Aesaea 8:14 - Pijin Bible

¹⁴ Bae mi nao mi olsem wanfala sefples fo yufala. Bat bae mi kamap olsem wanfala bikfala ston wea tufala laen ya blong Israel i save bangam lek blong olketa long hem an foldaon. Bae mi olsem tu wanfala trap fo kasholem olketa, an plande pipol long Jerusalem nao bae i foldaon long hem.

Pijin Deuterocanon

¹⁴ Bae mi nao mi olsem wanfala sefples fo yufala. Bat bae mi kamap olsem wanfala bikfala ston wea tufala laen ya blong Israel i save bangam lek blong olketa long hem an foldaon. Bae mi olsem tu wanfala trap fo kasholem olketa, an plande pipol long Jerusalem nao bae i foldaon long hem.

Aesaea 8:14 Iomraidhean Croise

Sams 11:6

Bae hemi sendem kamdaon faea wetem olketa hot ston, fo bonem olketa ya finis. An bae hemi panisim olketa long win wea hemi barava hot fogud.

Sams 140:5

Olketa praod pipol ya i planem finis fo kasholem mi. Ya, olketa redi finis fo kasholem mi, olsem olketa man i redim net fo kasem fis.

Sams 69:22

Plis, yu kasholem olketa enemi ya, taem olketa sidaon long olketa bikfala fist blong olketa. An, yu panisim olketa mekem olketa barava nogud tumas.

Provebs 18:10

Nem blong Yawe hemi olsem wanfala sefples, olketa stretfala pipol save go haed long hem.

Aesaea 25:4

Oltaem long taem blong trabol, olketa pua pipol wetem olketa hu i no garem paoa, bae i ranawe kam long yu fo haed. Yu nao yu olsem sefples long taem blong stom, an yu nao yu olsem sado long taem blong biksan, bikos olketa hu i mekem narafala pipol safa, i olsem barava strongfala ren agensim wol,

Aesaea 26:20

(Profet) !Olketa pipol blong mi! !Yufala go insaet long haos blong yufala an satem doa! Yufala go an haed fo lelebet taem go-go kros blong Yawe hemi finis.

Aesaea 28:16

Dastawe nao Lod Yawe hemi tok olsem, “Distaem mi putum wanfala strongfala faondesin long Saeon wea hemi nating save muv. Taem mi mekem haos ya, mi putum wanfala spesol ston long kona long faondesin blong hem wea hemi nambawan ston fo sapotem haos ya. Man hu hemi trastem disfala spesol ston, bae hemi no save seksek.

Aesaea 4:6

Disfala bikfala paoa blong hem bae hemi mekem ples ya fo kamap wanfala gudfala sefples, an nomata bikfala san o ren o saekloun bae hemi no save kasem olketa pipol fo spoelem olketa.

Aesaea 59:10

Mifala go olobaot nao olsem olketa pipol hu i blaen. Nomata mifala wakabaot long midol long de, bat mifala foldaon nomoa olsem man hemi wakabaot long midol long naet. Nomata sapos mifala stap wetem olketa hu i strong, bat mifala olsem nomoa pipol hu i dae finis.

Aesaea 7:16

Bat bifoa taem ya hemi finis, bae mi spoelem tufala king ya wea yu fraetem tumas, wetem evri pipol blong tufala.

Jeremaea 6:21

Dastawe nao Yawe hemi tok olsem, “Bae mi putum bikfala samting long rod blong olketa fo stopem olketa. Bae olketa dadi wetem olketa pikinini evriwan i bangam lek long hem an foldaon, an olketa wantok an olketa fren, bae olketa evriwan i dae.”

Esikiel 11:16

From disfala samting nao, yu mas talem olketa olsem, ‘Lod Yawe nao hemi tok olsem: Nomata mi sendem olketa aot fo stap olobaot long lan blong olketa narafala kantri ya, bat fo lelebet taem nomoa, mi stap yet wetem olketa olsem tambuples fo olketa.’

Esikiel 3:20

“An sapos wanfala stretfala man hemi tane from gudfala wei blong hem an duim olketa ravis samting, an yu no tok nomoa long hem fo sensim ravis wei blong hem, bae hemi dae nao long sin blong hem. Bae mi no tingim moa olketa stretfala samting wea hemi bin duim, an bae mi panisim yu nao from dae blong hem bikos yu nating wonem hem nomoa.

Matiu 13:57

So olketa barava lukdaonem hem nomoa. Bat Jisas hemi sei long olketa, “Eniwan hu hemi profet, evriwan save tinghae long hem. Bat olketa pipol long hom blong hem an olketa long haos blong hem, olketa nomoa i nating save tinghae long hem.”

Gudnius abaotem Jisas Kraes wea Luk hemi raetem 2:34

An Simion hemi blesim trifala, an hemi tok olsem long Meri hu hemi mami blong pikinini ya, “Disfala pikinini ya, God nao hemi siusim hem fo hemi sevem plande pipol blong Israel, an plande long olketa tu fo hemi no sevem olketa. Bikos bae hemi wanfala saen blong God wea plande pipol nao bae olketa agensim,

Gudnius abaotem Jisas Kraes wea Luk hemi raetem 21:35

olsem animol hemi save sek taem hemi pas insaet long trap. Bikos bae disfala de hemi kam kasem evriwan long disfala wol ya.

Leta wea Pol hemi raetem go long sios long Rom 11:35

“?Hu nao i bin givim enisamting long God, mekem God hemi mas givimbaek samting long hem?”

Josua 10:7

So Josua hemi tekem ful ami blong hem wetem olketa nambawan man blong hem fo faet an goaot nao fo Gibeon.

1 Pita 2:8

An Buktambu hemi sei moa, “Disfala ston nao bae pipol bangam lek blong olketa long hem, an bae hemi mekem olketa foldaon.” Olketa foldaon nogud, bikos olketa no biliv long toktok blong God. Hem nao plan blong God fo olketa.