revelesin 16:10

Nao mekfaev enjel hemi go kapsaetem baol blong hem antap long ples wea wael animol hemi stap king long hem. An evri ples wea wael animol ya hemi rul ovarem, i kamap tudak nao. An olketa pipol long olketa ples ya i gohed fo baetem tang blong olketa bikos olketa barava filpein long bodi blong olketa.