Aesaea 7:21 - Pijin Bible

²¹ “Long datfala taem, no eniwan save plantem moa eni gaden. Wanfala man save kipim nomoa wanfala smolfala buluka an tufala nanigot.

Pijin Deuterocanon

²¹ “Long datfala taem, no eniwan save plantem moa eni gaden. Wanfala man save kipim nomoa wanfala smolfala buluka an tufala nanigot.

Aesaea 7:21 Iomraidhean Croise

Aesaea 14:30

Bae mi lukaftarem olketa pipol hu i barava pua mekem olketa save stap gud moa, olsem man wea hemi lukaftarem olketa sipsip blong hem. Bat bae mi sendem kam hadtaem blong hanggre fo kilim dae olketa famili blong yufala, mekem no eniwan long yufala hemi laef.

Aesaea 17:2

An taon ya long Aroa wetem evri ples raonem, bae hemi emti finis. Bae olketa sipsip an nanigot nomoa i gohed fo kaikai olobaot long olketa taon ya, an bae no eniwan hemi stap fo mekem olketa fraet.

Aesaea 27:10

Wolston raonem bikfala taon ya, bae hemi brekdaon finis, an bae taon ya hemi luk olsem drae eria wea no eniwan hemi stap long hem. An taon ya bae hemi kamap wanfala ples blong olketa buluka fo kaikai an slip long hem. An bae olketa finisim evri lif blong olketa tri long ples ya.

Aesaea 35:1

Wanfala taem wea bae hemi kam, olketa drae eria bae i hapi tumas, an plande flaoa bae hemi grou long ples wea no eniwan hemi stap long hem.

Aesaea 37:30

“King Hesekaea. Wanfala saen fo yu hemi olsem: Disfala yia bae yufala kaikaim olketa kaikai wea hemi grou seleva nomoa long olketa olfala gaden blong yufala. An neks yia bae yufala kaikaim olketa kaikai wea hemi grouap kam bihaen. Bat long mektri yia, bae yufala save wakem moa gaden fo tekem kaikai long hem, an bae yufala save plantem olketa grep fo kaikaim frut blong hem.

Aesaea 5:17

Bae olketa smolfala sipsip an olketa smolfala nanigot i kam fo kaikaim olketa gudfala gras long ples wea olketa taon i stap long hem distaem.

Aesaea 7:25

Olketa ravis gras nomoa bae hemi kavaremap evri ples long olketa hil wea yufala mekem gaden long hem distaem. Bae no eniwan hemi laek fo go long ples ya. Olketa buluka an sipsip nomoa bae i stap long hem.”

Jeremaea 39:10

Bat samfala long olketa pua pipol, wea i no onam enisamting, Nebusaradan hemi letem olketa stap long Jiuda, an hemi givim graon long olketa, an hemi givim tu olketa plantesin blong grep long olketa.