Aesaea 7:3 - Pijin Bible

³ Yawe nao hemi tok olsem long mi, “Yu tekem smol boe blong yu Seajasub, an yutufala go lukim King Ehas. Bae yu faendem hem long ples wea olketa save wasim kaleko wea wata hemi ran goaot from disfala pul long wata wea hemi antap.

Pijin Deuterocanon

³ Yawe nao hemi tok olsem long mi, “Yu tekem smol boe blong yu Seajasub, an yutufala go lukim King Ehas. Bae yu faendem hem long ples wea olketa save wasim kaleko wea wata hemi ran goaot from disfala pul long wata wea hemi antap.

Aesaea 7:3 Iomraidhean Croise

2 Kings 16:1

Long mekseventin yia wea King Peka, san blong Remalaea, hemi king long Israel, Ehas, san blong King Jotam, hemi kamap king long Jiuda.

2 Kings 18:17

King Senakerib hemi stap yet long taon long Lakis, an hemi sendem komanda blong hem, an nara tufala nambawan bikman blong hem wetem plande soldia fo go long Jerusalem wea King Hesekaea hemi stap long hem. Olketa kam an stap long rod wea hemi go long ples wea olketa save wasim kaleko. Olketa stanap kolsap long ples wea wata hemi ran goaot long disfala pul long wata wea hemi antap.

2 Kings 20:20

Olketa narafala samting wea King Hesekaea hemi duim, wetem olketa bikfala samting wea hemi mekem, an stori abaotem pul blong watasaplae wea hemi wakem, an disfala bikfala hol andanit long graon wea hemi wakem fo tekem wata kam insaet long Jerusalem, olketa raetemdaon long Buk Abaotem Olketa Samting Olketa King blong Jiuda i Duim.

Nehemaea 3:16

Nehemaea, san blong Asbuk, hu hemi bikman long distrik long Bet-Sua, hemi wakembaek moa neks haf blong wolston ya go kasem beregraon blong King Deved, an disfala bik wata tangk, an disfala Haos blong Strongman fo Faet.

Eksodas 7:15

Long moning, bae king hemi godaon long Nael Riva. So yu wetem Eron, bae yutufala tekem disfala wokingstik wea hemi bin kamap snek fastaem, an yutufala go mitim hem long saet long riva ya.

Aesaea 10:21

Ya, olketa hu i laef yet long laen blong Jekob nomoa bae i kam baek long God hu hemi strong tumas.

Aesaea 36:2

King Senakerib hemi stap yet long taon long Lakis, an hemi sendem komanda blong hem wetem plande soldia fo go long Jerusalem wea King Hesekaea hemi stap long hem. Komanda ya wetem olketa soldia blong hem i kam an stap long rod wea hemi go long ples wea olketa save wasim kaleko. Olketa stanap kolsap long ples wea wata hemi ran goaot long disfala pul long wata wea hemi antap.

Aesaea 55:7

Yufala hu i falom olketa nogud wei, yufala mas lusim olketa wei ya. Yufala mas lusim olketa ravis tingting blong yufala. Yufala mas kambaek long Yawe hu hemi God blong yumi, mekem hemi sore long yufala an fogivim olketa sin blong yufala.

Aesaea 6:13

Nomata tu-tri pipol nomoa i stap, bae mi spoelem olketa tu. Nomata olsem, niufala holi pipol blong mi bae i kamap olsem niufala tri wea hemi grouap moa from botom blong tri wea olketa katemdaon finis.”

Jeremaea 22:1

Yawe nao hemi tok long Jeremaea olsem, “Yu godaon long haos blong king blong Jiuda an talemaot disfala mesij long ples ya:

Leta wea Pol hemi raetem go long sios long Rom 9:27

An Aesaea hemi tokabaotem olketa pipol blong Israel, wea hemi singaot olsem, “Nomata pipol blong Israel olketa plande tumas olsem sanbis long saet si, bae samfala nomoa God hemi sevem olketa.